Htû̌sò̌htò̌ 6:4 - Kawyaw RC

⁴ Kǒ Cǒmara tûjûpwa̤, ma̤lû̌htò̌gemò̌ he. Nata̤mo̤ǐnu ahǎbòjò tò̤ akhû̌akhî, ma̤lû̌htò̌ge mò̌ he.

Kawyaw New Testament

⁴ Ǒ Cǒmara tûjû̌pwa̤, ma̤hǎplǎkèmò̌ he. Nata̤mô̤ nu ahǎbòjò tô̤̌ akhû̌akhî, ma̤hǎplǎkè mò̌ he.

Htû̌sò̌htò̌ 6:4 Iomraidhean Croise

Htû̌sò̌htò̌ 116:4

Bǎnukha, he kwigwèbǎǐ Cǒmara tûjûpwa̤ ta, “Kǒ Cǒmara tûjûpwa̤, khòsò̌do ma̤lû̌htò̌ he.”

Htû̌sò̌htò̌ 116:8

Na ma̤lû̌htò̌ge he dě ta̤si akla. He mi̤sǎshilò̤ nǒpe tò̤, he htò̌tukhu nǒpe tò̤.

Htû̌sò̌htò̌ 120:2

Kǒ Cǒmara tûjûpwa̤, ma̤lû̌htò̌ge he dě kòyò lòhǎlòho, kòyò jono̤ acǔdekû.

Htû̌sò̌htò̌ 121:7

Cǒmara tûjûpwa̤ ma̤kwaǐ na dě ta̤phû̌mò̤shî̌hto pṳ̂̌꤮ tacǎ akla. A ǒpo̤kè̌ǐpo̤ nata̤htûpwa̤.

Htû̌sò̌htò̌ 13:2

He bǎ khòbǎyò̤bǎ gènè̤gu gènè̤gèyî̤ pě pwî̌tè? pṳ̂̌ni̤pṳ̂̌sa꤮ he bǎ sǎpla̤sǎyṳ, he bǎ khòbǎyî̤ pě pwî̌꤮ tè? Pwa̤sò̌khě he toǒ glè ma̤pè̤yî̤po̤ he pwî̌꤮ tè?

Htû̌sò̌htò̌ 17:13

Kǒ Cǒmara tûjûpwa̤, ma̤mò̌, shěshǔmò̌ asî, shěpè̤ kèmò̌ asînu. Noǎ nanò̌she dě ma̤lû̌htò̌kè he dě kòyòphû̌mò̤nu toǒ acǔdekû.

Htû̌sò̌htò̌ 22:20

Ma̤lû̌htò̌ge he dě nò̌she akla. Ma̤lû̌htò̌gepo̤ heta̤ǒhtûpwa̤ dě chyǐnu toǒ acǔdekû.

Htû̌sò̌htò̌ 25:7

Bòlû̌kè heta̤sǔta̤plě ta heta̤ma̤takǎ na dě henějape akhanu toǒ nî̌. Kǒ Cǒmara tûjûpwa̤, pwǐ꤮ na ǒ ta ta̤mo̤ǐ htě ahǎbòjò tò̤ ta ta̤wǒ htǒonu akhû̌akhî, gènè̤htò̌nṳ he.

Htû̌sò̌htò̌ 69:13

Kǒ Cǒmara tûjûpwa̤, hedě he glè kwisabahtò̌ pwǎ dě naǒ. Kǒ Cǒmaradû̌, nata̤mo̤ǐnu ahǎbòjò tò̤ akhû̌akhî, bǎ akhîakha tobǎ akhapěnu gana̤de he kwi na htǒo. Ma̤jèmò̌ he ta nata̤ma̤lû̌htò̌ge htě ate̤mǎ htǒo.

Htû̌sò̌htò̌ 74:10

Kǒ Cǒmaradû̌, pwa̤sò̌khě na toǒ luya̤po̤ na pwî̌tè pě? A pi̤jishǐcǒ nami̤ tûjûpwa̤ pě ya?

Htû̌sò̌htò̌ 79:5

Kǒ Cǒmara tûjûpwa̤, na glè̌ sò̌phlǒdû̌ yî̤ pa to̤ htû̌꤮ bò̌khòtè pě? Mî̌ tûjûpwa̤ pěya? Na glè̌ khû̌khwè, sò̌phlǒdû̌gûhî yî̤ pa sǒsǒta mî̌gènu to̤ htû̌꤮ bò̌khòtè pě?

Htû̌sò̌htò̌ 80:14

Kǒ Cǒmaradû̌ htě a pǒ ta̤ lǒ̤꤮ bò, hèlò̤ mò̌ dě paǒ bǎo, ǒ mǒkhû̌ dě kè̌lò̤ mò̌, kè̌ǐkhwè̌ǐ mò̌ sobîmṳ mî̌ nakòyò htǒo.

Htû̌sò̌htò̌ 86:13

Na mo̤ǐ he ta nata̤mo̤ǐ htě ahǎbòjò tò̤ htǒo awǒ jòjî̌꤮ ta heya tò̤. He glè̌ to̤ phǔtînî̌ ta lṳnǎkhwǎdo akha na ma̤lû̌htò̌ge he.

Htû̌sò̌htò̌ 90:13

Kǒ Cǒmara tûjûpwa̤, htû̌tiwǐ getosǒ mò̌ pa. Pa bǎ khòjîkhòjû yî̤po̤ pě pwî̌꤮ tè? Gwèbǎǐ napwa̤ma̤ta̤phû̌ htǒo toǒ tò̤ya.

Ěphěsu 1:6

A ǐlò̤ko bǎ pa sû ta a phû̌makhû htě a mo̤ǐ htǒotapwa̤ akhû̌akhî, pa htû̌sò̌ǐ plǒ pû nû̌û Cǒmara abwǐdû̌sîrîhtû htǒonu hò̌꤮.