Kòlòtè̌ 1:2 - Kawyaw RC

² He khwè̌ cû̌nṳ bǎ pa pṳwè̤ Khrî̌stuphû̌ htě a cahtǐ dě acǒtè̤ ta ayo̤ dě a ǒ lǒkho Kòlò̌shiawî̤kûnu toǒ a ǒ. Papha Cǒmara abwǐasîrî ta a ta̤pè̤ta̤dû ǒkû̌ tû̌ta sî nî̌꤮.

Kawyaw New Testament

² He wě̤ cû̌nṳ̌ bǎ pa pṳ̌wè̤̌ Khrǐphû̌ dǒ a aplò̌shǐ dě acǒ kû̌ ayô̤̌ dě a ô̌ lô̌khô dǒ Wî̤̌kòlòtè̌ akû nutokhlǒ a ô̌. Papha Cǒmara abwǐdû̌sîrîhtû kû̌ a ta̤gûjû̌kabǎ gǔ ô̌cu kû̌ sî nî̌꤮.

Kòlòtè̌ 1:2 Iomraidhean Croise

Htû̌sò̌htò̌ 16:3

Kòyò cǒtè̤ ta Cǒmara ǒhtûpwa̤ dě hǎkhû̌ bǎotoǒnu, asî mî̌ kòyò wǒ mè̤mè̤̌. He kè̌shǐ asî dě amo̤꤮ mè̤mè̤̌ sò̌phlǒ.

Pwa̤nophû̌ 9:13

Ana̤nǐ hî̌shǔ, “Běcǎ, kòyò htǒotapwa̤ awi̤akè̌nu, he gana̤de kò saprṳ̂ hî̌htoplṳ̂ bǎ he ta, a ma̤jîma̤jû na kòyòcahtǐ ǒ dě Ye̤rǔshèlèwî̤kûnu toǒ, yahî̌.

Rṳ̂̌me̤ 1:7

Khobǒsû̌bǒmo̤ htě a ǒ dě Rò̌mǎwî̤kû sî, Cǒmara mo̤ǐ sî, htohǒtò̤ a kaǎ sî dě sî htûhtò̌ tû̌ akòyò hǒ. He khwè̌cû̌bò bǎ sî lî̤htǒotabǎ. Papha Cǒmara ta pa Běcǎ Ye̤shǔkhrî̌stu ǐtû̌ pû sî ta̤bwǐta̤sîrî ta ta̤gûjûkabǎ nî̌꤮.

Kôritu awǐlǒ tôbǎ 1:2

Pa khwè̌cû̌ lî̤htǒo dě Cǒmara pwa̤yṳǎta̤ aprṳ̂ahophû̌ ǒ bǎ Kòrî̌tiawî̤kû toǒ a ǒ, ta kòyò lǒ̤bò htě a sabahtò̌ Běcǎ Ye̤shǔkhrî̌stu dě a ǒ lǒkho gûla̤ pṳ̂̌꤮ tò̤glònu toǒ a ǒ. Ye̤shǔ htǒonu, pa Běcǎ mî̌ amè̤mè̤, asî Běcǎ mî̌ amè̤mè̤. Ye̤shǔkhrî̌stu akhû̌akhî, Cǒmara ma̤wî̤ma̤cahtǐ sî dě a kaǎ sî ta sî glè ǒhtûpwa̤ cahtǐ dû̌htò̌po̤ aya hǒ.

Kôritu awǐlǒ tôbǎ 4:17

Ta̤wi̤ta̤kè̌ htǒo akhû̌akhî, he nohè Timò̤̌te dě sî ǒ hǒ. A mî̌ asǒsǒta hephû̌ ta hena̤ htě he mo̤ǐ yǎdě acǒatè̤ ta ayo̤ dě Běcǎ akû tapwa̤. Kòyò htě a gû Khrî̌stu akò toǒnu, a to ǒhtûpwa̤ lǒkho hî̌tènu, a ǐ sî̌yahtò̌sǒ sî pwǐ he ǒhtûpwa̤ htǒonu pě. Htǒonumî̌ ta̤ htě he sû̌ǐ bǎ kòyò htě a yṳǎna̤ǎ Ye̤shǔkhrî̌stu toǒ gûla̤ pṳ̂̌꤮ tò̤glò toǒnu hǒ.

Galatǐ 1:3

Papha Cǒmara ta Běcǎ Ye̤shǔkhrî̌stu ǐtû̌ sî ta̤bwǐta̤sîrî ta sò̌phlǒ a ta̤gûjûkabǎ nî̌꤮.

