Kòlòtè̌ 1:4 - Kawyaw RC

⁴ Ma̤tè̤ pa hî̌bwǐhî̌sîrî hî̌numî̌, sî yṳǎ Ye̤shǔkhrî̌stu dě sî mo̤ǐ Cǒmara akòyò cahtǐ lǒ̤꤮ bò toǒnumî̌, pa gana̤dehtobò hǒ.

Kawyaw New Testament

⁴ Ma̤titèhî̌dě pa hî̌bwǐhî̌sîrî numî̌, sî yṳ̌ǎnṳ̌ Yeshǔ Khrǐ dě sî mô̤ǐ Cǒmara a kòyò aplò̌shǐ lǒ̤bò tokhlǒnumî̌, pa ganǎ̤de htobòhǒ.

Kòlòtè̌ 1:4 Iomraidhean Croise

Kôritu ginǐ̤bǎ tôbǎ 7:7

Tǐtǔ hèto̤ dě pa sò̌le̤sò̌lò̤ tû̌nu mè̤tò̤, a pwe̤ǐ bǎ pa ta sî ǐkhû̌ǐǎ nû̌û hî̌tènu akhû̌akhî, a ma̤sò̌le̤sò̌lò̤ mè̤mè̤̌ pa. A pwe̤ǐlṳ bǎ pa ta sî nǎsǔ kè̌shǐ jòjî̌ he tò̤, htodě sî gènè̤sǎpla̤ ǐ sî ta̤ma̤sǔ toǒ, htohǒtò̤ sî ǒ tîwî̌tòwònǎ dě sî glè hî̌bǎ ma̤kwaǐ bǎ he, a pwe̤ǐlṳ bǎ he hǐnu akhû̌akhî, khònò̤dě he tǐ̤ sò̌le̤sò̌lò̤khlo pepe.

Galatǐ 3:26

Ta̤yṳta̤nǎ akhû̌akhî, sî lǒ̤꤮ bò htûbò kû̌ta Khrî̌stu tacǎnǔ꤮ pa dě sî htûbò Cǒmara aphû̌ali̤ toǒ hǒ.

Galatǐ 3:28

Yṳ̌daphû̌ ta khlilèphû̌hǔwa̤ Greekphû̌ toǒ, jûphû̌ ta pwa̤ nî̤bǎ ta̤pelesesǎphû̌ toǒ, makhû ta mamǔ, ta̤ lǒ̤꤮ bò htǒotoǒ numî̌ akhǒ nû̌û tò̤, ma̤tè̤hî̌dě sî lǒ̤꤮ bò htǒotoǒ numî̌ sî htûhtò̌bò kû̌ta Khrî̌stu tacǎnǔ꤮ pa hǒ.

Galatǐ 5:6

Ma̤tè̤hî̌dě bǎ sî htûhtò̌ kû̌ta Ye̤shǔkhrî̌stu tacǎnǔ꤮ pa akhanu, ta̤dǔtṳphě bǎbǎ, ta̤dǔtṳphě tò̤ bǎbǎ, a htûbwǐhtûsîrî dǐcǎ꤮ tò̤. Ta̤ htě a htûbwǐhtûsîrî khlokò numî̌, ta̤yṳta̤nǎ htě a dǔlṳ ta̤mo̤ǐ Cǒmara ta kòhǔwa̤ htǒonu pwǎ.

Ěphěsu 1:15

Cǒmara howi̤ pa hǐnu akhû̌akhî, sahtò̌ bǎ he gana̤de ta sî yṳǎ Běcǎ Ye̤shǔkhrî̌stu dě sî mo̤ǐ Cǒmara akòyò akhanu,

Ěphěsu 6:18

Kwisaba Cǒmara ta kwigwèbǎǐ yǎ dě a glè ma̤jè sî ta̤pṳ̂̌꤮ tacǎ nî̌꤮. Kwisaba lǒkho pwǐ Běcǎ sǎcahtǐ yṳ̂klè̌nè̌klò sî pṳ̂̌꤮ taplǎ nî̌꤮. Bǎ sî kwisaba hǐnu akha, ǒsòklò dě ǒsè̌rè̌ lǒkho sîna̤ nî̌꤮. Kwisabadǒ pû bǎ Cǒmara akòyò lǒ̤꤮ bò toǒ pṳ̂̌꤮ taplǎ nî̌꤮.

Kòlòtè̌ 1:9

Hǐnudě, sahtò̌ bǎ pa gana̤de sîwi̤sîkè̌ ti̤ni̤nu, pa bè̌ǒkǔkènǒ pa ta̤kwisaba ta sîya dǐkhò̌꤮ tò̤. Pa kwisaba Cǒmara htě a glè ǐlò̤ lǒbebò sî ta̤sî̌ta̤jò sû̌sò̌ tokho ta ta̤sî̌khû̌sî̌ya sû̌sò̌ tokho htǒotoǒ akhû̌akhî, pa kwisaba Cǒmara ta a glè ǐsî̌ya lǒbe bǎ sî ta sî ma̤ta̤ pwǐ ato nû̌ûsò̌phlǒnu toǒ.

