Htû̌sò̌htò̌ 100:3 - Kawyaw RC

³ Sî̌ya ta Israel acǒmara tûjûpwa̤ numî̌ Cǒmaradû̌ mè̤mè̤̌ tapwa̤. A mî̌ pwa̤ htě a bǒlò̤ pa, a htû paběcǎ. Pa mî̌ akòyò, asophû̌mṳ dě a kè̌ǐkhwè̌ǐ.

Kawyaw New Testament

³ Sî̌ganǎ̤ kû̌ Îsôrě̤la a Cǒmara tûjû̌pwa̤ numî̌ Cǒmaradû̌ mè̤̌caca tôpwa̤. A mî̌ pwa̤ dǒ a bô̌lò̤ pa, a htû pa Běcǎ. Pa mî̌ akòyò, asû̌phû̌mṳ̌ dǒ a kè̌pǒ̤ǐ.

Htû̌sò̌htò̌ 100:3 Iomraidhean Croise

Htû̌sò̌htò̌ 119:73

Na bǒlò̤ he ta nacǔde. Ma̤pûhǐ he sû̌ǐ nata̤sû̌ta̤tòwò ayanu, ǐ he ta̤sî̌yaphlophǎ.

Htû̌sò̌htò̌ 12:4

Asî hî̌lǒkho, “Pa hî̌bǎ lòhǎlòhojò yo̤ akhû̌akhî, pa hî̌ hî̌tètè̌ dě pa nî̤bǎbò. “Pa sò̌yṳ hî̌ hî̌tètè̌nu anî̤, kò lo̤bǎ htû sara dě pakhû̌ dǐpwǎ̤꤮ tò̤.”

Htû̌sò̌htò̌ 149:2

Kǒ Israelphû̌ sî, pwa̤bǒlò̤ sînu tapwa̤ akhû̌akhî, sò̌le̤sò̌lò̤ lǒkho. Kǒ Sǐowî̤phû̌ sî, sîkhwǐdû̌ akhû̌akhî, sò̌le̤sò̌lò̤ lǒkho.

Htû̌sò̌htò̌ 46:10

A hî̌ ta, “Pwǎpwǎ꤮ ǒ lǒkho, sî̌ya lǒkho ta he mî̌ Cǒmaradû̌. “Khlilèphû̌ toǒ htû̌sò̌ǐ lǒkho he pě, hǎkhû̌phû̌ toǒ htû̌sò̌ǐ lǒkho he pěpě.”

Htû̌sò̌htò̌ 78:52

A sûhǎhtò̌genṳ akòyò lò̤ta kò gèǐ sophû̌. A yṳ̂klè̌nè̌klògenṳ asî sǒsǒta sophû̌ tṳmṳ dě lo̤mî̌shǒklakhû̌.

Htû̌sò̌htò̌ 79:13

Htodě pa mî̌ nakòyò toǒ htě asǒsǒta sophû̌ dě na gèǐ yǎ la̤ǎshǎkhû̌. Pa glè hî̌bwǐhî̌sîrîhtò̌ na tûjûpwa̤ talakhǎ. Pa htû̌sò̌ǐ na tuhtu hto tuhtu pě.

Htû̌sò̌htò̌ 95:3

Cǒmara tûjûpwa̤ mî̌ Cǒmara htě asîrîshû̌shokhlo kò. Khwǐdû̌ htě asîrîshû̌shokhlo ta Cǒmara ahǔwa̤ toǒ lǒ̤꤮ bò.

Jowǎ̤ni̤ 17:3

Cǒmara mî̌tû̌ na tapwǎ̤pa, kòyò htě a sî̌ya na dě a sî̌ya ta he mî̌ Ye̤shǔkhrî̌stu htě na sûhè yǎ tapwa̤ numî̌, mè̤pwǎ ta̤sî̌ya htě a ǐ asî yolahtûpwa̤ tûjûpwa̤nu.

Kôritu ginǐ̤bǎ tôbǎ 4:6

Bǎ Cǒmara bǒlò̤ ta̤lǒ̤꤮ bò akhanu, a hî̌ ta, “Ta̤khǐ sǒsǔ tephe cû̌kè dě ta̤lî ǒlṳhtò̌ tû̌ nî̌꤮,” a hî̌ hǐnu. Cǒmara ma̤hto bǎ pa hǐnu hǒ. Bǎ pa sî̌ya Khrî̌stu hǒtò̤ akhanu, pa sò̌phlǒ htǒo a khǐte̤pe̤ pwǎ, pwǎ̤tadě Cǒmara ma̤lîkè bǎ pa sò̌phlǒ hǒ. Ma̤pûhǐ pa sî̌yaphlowǒ Cǒmara a ta̤sîrîdû̌sîrîhtû htě a dǔlṳhtò̌ tṳtṳ ta Khrî̌stu htǒotoǒnu, a mî̌ pwa̤ htě a ǐshělîhtò̌ bǎ pa sò̌phlǒ a ta̤gènè̤ toǒ tapwa̤ hǒ.

Ěphěsu 2:10

Khònò̤dě pa htûhtò̌ pwǐhè̌o numî̌, Cǒmara ma̤pwǎ bǎ pa. Dě pa htûhtò̌ ta Ye̤shǔkhrî̌stu tacǎnǔ꤮ pa akhû̌akhî, Cǒmara ǐ pa ta̤ǒhtûpwa̤ asa hǒ. Ma̤pûhǐ pa ma̤ta̤wǒ ayanudě, a ǐ pa hǒ. Pa ma̤ ta̤wǒ htǒotoǒ ayanu, a tîwî̌tòwònǎ yî̤hto paya hǒ.

Petru awǐlǒ tabǎ 2:25

Sî htǒonu, alò̤ta sophû̌ htě a cû̌sǔklè̌ toǒ. Pò̤̌ta khònò̤htǒo sî getosǒ dě pwa̤gèǐ sophû̌ htě a kè̌ǐkhwè̌ǐ sî ta̤ǒhtûpwa̤ htǒotapwa̤ a ǒ hǒ.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.

Petru awǐlǒ tabǎ 4:19

Hǐnudě, sî khòbǎ ta̤jîta̤jû htǒonu, a dè to ta Cǒmara asò̌phlǒ hî̌dě, sî tobǎ ma̤wǒ sělěpo̤, htohǒtò̤ sî to bè̌lò̤ sama sî sò̌phlǒ dě Běcǎ htě a bǒlò̤ ta̤ htě acǒatè̤ ta ayo̤ htǒotapwa̤ a cǔdekû.

Yṳ̂ha awǐlǒ tôbǎ 5:20

Ma̤pûhǐ pa sî̌ya kû̌kò Cǒmara htě ato htǒotapwa̤nu, pa sî̌ya ta Cǒmara aphû̌khûhtǒo hè ǐ sî̌yaphlo bǎ pa hǒ. Pa ǒ dě Cǒmara htě ato htǒotapwa̤ ta aphû̌khû Ye̤shǔkhrî̌stu htǒotapwa̤ akû hǒ. A mî̌ Cǒmara htě ato tapwa̤, htohǒtò̤ Cǒmara htě a ǐ kò yolahtûpwa̤ tûjûpwa̤ tapwa̤.