Htû̌sò̌htò̌ 15:2 - Kawyaw RC

² Kòyònu toǒ mî̌ kòyò htě kò bè̌jòpe nû̌û ta̤sǔ tò̤, A ma̤ ta̤cǒta̤tè̤, A hî̌bǎcǒhî̌bǎtè̤ yo̤ pwǐ aǒ nû̌û sò̌phlǒkûnu.

Kawyaw New Testament

² Kòyò nutokhlǒ mî̌ kòyò dǒ kòyò bè̌ jò pe lû̌û ta̤sǔ tô̤̌, A mî̌ ta̤cǒta̤tè̤, A hî̌bǎcǒhî̌bǎtè̤ yô̤̌ pwǐ aô̌ dǒ lû̌û sǎphlǒkû.

Htû̌sò̌htò̌ 15:2 Iomraidhean Croise

Htû̌sò̌htò̌ 24:4

Pwǎ̤꤮ pǒ̤ kòyò htě acǔde mṳ̂plî, asò̌phlǒ cahtǐ, a saba kû̌kò ta̤yo̤ta̤gî tò̤, a bèlòhǎlòho kû̌kò yo̤ dǐkhò̌꤮ tò̤nu toǒ hǒ.

Htû̌sò̌htò̌ 84:11

Běcǎ Cǒmara tûjûpwa̤ mî̌ alò̤ta lṳmṳ, pwa̤ma̤kwaǐ pa. Cǒmara tûjûpwa̤ gwèbǎǐ pa, a bè̌dû̌bè̌htû pa. Kòyò htě a ma̤toma̤bǎ ta̤ toǒnu, Cǒmaradû̌ sò̌phlǒǒ asî ta̤wî̤ta̤wǒ.

Lǔka 1:6

Asî sò̌gini̤ ǒhtûpwa̤ cǒtè̤wǒbò dě Cǒmara a lo̤mo̤ pwǐ Běcǎ Cǒmara a ta̤mǎlò̤ ta a ta̤sû̌ta̤tòwò toǒ hî̌nǎnu asî jûle̤phî̌yo̤ ma̤lǒma̤be lǒ̤bò.

Pwa̤nophû̌ 10:35

Kòyò khlilèphû̌ titètè̌꤮ bǎbǎ, a dè bè̌dubè̌na̤ Cǒmara dě a dè ma̤toma̤bǎ ta̤ hî̌numî̌ Cǒmara dǒshuǐ pwǎ asî.

Rṳ̂̌me̤ 2:10

Pwǎ̤tadě Cǒmara glè ǐ kòyò htě a ma̤ lǒ̤꤮ bò ta̤wǒnu toǒ, ta̤sîrîdû̌sîrîhtû, ta̤bè̌dubè̌na̤ nû̌û ta ta̤sò̌phlǒ gûjûkabǎ pě. A ǐ wǐgutṳ̌ Yṳ̌daphû̌nu toǒ pě htopědě a ǐnǒ Yṳ̌daphû̌ mè̤tò̤nu toǒ nǒkò pě.

Galatǐ 2:14

Bǎ he kè̌shǐ ta asî cû̌tope ta ta̤sò̌le̤sò̌lò̤ awi̤akè̌ a ta̤te̤ta̤mǎ aklè̌aklò tò̤ akhanu, he hî̌ Petru dě asî lo̤mo̤, “Na mî̌ Yṳ̌daphû̌ tapwa̤ pwǎ̤ta na ǒhtûpwa̤ pwǐ Yṳ̌daphû̌ mè̤tò̤ tapwa̤ numî̌ anî̤ hǒ. Pwǐ Yṳ̌daphû̌ tapwa̤ ala̤klo ma̤nu, na to lṳ̂kû̌ ma̤kû̌pe tò̤, ma̤tè̤hî̌dě khònò̤htǒo na yṳǎhto Khrî̌stu hǒ. Ma̤hǐnudě khònò̤htǒo na cû̌ noshû̌ Yṳ̌daphû̌ mè̤tò̤ dě a yṳǎ Khrî̌stu toǒ ta a glè gûma̤kû̌ pwǐ Yṳ̌daphû̌ ala̤klo numî̌ anî̤ ya?”

