Htû̌sò̌htò̌ 1:3 - Kawyaw RC

³ Kòyò hǐnutoǒ mî̌ alò̤ta kò shǒǐ sǒmṳ dě shiklohtu, asǎ toshutokha. Alǎ lòsu kû̌kò dǐkhò̌꤮ tò̤. A ma̤ titètè̌꤮ mî̌ a ǎbǎǒbǎ.

Kawyaw New Testament

³ Kòyò pô̤̌nutokhlǒ mî̌ a sô̌sô̌kû̌ kòyò shǒǐ sǒmṳ̌ dǒ shilô̤̌htu, asǎ tôshětôkhǎ. Alǎ lò̤su kû̌ kòyò tôkhò̌꤮ tô̤̌. A ma̤ titètè̌ mî̌ a ǎbǎôbǎ.

Htû̌sò̌htò̌ 1:3 Iomraidhean Croise

Mǒhtûlû̌hǎhtûsa 39:23

Pwa̤ǒpo̤ apo̤ hǐkǒdû̌nu tapwa̤ nopǒǐbò nû̌ûta Jǒjè akhû̌akhî, a lo̤bǎ kè̌gekhîpe dǐcǎ꤮ tò̤ hǒ. Ma̤tè̤hî̌dě Cǒmara tûjûpwa̤ ǒkû̌ ta Jǒjè dě a ma̤ ta̤ titètè̌꤮ bǎbǎnu, ahtûhtò̌ lǒ̤bò.

Mǒhtûlû̌hǎhtûsa 39:3

Bǎ aběcǎ sî̌ya ta Cǒmara tûjûpwa̤ ǒkû̌ nû̌û, dě a ma̤ titètè̌꤮ bǎbǎ Cǒmara tûjûpwa̤ ǐ dû̌htò̌htûhtò̌ nû̌û akhanu,

Htû̌sò̌htò̌ 128:2

Naǎnawè̤ dě na glè ǎbǎ asǎapho. Na glè sò̌le̤sò̌lò̤ ǎbǎobǎ.

Htû̌sò̌htò̌ 129:8

Kòyò htě a cû̌klè̌ bǎnu toǒ, “Cǒmara tûjûpwa̤ howi̤tû̌ta sî, pa howi̤homò̤ tû̌ sî ta Cǒmara tûjûpwa̤ ami̤,” nohî̌ pûma̤ asî pwa̤sò̌khě he toǒ hǐnu ma̤ nî̌.

Htû̌sò̌htò̌ 92:14

Asî mo̤pwa̤hǒ pwǎ̤tadě a sǎhtò̌phohtò̌bò̌pe. Asî mṳdû̌mṳtònò sǐsodǒjasǎhtò̌ pě.

Htû̌sò̌htò̌ 92:15

Asî glè hî̌lṳhtò̌ ta Cǒmara tûjûpwa̤ mî̌ acǒatè̤. A mî̌ helo̤dû̌, a ma̤toma̤bǎbò.

Matěo 13:6

Pò̤̌ta akhò̌wi̤ yṳ̂lò̤yo̤tò̤ akhû̌akhî, bǎ lṳmṳ shěbǎ yǎ akhanu, alû̌gûbò amṳ toǒ dě anokèbò.

Matěo 21:19

Dě Ye̤shǔ kè̌shǐ dǐshimṳ tosǒ ǒ klè̌htu dě a cû̌to nû̌û ǒ pwǎ̤ta a kè̌shǐ nû̌û sǎ dǐma꤮ tò̤. A ǒ còcè̌pwǎ alǎ. Htǒotaplǎdě a hî̌ dǐshimṳ htǒotosǒ, “Sǎpe pûma̤ dǐkhò̌꤮ ma̤ nî̌꤮” A hî̌ dě dǐshimṳ khwesikè taplǎpa.

Matěo 21:34

Ma̤pûhǐ pwa̤khò̌ǎ nû̌û hǔkla toǒ běǎ kû̌ nû̌û sǒsǎ toǒnudě, bǎ khîkha phǔhè ta to běplǒ sobîsǎ akhanu, a nohè jûphû̌ toǒ dě pwa̤khò̌ǎ hǔkla toǒ a ǒ.

Matěo 21:41

Pwa̤tòlûhtò̌ hǐkǒdû̌ toǒ ta Yṳ̌daphû̌ ta̤saba hǐkǒdû̌ toǒ hî̌shǔ, “A ma̤jîma̤jû, ma̤sikè kòyòjîkòyòjûnu toǒ pě. Dě a nokhò̌ǎ khǒlè̌ a hǔkla htǒonu ta pwa̤khò̌ǎ hǔkla dě a mèpa̤ gesǒ nû̌û bǎ ta̤sǎta̤pho hǎhtò̌ akhîakhanu toǒ pě.”

Jowǎ̤ni̤ 15:6

Kòyò tapwa̤pwa̤ a ǒměǒgle kû̌ta he tacǎnǔpa tò̤nu, alò̤ta sǒphò htě kò wîhǎhtò̌kè yǎ dě akhlo, ta a nokhwekè pwǎ toǒnu. Sǒphò hǐnu toǒnu, kò htǔplǒ yǎ dě kò wînṳkè nû̌û mî̌kla dě kò shû̌gèkè pwǎ yǎ.

Yṳ̌da 1:12

Bǎ sî bǒsû̌khǎkho ǎplǒoplǒnû̌û shǎǎ akhanu, kòyò htǒotoǒ hènṳma̤ cǒprǒwi̤ja kû̌ ta sî. Asî htǒotoǒ numî̌ alò̤pwǎ ta pwa̤gèǐsophû̌ toǒ, dě a sò̌le̤kè̌dû̌ pwǎpǒ̤ a la̤ǎbǎobǎ ayapwǎ dě a ta̤la̤sòwò̤nu a ǒ kû̌ lǒkho kò dǐcǎ꤮ tò̤. Asî numî̌ alò̤ta poǒlṳ toǒ dě a cû̌kè dě a julò̤ bǎ kò tò̤nu toǒ pwǎ. Asî htǒotoǒnu alò̤ta sǒmṳ htě asǎapho hǎhtò̌ kû̌kò ta akhîakha tò̤ toǒ, dě kò htěhtò̌ yò̌htò̌sada khò̌wi̤kè asî dě a sikèbò pwǎ.

Ta̤dǔlè̌nǎ 22:2

Dě a dû̌lò̤nṳ wî̤kû dě a dû̌lò̤nṳ dě wî̤ a klè̌dû̌ akǎmakû. Shikhî̌dû̌htu cî̌htè̌cî̌khobònu sǒhtûpwa̤ ǒ. Dě pṳ̂̌lalanu asǎhtò̌ dě taněnu asǎhtò̌ shǐginǐ̤plǎ. Dě alǎ toǒnu a ma̤hǎmǎ bǎ khlilèphû̌ toǒ a ta̤shǐta̤sha.