Htû̌sò̌htò̌ 26:1 - Kawyaw RC

¹ Kǒ Cǒmara tûjûpwa̤, he ma̤ còcè̌ ta̤ dě acǒatè̤ akhû̌akhî, olò̤mèlò̤ bǎ dǒ he ta heta̤sǔ ǒ dǐcǎ꤮ tò̤. He nǎla̤ǐ pwǎ꤮ pǒ̤ Cǒmara tûjûpwa̤. Hesò̌phlǒ nûhtonûlò̤ nǒtò̤.

Kawyaw New Testament

¹ Ǒ Cǒmara tûjû̌pwa̤, he ma̤ còcè̌ ta̤ dǒ acǒatè̤ akhû̌akhî, olò̤wǎ̤lò̤ bǎ he kû̌ he ta̤sǔ ô̌ tôcǒ꤮ tô̤̌. He nǎla̤ǐ tǒ̤꤮ pwǎ Cǒmara tûjû̌pwa̤ nô̤̌. He sǎphlǒ lûhtolûlò̤ bǎ tô̤̌.

Htû̌sò̌htò̌ 26:1 Iomraidhean Croise

Htû̌sò̌htò̌ 121:3

A noto̤ nǒ na dě klè̌sǔklè̌bǎ akû tò̤. Pwa̤ htě a ǒpo̤kè̌ǐ na htǒotapwa̤ a hǎmoǒtò̤.

Htû̌sò̌htò̌ 15:2

Kòyònu toǒ mî̌ kòyò htě kò bè̌jòpe nû̌û ta̤sǔ tò̤, A ma̤ ta̤cǒta̤tè̤, A hî̌bǎcǒhî̌bǎtè̤ yo̤ pwǐ aǒ nû̌û sò̌phlǒkûnu.

Htû̌sò̌htò̌ 21:7

Htǒomî̌ Khwǐdû̌ yṳǎ Cǒmara tûjûpwa̤ akhû̌akhî hǒ. Cǒmara htě adû̌ayǒkhlo kò htǒotapwa̤ mo̤ǐ nû̌û ta ta̤mo̤ǐ htě ahǎbòjò tò̤ akhû̌akhî, a gu hǎnòò̌ yî̤ mè̤mè̤̌ dě khû̌glûhtakhû̌.

Htû̌sò̌htò̌ 25:2

Hecǒmaradû̌, he nǎla̤ǐ pǒ̤꤮ pwǎ na. Nohtûhtò̌ pûma̤ ta̤sòwò̤ ta heya ma̤. Nosò̌le̤sò̌lò̤ ma̤pè̤kè pûma̤ he ta pwa̤sò̌khě he toǒ ma̤.

Htû̌sò̌htò̌ 25:21

He ǒpo̤kè̌shuǐ pwǎ pǒ̤꤮ dě naǒ akhû̌akhî, ta̤cǒta̤tè̤ ta ta̤wǒ ma̤kwaǐ he pě.

Htû̌sò̌htò̌ 26:11

He lè̌dě he ma̤pwǎ ta̤ acǒatè̤. Gwèbǎǐ dě ma̤lû̌htò̌ge mò̌ he.

Htû̌sò̌htò̌ 28:7

Cǒmara tûjûpwa̤ mî̌ hekhû̌heǎ, hegòtò̤. He nǎla̤ǐ tû̌꤮ yǎ. A ma̤jè he dě he sò̌le̤sò̌lò̤. He glè htû̌sò̌ hî̌bwǐsîrî yǎta ta̤hǎta̤wo.

Htû̌sò̌htò̌ 31:14

Kǒ Cǒmara tûjûpwa̤, he nǎla̤ǐpwǎ pǒ̤꤮ pwǎ na. Na mî̌ hecǒmara hǒ.

Htû̌sò̌htò̌ 35:24

Kǒ Cǒmara tûjûpwa̤, he Cǒmaradû̌, nata̤cǒta̤tè̤ akhû̌akhî, pwe̤ǐlṳ bǎ kò ta he ta̤sǔǒ dǐcǎ꤮ tò̤ htǒonu. Nosò̌wî̤ǐ, nosò̌le̤sò̌lò̤ pûma̤ he ta pwa̤sò̌khě he toǒ ma̤.

Htû̌sò̌htò̌ 37:31

Acǒmaradû̌ ta̤sû̌ta̤tòwò ǒměǒgle nû̌û sò̌phlǒkû. A cû̌klè̌ dě a lòkhǔ tò̤.

Htû̌sò̌htò̌ 4:5

Lṳhtò̌tòhtò̌ ta̤cǒta̤tè̤ta̤lṳ ta atoabǎ, yṳǎnǎla̤ǐ Cǒmara tûjûpwa̤.

