Htû̌sò̌htò̌ 74:2 - Kawyaw RC

² Gènè̤htò̌nṳ nakòyò htě na htè̌ge asî dě꤮ wǐkhanu ta nakhlilèphû̌ htě na pwî̤ge asî dě a glè htûbò nakòyònu. Htohǒtò̤ gènè̤htò̌nṳpo̤ Ye̤rǔshèlèwî̤ ǒ dě Sǐokholokhû̌ htě na ǒ ǐyǎ htǒonutò̤glò.

Kawyaw New Testament

² Gènè̤htò̌bǎǐ nakòyò dǒ na rû̌htò̌ge asî dǒwǐkha kû̌ nakhlilè dǒ na pwe̤ge asî dǒ a glè̌ htûhtò̌bò nakòyò nu. Kǎtô̤̌ gènè̤htò̌bǎǐ pô̤̌ Wî̤̌yarǔshale ô̌ dǒ Sǐû khôlôkhû̌ dǒ na dǐ ô̌ a nutôkû.

Htû̌sò̌htò̌ 74:2 Iomraidhean Croise

Htû̌sò̌htò̌ 106:40

Ma̤hǐnudě Cǒmara tûjûpwa̤ sò̌phlǒdû̌ akòyò, a wi̤ja akòyò.

Htû̌sò̌htò̌ 135:4

Cǒmara tûjûpwa̤ wû̌lǎ Yǎ̤kò akhlialè toǒ ta aya tû̌. A wû̌lǎ Israelkhlilèphû̌ htǒonu ta akhlilèphû̌ htě ale̤dû̌pwî̤htû.

Htû̌sò̌htò̌ 33:12

Kòyòkhlilèphû̌ htě Cǒmara tûjûpwa̤ htû asî Cǒmara dě a wû̌htò̌ asî ta aû̌cata̤bî̌ toǒnu a nî̤bǎ ta̤howi̤.

Htû̌sò̌htò̌ 68:16

Kǒ Bashakholodû̌ akholokhi sî, ma̤tè̤dě na cû̌kè̌ sò̌khětǒ̤ kholo htě Cǒmaradû̌ wû̌lǎ yǎta ala̤ǒnu tama hî̌tè? Cǒmara tûjûpwa̤ glèǒ bǎnu tûjûpwa̤.

Htû̌sò̌htò̌ 77:15

Nakòyò htě a mî̌ Yǎ̤kò ta Jǒjè akhlialè sîtoǒnu, na htè̌genṳ asî ta nacǔde htě a sîrîpo̤phǎ.

Htû̌sò̌htò̌ 9:11

Sò̌po̤ htû̌sò̌ǐmò̌ Cǒmara tûjûpwa̤ hǎnòò̌lò̤ dě Sǐokholokhû̌ htě a pǒta̤ htǒota̤pwa̤. A ma̤wǒ kwè̌꤮ paya ta titènu pwe̤ǐlṳbòmò̌ khlilèphû̌ toǒ.

Htû̌sò̌htò̌ 9:12

Cǒmara gènè̤htò̌to̤ kòyò htě kò pè̤ǎpè̤o nû̌û. A shope̤kè asî ta̤kwigwèbǎǐnu toǒ tò̤. A cèrò kòyò htě a ma̤sǔ asînu toǒ.

Htû̌sò̌htò̌ 94:14

Cǒmara tûjûpwa̤ wîkè nǒ akòyò toǒ tò̤. A bè̌kè nǒ kòyò htě a wû̌lǎnu toǒ dî̌kî̌꤮ tò̤.

Pwa̤nophû̌ 20:28

Kè̌ǐkhwè̌ǐ tû̌ lǒkho sîna̤ dě kè̌ǐkhwè̌ǐ lǒkho bò꤮ sophû̌ htě Běcǎ sǎcahtǐ ǐlò̤ bǎ sî dě sî bǎ kè̌ǐkhwè̌ǐ htǒonu toǒ nî̌꤮. Htû lǒkho pwa̤gèǐsophû̌ htě a kè̌ǐkhwè̌ǐ asophû̌ htǒotoǒnu nî̌꤮. Kè̌ǐkhwè̌ǐ lǒkho Cǒmara a pwa̤yṳǎta̤ aprṳ̂ahophû̌ htě aphû̌khû pwî̤gehto nû̌ûta asǐ htǒonu nî̌꤮.

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Ta̤dǔlè̌nǎ 5:9

Asî sò̌po̤ lî̤sò̌po̤ asa to̤to̤, “Na gwatû̌ ta na glè phî̌ lî̤tûlûhtǒo dě kèè̌kè ta̤ma̤dòǐ htǒotoǒ. Ma̤tè̤hî̌dě kò ma̤sihto na akhû̌akhî, ma̤pûhǐ kòyò toǒ htûhtò̌ Cǒmara atanu, na htè̌ge asî ta nasǐ dě kòyòhǎkhû̌phû̌ toǒǒ htě a ǒ dě kòyò pṳ̂̌tṳgumṳ, yo̤ pṳ̂̌to̤yo̤, khlilèphû̌ pṳ̂̌꤮ tacǎ ta ga pṳ̂̌taga akla toǒnu, na htè̌gehto bǎ Cǒmara hǒ.