Htû̌sò̌htò̌ 102:2 - Kawyaw RC

² Bǎ he shěto̤bǎ ta ta̤pò̤ta̤sha akhanu, ǒhǔ pûma̤ hela̤ ma̤. Bǎ he kaǎguhtò̌ na akhanu, gana̤de hekwi nahtǒo, kǒshǔphwèpû he.

Kawyaw New Testament

² Bǎ he kè̌shǐtṳ̌bǎ kû̌ ta̤pò̤̌ta̤sha akhanu, ô̌û̌ô̌sè̌ tǎ̤ helǎ̤ mǎ̤. Bǎ he yî̤̌kǒhtò̌ na akhanu, ganǎ̤de mò̌ he kwi nanu dě, kǒshěshu he.

Htû̌sò̌htò̌ 102:2 Iomraidhean Croise

Htû̌sò̌htò̌ 104:29

Bǎ na kè̌khǒkè akhanu, asî ǐsha sò̌gònò̤bò. Bǎ na phî̌htò̌kè asîsò̌htûpwa̤ akhanu, asî sikè, a htûbò gesǒ lo̤hǎ.

Htû̌sò̌htò̌ 13:1

Kǒ Cǒmara tûjûpwa̤, na glè̌ shope̤nǎǐyî̤ he pwî̌tè? Tûjûpwa̤ pěya? Na glè̌ htû̌tiwǐcû̌yî̤kè he pwî̌tè?

Htû̌sò̌htò̌ 143:7

Kǒ Cǒmara tûjûpwa̤, he sò̌phlǒpî̌ mè̤mè̤̌ akhû̌akhî, kǒshǔ mò̌ he. Kè̌khǒkè pûma̤ he ma̤. Dèmè̤tò̤ hî̌mî̌, he sǒsǒkè pwǎ ta kòyò htě a lòte̤ dě lṳnǎkhwǎdokûnu tapwa̤.

Htû̌sò̌htò̌ 17:1

Kǒ Cǒmara tûjûpwa̤, bǎ he kwigwèbǎǐ na ta na glè ma̤toma̤bǎ ma̤cǒma̤tè̤ ta̤ akhanu, gana̤depû heta̤kwi, gana̤depû heta̤yi̤kǒhtò̌, dò̌pû bǎ he ta nanò̌ku. Kǒ Cǒmara tûjûpwa̤, gana̤depû kòyòcǒtè̤ sò̌phlǒ mṳ̂plî kwihtò̌ nahtǒo.

Htû̌sò̌htò̌ 22:19

Kǒ Cǒmara tûjûpwa̤, ǒ te̤pheyî̤ pûma̤ ta he ma̤. Kǒ hekhû̌heǎ, hèma̤jè phwèmò̌ he.

Htû̌sò̌htò̌ 27:9

Htû̌tiwǐkhǒkè pûma̤ nami̤sǎ ta he ma̤. Ta̤sò̌phlǒdû̌ akhû̌akhî, sûcû̌ te̤pheyî̤ pûma̤ najû ma̤. Na mî̌ pwa̤ htě a ma̤jè he. Kǒ Cǒmaradû̌, na mî̌ na ma̤lû̌htò̌ge bǎhto he hǒ akhû̌akhî, bè̌kè pûma̤ he ma̤, wîkè pûma̤ he ma̤.

Htû̌sò̌htò̌ 31:2

Dò̌ nanò̌ku, ma̤lû̌htò̌ge phwèphwè mò̌ he. Htû bǎ he lo̤dû̌ htě a ma̤kwaǐ he. Htû bǎ hewî̤we̤dû̌ htě atònò dě a ma̤lû̌htò̌ge he.

Htû̌sò̌htò̌ 40:13

Kǒ Cǒmara tûjûpwa̤, khòsò̌do, ma̤lû̌htò̌ge he. Kǒ Cǒmara tûjûpwa̤, hèma̤jè phwèphwè mò̌ he.

Htû̌sò̌htò̌ 69:17

He kè̌shǐshěto̤bǎ ta ta̤pò̤ta̤sha akhû̌akhî, kè̌khǒkè pûma̤ nami̤sǎ ta napwa̤ma̤ta̤phû̌htǒo ma̤. Hî̌shǔphwèmò̌ he.

Htû̌sò̌htò̌ 70:1

Kǒ Cǒmaradû̌ ma̤lû̌htò̌ge phwèmò̌ he. Kǒ Cǒmara tûjûpwa̤ hèma̤jè phwèphwè mò̌ he.

Htû̌sò̌htò̌ 71:2

Nacǒnatè̤ akhû̌akhî, ma̤lû̌htò̌ge mò̌ he. Gana̤de heta̤kwigwèbǎǐ na, ma̤lû̌htò̌ge mò̌ he.

Kôritu awǐlǒ tôbǎ 10:13

Ta̤htû̌sǒbǎ aphû̌mò̤ lǒ̤bò htě na kè̌shǐ hèbǎ toǒ numî̌ a sǒsǒpwǎ ta kòyòhǎkhû̌phû̌ ahǔwa̤ toǒ kè̌shǐ hèbǎnu toǒ pwǎ. Pwǎ̤ta Cǒmaranu acǒtè̤ ta ayo̤, Ma̤tè̤hî̌dě ta̤htû̌sǒbǎ aphû̌mò̤ htě ashû̌asho dě na khòbò̌ yǎtò̤ toǒnu, a nokhò na tò̤. Bǎ ta̤ma̤kè̌ hèbǎ na akhanu, ma̤pûhǐ na khòsò̌dobò̌ yǎ, htohǒtò̤ ma̤pûhǐ na lû̌htò̌bò̌ ta ta̤htû̌sǒbǎ aphû̌mò̤ htǒo ayanu, Cǒmara bòmo bǎ na klè̌ pě.