Tîsalònǐ awǐlǒ tôbǎ 1:3

Sî ta̤yṳta̤nǎ akhû̌khî, sî ma̤ta̤ ahtûhtò̌, sî ta̤mo̤ǐ kò akhû̌akhî, sî gûma̤ ta̤, dě sî ǒ ta ta̤kè̌shuǐ dě pa Běcǎ Ye̤shǔkhrî̌stu alo̤ akhû̌khî, sî khòsò̌dobò̌ ta̤ma̤jîma̤jû sî toǒ. Bǎ pa kwisaba dě papha Cǒmara ǒ akhanu, sî ma̤ta̤ lǒ̤꤮ bò htǒotoǒnu, pa shope̤nǎpè̤pe tò̤.

Tîsalònǐ awǐlǒ tôbǎ 3:6

Pwǎ̤tadě khònò̤htǒo Timò̤̌te ǒ sîǒ dě a geto̤sǒ paǒ hǒ. Dě a ge pwe̤ǐ pa ta ta̤wi̤ta̤kè̌ htě amo̤ toǒ. A pwe̤ǐlṳ bǎ pa ta sî ta̤yṳta̤nǎ ta sî ta̤mo̤ǐ toǒ awi̤akè̌. Htohǒtò̤ a pwe̤ǐlṳ pa ta sî gènè̤htò̌nṳ pa pṳ̂̌꤮ taplǎ, dě sî ǒ ta ta̤sò̌le̤sò̌lò̤, htohǒtò̤ sî nǎsǔ kè̌shǐ mè̤mè̤̌ pa pwǐ pa nǎsǔ kè̌shǐ sînu, a pwe̤ǐlṳ bǎ pa hǐnu.

Tîsalònǐ ginǐ̤bǎ tôbǎ 1:3

Pṳwè̤ Khrî̌stuphû̌ toǒ꤮, pa gènè̤htò̌nṳ sî bò̌khòtè꤮ bǎbǎnu, pa bǎ hî̌bwǐhî̌sîrî Cǒmara ta sîya pṳ̂̌꤮ taplǎ, ma̤tè̤hî̌dě sî ta̤yṳta̤nǎ ta sî ta̤mo̤ǐ nû̌û tapwa̤ ta tapwa̤nu, sǔ a dû̌htò̌ akhû̌akhî, pa tobǎ hî̌bwǐhî̌sîrî yǎ.

Philemo 1:5

Ma̤tè̤hî̌dě, he gana̤de ta na yṳǎ mè̤mè̤̌ Běcǎ Ye̤shǔ htodě na mo̤ǐbò kòyò yṳǎ mè̤mè̤̌ Cǒmaranu toǒ akhû̌akhî, he hî̌bwǐhî̌sîrî he Cǒmara.

Hebrǔ 6:10

Cǒmara mî̌ a ma̤pwǎ ta̤cǒta̤tè̤. Ta̤ma̤wǒ htě sî ma̤hto toǒnu a shope̤ tò̤. Ta̤mo̤ǐ htě sî dǔlṳhto yǎya ta sî ma̤jè akòyò toǒ dě sî ma̤jè sělěpe asî htǒonu a shope̤pe tò̤.

Yṳ̂ha awǐlǒ tôbǎ 3:14

Dě wǐkha numî̌, pa sǒsǒta kòyòsinu toǒ pwǎ. Pò̤̌ta khònò̤htǒo pa mo̤ǐ pa pṳwè̤ Khrî̌stuphû̌ toǒ akhû̌akhî, pa sî̌ya ta pa htûhtò̌ kòyò htě a htûpwa̤ toǒ hǒ. Kòyò htě a mo̤ǐ apṳwè̤ Khrî̌stuphû̌ tò̤ toǒ numî̌, a ǒměǒgle pepwǎ dě ta̤si akû pwǎ.

Yṳ̂ha awǐlǒ tôbǎ 3:23

Cǒmara mǎnǎ ayo̤ dě a hî̌, pa bǎ yṳǎ phû̌khû Ye̤shǔkhrî̌stu ami̤ dě pa bǎ mo̤ǐ kè̌khînû̌û tapwa̤ ta tapwa̤ pwǐ a mǎnǎhto ayo̤ ta pa htǒonu.

Yṳ̂ha awǐlǒ tôbǎ 4:16

Hǐnu akhû̌akhî, pa sana̤nu pa sî̌yahǒ, dě pa yṳǎ ta Cǒmara mo̤ǐ pa. Cǒmara mî̌ ta̤mo̤ǐ. Ûpè tapwa̤ bǎbǎ a ǒměǒgle dě ta̤mo̤ǐ akûnu, a ǒměǒgle Cǒmara akû dě Cǒmara ǒměǒgle akû hǒ.