Htû̌sò̌htò̌ 41:1 - Kawyaw RC

¹ Kòyò htě a gènè̤to̤bǎ kòyò shuphǔshèwèphû̌ toǒnu, a nî̤bǎ ta̤howi̤. Bǎ a shěto̤bǎ ta ta̤pò̤ta̤sha akhanu, Cǒmara tûjûpwa̤ ma̤lû̌htò̌ge tû̌ta yǎ.

Kawyaw New Testament

¹ Kòyò dǒ a gènè̤bǎ kòyò shèphû̌shèwè̤phû̌ tokhlǒnu, a nǐ̤bǎ ta̤ǐshôwî̤. Bǎ a kè̌shǐtṳ̌bǎ kû̌ ta̤pò̤̌ta̤sha akhanu, Cǒmara tûjû̌pwa̤ ma̤hǎplǎ yǎ pě.

Htû̌sò̌htò̌ 41:1 Iomraidhean Croise

Htû̌sò̌htò̌ 112:9

Pwa̤cǒpwa̤tè̤ tapwa̤ sò̌phlǒsho ma̤jè kòyò shèwèphû̌. Ata̤cǒta̤tè̤ htǒonu, a ǒměǒgle tûjûpwa̤ hǒ. A nî̤bǎ ta̤sîrîdû̌sîrîhtû, kò bè̌dubè̌na̤ nû̌û pě.

Htû̌sò̌htò̌ 34:19

Kòyòsò̌phlǒwǒ tapwa̤ kè̌shǐ shěto̤bǎplṳ̂ ta̤pò̤ta̤sha pwǎ̤tadě Cǒmara tûjûpwa̤ ma̤lû̌htò̌ge yǎta ta̤nu toǒ lǒ̤꤮ bò akla.

Htû̌sò̌htò̌ 37:19

Bǎ gapò̤gasha akha bǎbǎ, asî la̤sòwò̤ gûla̤ ǒtò̤. Bǎ gawi̤gakodû̌ akha bǎbǎ asî ǎkǒobebǎ.

Htû̌sò̌htò̌ 37:26

Pṳ̂̌plǎplǎ a sò̌yṳǐshǔ kòyò, a ǐbǒko kòyò, dě Cǒmara howi̤ nû̌ûphû̌li̤.

Mǎ̤riko 14:7

Kòyò shuphǔshèwèphû̌ toǒ ǒkû̌dǒ ta sî pṳ̂̌꤮ taplǎ pě. Sî dè sò̌yṳ ma̤jè asî bò̌khòtè꤮ numî̌ anî̤ pwǎ, pwǎ̤ta he ǒlo̤lo̤ kû̌nǒ sî tò̤.

Pwa̤nophû̌ 20:35

Ma̤pûhǐ pa ma̤jè bò̌kû̌ kòyò htě a khû̌ǎyû̌lò̤ toǒnudě, he ma̤kè̌mò̌mṳ bòhto bǎ sî pṳ̂̌꤮ tacǎ ta pa tobǎ goǎgowè̤ ta̤, hǐnu. Dě gènè̤htò̌bǎ lǒkho Běcǎ Ye̤shǔ a ta̤hî̌bǎ htě a hî̌ ta, ‘Ǐta̤nu ta̤howi̤ bǎ dû̌khlope ta nî̤bǎta̤,’” Pò̌lu hî̌ bǎ asî hǐnu.

Galatǐ 2:10

Tǒ̤ ta̤tacǎ dě asî sò̌yṳ noma̤ pa numî̌ pwǎpǒ̤ pa shope̤ ma̤jè pûma̤ kòyò shuphǔshèwè toǒ ma̤nu pwǎ. Htǒonumî̌ ta̤tacǎ htě he sò̌phlǒsho ma̤nòtû̌nu pwǎ.

Tîsalònǐ awǐlǒ tôbǎ 5:14

Pṳwè̤sî, pa kwigwèbǎǐ gepo̤sǒ sî ta, ǐsè̌rè̌ tûû̌ kòyò cè̌klèlèbǒnu toǒ nî̌꤮. Htodě ǐkhû̌ǐǎ kòyò htě a ǐshanu toǒ dě ma̤jè kòyò htě a khû̌ǎyû̌lò̤nu toǒ, htodě khòsò̌do bǎ kò pṳ̂̌꤮ tapwa̤ nî̌꤮.

Hebrǔ 6:10

Cǒmara mî̌ a ma̤pwǎ ta̤cǒta̤tè̤. Ta̤ma̤wǒ htě sî ma̤hto toǒnu a shope̤ tò̤. Ta̤mo̤ǐ htě sî dǔlṳhto yǎya ta sî ma̤jè akòyò toǒ dě sî ma̤jè sělěpe asî htǒonu a shope̤pe tò̤.

Jǎgomo̤ 2:13

Ma̤tè̤hî̌dě kòyò tapwa̤pwa̤ a gwèbǎǐ kò tò̤nu, htû̌꤮ Cǒmara cèrò kòyònu tapwa̤ akhapěnu, a gwèbǎǐ nû̌û pě tò̤. Ta̤gwèbǎǐ kònu a ma̤pè̤ ta̤cèrò.

Ta̤dǔlè̌nǎ 3:10

He ta̤mǎlò̤ htě na glè khòsò̌do aya htǒonu, na to̤ǐ phî̌mě akhû̌akhî, ta̤pò̤ta̤sha htě a glè̌ hè dě hǎkhû̌htǒo dě a ma̤kè̌bǎbò kòyò ǒ hǎkhû̌ bǎotebě pě akhanu, he tò̤gòǐ na pě.