Ěphěsu 2:10

Khònò̤dě pa htûhtò̌ pwǐhè̌o numî̌, Cǒmara ma̤pwǎ bǎ pa. Dě pa htûhtò̌ ta Ye̤shǔkhrî̌stu tacǎnǔ꤮ pa akhû̌akhî, Cǒmara ǐ pa ta̤ǒhtûpwa̤ asa hǒ. Ma̤pûhǐ pa ma̤ta̤wǒ ayanudě, a ǐ pa hǒ. Pa ma̤ ta̤wǒ htǒotoǒ ayanu, a tîwî̌tòwònǎ yî̤hto paya hǒ.

Ěphěsu 4:25

Hǐnudě lòhope pûma̤ kò dǐpwǎ̤꤮ ma̤ nî̌꤮. Hî̌bǎcǒhî̌bǎtè̤ lǒkho kò pṳ̂̌꤮ tapwa̤ nî̌꤮, ma̤tè̤hî̌dě pa mî̌ asǒsǒta na̤saklû tapwǎ̤꤮ pa, pwǎ̤tadě aphwǐaphrû̌ kî̌yapwǎnû̌û hǐnu.

Kòlòtè̌ 3:9

Hî̌bǎ lòhǎlòhope pûma̤ nû̌û tapwa̤ ta tapwa̤ ma̤, ma̤tè̤hî̌dě sî wîkè sî ta̤ǒhtûpwa̤ ali̤ htě sî la̤klo ma̤nu toǒhǒ.

Hebrǔ 11:33

Ta̤yṳ akhû̌akhî, asî htǒotoǒnu, a shěpè̤ shiga toǒ. Asî pǒǐ cǒcǒtè̤tè̤ ta̤ dě a nî̤bǎ ta̤ htě Cǒmara olò̤ asînu toǒ. A ma̤pè̤ lǒkho sî̌ò̌ dě sî̌ò̌ toǒnu a ě asî tò̤.

Yṳ̂ha awǐlǒ tôbǎ 2:29

Sî sî̌ya ta Khrî̌stu mî̌ kòcǒkòtè̤ tapwa̤. Hǐnudě sî to sî̌ya ta kòyò htě a ma̤tota̤ toǒ numî̌, Cǒmara aphû̌ali̤ toǒ hǒ.

Yṳ̂ha awǐlǒ tôbǎ 2:6

Ûpè tapwa̤ bǎbǎ a dè hî̌htò̌lṳ ana̤ ta a htûhtò̌ ta Cǒmara tacǎ꤮ pa hî̌mò̌nu, a tobǎ gûkha yî̤htò̌kû̌ Ye̤shǔkhrî̌stu khò̌lopo̤ gûla̤.

Yṳ̂ha awǐlǒ tôbǎ 3:7

Phû̌li̤ sî, nolǒǎplò̤ǎ cû̌ pûma̤ kò ta sîna̤ dǐpwǎ̤ ma̤ nî̌. Kòyò tapwa̤pwa̤ dě a ma̤ ta̤cǒta̤tè̤ numî̌ kòyò htě acǒatè̤ sǒsǒta Ye̤shǔkhrî̌stu cǒtè̤ htǒonu hǒ.

Ta̤dǔlè̌nǎ 21:8

Pwǎ̤ta kòyò htě a ǐshajò toǒ, kòyò htě acǒatè̤ ta a ta̤yṳta̤nǎ tò̤ toǒ, kòyò htě asò̌phlǒ phû̌mò̤ toǒ, kòyò htě a ma̤si kòyò toǒ, kòyò htě a cû̌sǔnṳ mamǔmakhû toǒ, kòyò htě a htû khînǎkhîno sara ǎkòyòyo̤ toǒ, kòyò htě a saba pwa̤yo̤ toǒ, dě kòyò htě a lòho kò toǒnu agûla̤gûbò̌ mî̌ htě ta̤si ginǐ̤plǎtaplǎ dě kò shû̌gè yǎ ta ya̤sû̌bò htǒotoǒnu hǒ.”