Htû̌sò̌htò̌ 48:1 - Kawyaw RC

¹ Cǒmara tûjûpwa̤ mî̌ adû̌ayǒkhlo ta kòyò. Kò to htû̌sò̌ǐ mè̤mè̤̌ nû̌û dě pacǒmaradû̌ awî̤kû, akholocahtǐkhû̌.

Kawyaw New Testament

¹ Cǒmara tûjû̌pwa̤ mî̌ adû̌htû mî̌ca. Kòyò tôbǎ htû̌sò̌htò̌ mî̌ca lû̌û dǒ pa Cǒmaradû̌ awî̤̌kû, akhôlô plò̌shî̌khû̌.

Htû̌sò̌htò̌ 48:1 Iomraidhean Croise

Htû̌sò̌htò̌ 145:3

Cǒmara tûjûpwa̤ mî̌ asîrîdû̌sîrîhtû na̤cè̌, a gwa htû̌sò̌ǐ mè̤mè̤̌. Asîrîdû̌sîrîhtû pwî̌꤮ tènu, kò sî̌yahtû dǐpwǎ̤꤮ tò̤.

Htû̌sò̌htò̌ 147:5

Paběcǎ ta̤adû̌ mî̌ apo̤aphǎ dû̌꤮ na̤cè̌. Ata̤sî̌yaphlophǎ numî̌ kò sî̌yahtûbò̌ nǒ dǐpwǎ̤꤮ tò̤.

Htû̌sò̌htò̌ 2:6

A hî̌ ta, “Khwǐ htě hewû̌lǎ yǎnu, he nohtò̌ pǒǐ yǎ dě Sǐokholo, hekholocahtǐkhû̌.”

Htû̌sò̌htò̌ 30:1

Kǒ Cǒmara tûjûpwa̤, na ma̤lû̌htò̌ge he. Kǒ Cǒmara tûjûpwa̤, na bè̌htò̌yî̤ he dě pwa̤sò̌khě toǒ sò̌wî̤ǐ he khû̌ tò̤ akhû̌akhî, he htû̌sò̌ǐ na.

Htû̌sò̌htò̌ 42:1

Kǒ Cǒmaradû̌, pwǐ tikhi hǒwi̤sò̌o mè̤mè̤̌ shidû̌hè dě shilo̤kûnu, he nǎsǔ kè̌shǐ jòjî̌꤮ na tò̤.

Htû̌sò̌htò̌ 46:1

Cǒmaradû̌ mî̌ pala̤ǒhǔ, pakhû̌paǎ. Bǎ pa shěto̤bǎ ta̤pò̤ta̤sha, a tîwî̌tòwònǎ dě a glè ma̤jè pa pṳ̂̌꤮ taplǎ.

Htû̌sò̌htò̌ 46:4

Shikhî̌ ǒ tobo dě aphû̌phò toǒ dû̌hè ma̤sò̌le̤sò̌lò̤ kòyò ǒ bǎ Cǒmaradû̌ awî̤kûnu toǒ. Gûla̤ htǒomî̌ gûla̤ acahtǐ, Cǒmara htě adû̌ahtûkhlo kò la̤ǒ agûla̤.

Htû̌sò̌htò̌ 47:8

Cǒmaradû̌ hǎnòò̌lò̤ dě agògohtahtò̌yî̤ cahtǐkhû̌. A pǒǐbò khlilèphû̌ toǒ.

Htû̌sò̌htò̌ 65:1

Kǒ Cǒmaradû̌, pa ǒsî̌tukǔ, htû̌sò̌ǐ na dě Sǐokholokhû̌. Pa glè ma̤lǒma̤bebò pata̤olò̤nu toǒ.

Htû̌sò̌htò̌ 78:68

A cû̌wû̌htò̌ lè̌ dě Yṳ̌da̤khwǐ ta Sǐokholo htě a mo̤ǐ htǒonu tama.