Htû̌sò̌htò̌ 43:1

Kǒ Cǒmaradû̌ pwe̤ǐlṳ mò̌ bǎ kò ta he ta̤sǔ ǒtò̤. Hî̌bǎma̤kwaǐ mò̌ bǎ he ta kòyò htě a sî̌ya kû̌kò Cǒmara tò̤nu toǒ bè̌ he ta̤sǔ htǒo. Na mî̌ Cǒmaradû̌ htě a ma̤kwaǐ he tapwa̤ akhû̌akhî, ma̤lû̌htò̌ge mò̌ he dě kòyò lòhǎlòho, kòyòkhuphû̌mò̤ acǔdekû.

Htû̌sò̌htò̌ 54:1

Kǒ Cǒmaradû̌, ma̤lû̌htò̌kèmò̌ he ta nasîrîpo̤phǎ. Shějè mò̌ bǎ he ta napo̤phǎshû̌sho.

Htû̌sò̌htò̌ 62:2

Pwa̤ htě a htû helo̤dû̌ ta pwa̤ma̤lû̌htò̌ge he mî̌ tû̌꤮ a. A mî̌ pwa̤ma̤kwaǐ he, he lò̤jûjòpe dî̌kî̌꤮ tò̤.

Htû̌sò̌htò̌ 62:6

Pwa̤ htě a htû helo̤dû̌, pwa̤ma̤lû̌htò̌ge he mî̌ tû̌꤮ a. A mî̌ pwa̤ma̤kwaǐ he, he lò̤jûjòpe tò̤.

Htû̌sò̌htò̌ 7:8

Cǒmara tûjûpwa̤ cèròtocèròbǎ khlilèphû̌ toǒ. Kǒ Cǒmara tûjûpwa̤, ta̤dû̌ta̤yǒ aběcǎ, hecǒhetè̤, heta̤sǔ ǒ tò̤ akhû̌akhî, khòmò̌ nasò̌ ta hetokho.

Htû̌sò̌htò̌ 94:18

Kǒ Cǒmara tûjûpwa̤, bǎ he hî̌ ta, “He glè̌ si hǒ” akhanu, nata̤mo̤ǐ htě ahǎbòjò tò̤ htǒo a ma̤jè he.

Kôritu ginǐ̤bǎ tôbǎ 1:12

Pa hî̌bǎhtò̌yî̤ bǔ payo̤ ma̤tè̤hî̌dě, pa sò̌phlǒkûhtǒo pa sî̌ya te̤mǎ ta pa ma̤sǔma̤plě, pa hî̌sǔhî̌plěnǒ kò dǐpwǎ̤꤮ tò̤, htohǒtò̤ pa bè̌ cǒtè̤pwǎ pa sò̌phlǒsǔshi dě sîkhû̌ pwǎ. Pa ma̤pwǐhè̌o numî̌ Cǒmara abwǐasîrî a ta̤po̤ta̤phǎ akhû̌akhî pwǎ, kòyòhǎkhû̌phû̌ a ta̤sî̌ta̤jò akhû̌akhînu mè̤tò̤.

Hebrǔ 10:23

Pa pṳ̂měǐwǒ pa ta̤kè̌shuǐ htě pa hî̌hto bǎ kò htǒonu toǒ hò̌, ma̤tè̤hî̌dě pa sî̌ya ta Cǒmaranu acǒatè̤ ta a ta̤olò̤ dě a ma̤pwǐ a hî̌nu pṳ̂̌꤮ taplǎ.

Petru awǐlǒ tabǎ 1:5

Dě sî yṳǎ Khrî̌stu akhû̌akhî, bǎ sî nî̤bǎ ta̤ma̤lû̌htò̌ge hǒtò̤nu, Cǒmara ǒpo̤ǐ bǎ sî ta ata̤po̤ta̤phǎ. Cǒmara ma̤wǒnǎ ana̤ ta htû̌꤮ akhîakha gutṳ pěnu, a dǔlṳ ta̤ma̤lû̌htò̌ge htǒonu pě.

Petru ginǐ̤bǎ tabǎ 1:10

Hǐnudě pṳwè̤ sî꤮, ma̤pûhǐ Cǒmara ata̤kaǎ sî htǒonu ta a ta̤wû̌lǎhtò̌ sî htǒo glè htûhtò̌ hè mè̤mè̤̌ ayanu, jipwi̤ ma̤dû̌htò̌po̤ lǒkho dě alo̤mo̤ tokho nî̌꤮. Sî dè ma̤hǐnu hî̌dě sî htò̌tukhu lòkhǔpe dǐkhò̌꤮ tò̤ hǒ.