Galatǐ 3:9

Pwǐ Abraham yṳǎ Cǒmara dě a nî̤bǎ ta̤howi̤nu, kòyò lǒ̤꤮ bò htě a yṳǎ ta̤ toǒnu a nî̤bǎ ta̤howi̤ pwǐ anu pě.

Ěphěsu 1:1

He mî̌ Pò̌lu. Cǒmara sò̌phlǒǒ dě he glè htû Ye̤shǔkhrî̌stu a pwa̤nophû̌ tapwa̤. He khwè̌cû̌ lî̤htǒotabǎ dě Cǒmara akòyò htě a ǒ lǒkho dě Ephè̌shiawî̤kûnu toǒ a ǒ. Sî mî̌ kòyò toǒ htě a htûhtò̌ ta Khrî̌stu tacǎ꤮ pa, sî wîkè sî ta̤yṳǎ Ye̤shǔkhrî̌stu tò̤.

Ěphěsu 6:21

Tǔkǐkǔ mî̌ pa pṳwè̤ htě pa mo̤ǐ mè̤mè̤̌ yǎ tapwa̤, htohǒtò̤ a mî̌ pṳwè̤ htě acǒatè̤ ta Běcǎ ta̤ma̤. Ma̤pûhǐ sî sî̌ya ta he ǒmo̤ǒwǒ ya, mî̌ tò̤ ya, htohǒtò̤ he ma̤kwè̌꤮ titènu, a hè pwe̤ǐlṳbò bǎ sî pě.

Phǐlǐpǐ 1:1

Pa mî̌ Pò̌lu ta Timò̤̌te. Pa mî̌ Ye̤shǔkhrî̌stu ajû toǒ. Pa khwè̌cû̌ lî̤ htǒotabǎ ta Cǒmara akòyò htě a htûhtò̌ ta Ye̤shǔkhrî̌stu tacǎ꤮ pa dě a ǒ lǒkho Phǐlǐpiawî̤kûnu toǒ a ǒ. Pa khwè̌cû̌padǒ ta pwa̤yṳǎta̤ aprṳ̂aho hǐkǒdû̌ toǒ ta pwa̤ma̤jè pwa̤yṳǎta̤ aprṳ̂ahophû̌ toǒ.

Petru awǐlǒ tabǎ 1:2

Pha Cǒmara wû̌lǎ sî pwǐ a ta̤yè̤lò̤nǎ tû̌nu dě Běcǎ sǎcahtǐ ma̤wî̤ma̤cahtǐhtò̌ sî, ma̤pûhǐ sî gana̤de Ye̤shǔkhrî̌stu ayo̤ dě asǐ akhû̌akhî, a ma̤mṳ̂plî bǎ sî. Cǒmara abwǐasîrî ta sò̌phlǒ ta̤gûjûkabǎ ǒlǒǒbekû̌ tû̌ta sî nî̌꤮.

Petru ginǐ̤bǎ tabǎ 1:2

Sî sî̌ya Cǒmara ta pa Běcǎ Ye̤shǔkhrî̌stu akhû̌akhî, ta̤bwǐta̤sîrî ta ta̤gûjûkabǎ ǒlǒbekû̌ tû̌ta sî nî̌꤮.

Yṳ̌da 1:2

Cǒmara a ta̤sò̌yṳgwèbǎǐ, a ta̤gûjûkabǎ ta ata̤mo̤ǐ ǒlǒǒbe kû̌ tû̌ta sî nî̌꤮.

Ta̤dǔlè̌nǎ 1:4

He mî̌ Jowǎ̤ni̤. He khwè̌cû̌ lî̤htǒo dě pwa̤yṳǎta̤ aprṳ̂aho susǒtṳmṳ htě a ǒ dě Ashǎgakûnu toǒ ǒ. Cǒmara htě a htûpwa̤ bǎ꤮ nukha, htohǒtò̤ khònò̤kha mî̌ a htûpwa̤pwa̤, nǒkòpěmî̌ a htûpwa̤pwa̤ htǒotapwa̤ ta ta̤htûpwa̤ susǒtapwa̤ htě a ǒ dě gûla̤htò̌yî̤ alo̤mo̤ htǒotoǒ abwǐasîrî ta a ta̤mo̤ta̤kwǐ htǒonu, sî nî̤bǎ tû̌ta nî̌꤮.