Htû̌sò̌htò̌ 4:3 - Kawyaw RC

³ Sî̌ya lǒkho ta Cǒmara tûjûpwa̤ wû̌lǎnṳtû̌ kòyò htě a bè̌dubè̌na̤ nû̌ûnu toǒ ta ayanu tû̌. Bǎ he kwihtò̌ yǎ akha a gana̤de pě.

Kawyaw New Testament

³ Sî̌ganǎ̤ lô̌khô kû̌ Cǒmara tûjû̌pwa̤ rû̌htò̌ tûû̌ kòyò dǒ a bè̌dubè̌nǎ̤ lû̌û nutokhlǒ dǒ aya hǒ. Bǎ he kwihtò̌ a akha a ganǎ̤de pě.

Htû̌sò̌htò̌ 4:3 Iomraidhean Croise

Htû̌sò̌htò̌ 31:23

Kǒ kòyò htě abè̌dubè̌na̤ Cǒmara toǒ, mo̤ǐ Cǒmara tûjûpwa̤. Cǒmara tûjûpwa̤ khwè̌ǐ ma̤kwaǐ kòyò htě a cǒtè̤ ta ayo̤. A cèròbò kòyò htě a bè̌htò̌yî̤ asò̌phlǒ.

Htû̌sò̌htò̌ 34:15

Cǒmara tûjûpwa̤ khwè̌ǐ kòyòsò̌phlǒwǒ. A gana̤de asîta̤kwihtò̌ ta̤ma̤jè.

Htû̌sò̌htò̌ 49:3

He hî̌bǎ yo̤ htě alǒbe ta ta̤sî̌ta̤jò. Hesò̌phlǒ ata̤gènè̤ toǒnu aphloaphǎ.

Htû̌sò̌htò̌ 50:5

A hî̌ ta, “Kòyò htě acǒtè̤ta ayo̤, a ma̤si lṳtòhtò̌ ta̤phû̌ta̤li̤ dě ama̤ ta̤wṳ̂dò ta he toǒnu, hèǒplǒ lǒkho dě heǒ.”

Htû̌sò̌htò̌ 56:9

Bǎ he kwigwèbǎǐ Cǒmaradû̌ ta̤ma̤jè akhanu, pwa̤sò̌khě he lò̤jû khlè̌gekhîbò pě. Htǒomî̌ he sî̌ya ta Cǒmaradû̌ ǒkû̌ tû̌ta he.

Htû̌sò̌htò̌ 6:8

Cǒmara tûjûpwa̤ gana̤de heta̤hǎta̤wo akhû̌akhî hǒ, kǒ kòyò htě a ma̤ ta̤phû̌mò̤shî̌hto, cû̌tepheyî̤kè ta he.

Htû̌sò̌htò̌ 62:10

Yṳǎnǎla̤ǐ pûma̤ ta̤ma̤jîma̤jû kò ma̤. Phî̌htò̌yî̤ pûma̤ sîna̤ ta ta̤kî̌ta̤kû̌ htě sî phî̌sigwiǎ kònu toǒ ma̤. Sǔsǔ na ta̤dû̌yò̤htò̌sa ǒdû̌htò̌ bǎbǎ, nǎla̤ǐ pûma̤ ta̤hǐnu toǒ ma̤.

Jowǎ̤ni̤ 15:16

Sî wû̌lǎhtò̌ he mè̤tò̤. He wû̌lǎhtò̌ sî, he bè̌htò̌ sî dě sî glè hǎhtò̌cû̌ lǒkho ta cû̌ sǎhtò̌phohtò̌ plṳ̂ lǒkho. He bè̌htò̌ sî ta sî glè sǎměhtuto̤ lǒkho dě agutṳ. Sî dè ma̤hǐnu hî̌mî̌ sî kwi titètè̌ bǎbǎ, sî dè kwi ta hemi̤ hî̌nu, pha ǐ sî pě.

Ěphěsu 2:10

Khònò̤dě pa htûhtò̌ pwǐhè̌o numî̌, Cǒmara ma̤pwǎ bǎ pa. Dě pa htûhtò̌ ta Ye̤shǔkhrî̌stu tacǎnǔ꤮ pa akhû̌akhî, Cǒmara ǐ pa ta̤ǒhtûpwa̤ asa hǒ. Ma̤pûhǐ pa ma̤ta̤wǒ ayanudě, a ǐ pa hǒ. Pa ma̤ ta̤wǒ htǒotoǒ ayanu, a tîwî̌tòwònǎ yî̤hto paya hǒ.

Tîmôte ginǐ̤bǎ tôbǎ 2:19

Pwǎ̤tadě kò ma̤ guyṳjò Cǒmara a ta̤kòshî̌ měgle htǒonu tò̤. Dě ta̤kòshî̌ htǒo alo̤nu kò khwè̌nǎ ta, “Běcǎ sî̌yaǐtû̌ akòyò” dě “Kòyò pṳ̂̌꤮ tapwa̤ htě a hî̌ ta he mî̌ Běcǎ akòyò toǒnu, a tobǎ htû̌tiwǐ cû̌khǒkè ana̤ ta ta̤sǔ htǒonu.”

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.

Petru ginǐ̤bǎ tabǎ 2:9

Hǐnudě Běcǎ Cǒmara ma̤lû̌htò̌ge kòyò htě a ma̤to nû̌ûsò̌phlǒ dě a ǒ ta ta̤jîta̤jû akûnu toǒ hî̌tè pěnu a sî̌ya pwǎ. Htohǒtò̤ a pṳ̂měǐ kòyòjono̤ htǒotoǒ dě a cèrò sělěbò asî to̤htû̌ ta̤cèrò amṳni̤nu ti̤ni̤ pě.