Htû̌sò̌htò̌ 86:10

Nasîrî mî̌ ashû̌asho. Nata̤ma̤ mî̌ acǒklî̌kî̌ya. Cǒmara mî̌ pǒ̤꤮ natapwǎ̤pa.

Htû̌sò̌htò̌ 87:1

Cǒmara tûjûpwa̤ ma̤htò̌ awî̤ Ye̤rǔshèlèwî̤ dě kholocahtǐ akhû̌.

Htû̌sò̌htò̌ 87:3

Kǒ Ye̤rǔshèlèwî̤ mî̌ Cǒmaradû̌ awî̤, kòyò hî̌ nawi̤nakè̌ htě awǒkî̌ya mè̤mè̤̌ toǒ.

Htû̌sò̌htò̌ 96:4

Cǒmara tûjûpwa̤ mî̌ adû̌ayǒ, agwa htû̌sò̌ǐ. Kò to ǐsha bè̌dubè̌na̤khlo yǎta Cǒmara ahǔwa̤ lǒ̤꤮ bò.

Htû̌sò̌htò̌ 99:9

Htû̌sò̌ǐ lǒkho Cǒmara tûjûpwa̤, htě amî̌ pacǒmaradû̌. Subusabahtò̌ yǎ dě akholocahtǐkhû̌. Cǒmara tûjûpwa̤, pacǒmaradû̌ htǒo mî̌ acahtǐ.

Matěo 24:15

Hǐnudě, “Sî kè̌shǐ ta ta̤wi̤japhǎkò to ihtǒ ǒ dě ta̤cahtǐ agûla̤ tò̤ pwǎ̤ta a ihtǒ ǒ bǎnu pě. Dě htǒo akhû̌akhî, kò bè̌ǒkhwè̌kè ta̤cahtǐ agûla̤ pě. Pwa̤po̤ Dani̤ělè pwe̤ǐhto ta̤wi̤japhǎkò awi̤akè̌ htǒohǒ. Bǎ sî kè̌shǐ yǎ htûhtò̌ hǐnu akha pěnu, kòyò htě a dǒlî̤ htǒotoǒ tobǎ sî̌yaphlo lǒkho,

Hebrǔ 12:22

Pò̤̌ta, sî lè̌dě sî hèto̤ dě Sǐokholo hǒ. Kholo htǒotamanu mî̌ Cǒmara htě a htûpwa̤ htǒotapwa̤ awî̤ tî̤wî̤ dě kò kaǎ nû̌ûta Ye̤rǔshèlèwî̤ dě mǒkhû̌ htǒonu tî̤wî̤ hǒ. Cǒmara atanamǒkhû̌phû̌ htě a ǒ asě ta asěkû toǒ hèǒplǒ sò̌le̤sò̌lò̤plǒbò nû̌û bǎnu. Dě sî hè ǒkû̌dǒ ta atanamǒkhû̌phû̌ htǒotoǒ hǒ.

Ta̤dǔlè̌nǎ 19:5

Htodě yo̤po̤htò̌ Khwǐcophǎ gògohtahtò̌yî̤khû̌ nudě a hî̌, “Bò꤮ Cǒmara ajûphû̌ toǒ ta bò akòyò htě aǒ ta a ta̤sîrîshû̌sho toǒ bǎbǎ, aǒtò̤ toǒ bǎbǎ, htě a ǐsha bè̌dubè̌na̤ nû̌û toǒnu, htû̌sò̌ǐ lǒkho pa Cǒmara.”

Ta̤dǔlè̌nǎ 21:2

He kè̌shǐ wî̤cahtǐ mî̌pwǎ Ye̤rǔshèlè wî̤sa htǒotî̤wî̤nu, dě a ǒ mǒkhû̌ Cǒmara a ǒ dě a hèlò̤. Kò tîwî̌tòwò kûsǒnǎ bǎ nû̌û pwǐ pwa̤khòmò̤ mamǔ tapwa̤ htě a ǒpo̤shǔ awṳ̂nu.