Hebrǔ 9:7 - Kawyaw RC

⁷ Pwǎ̤tadě ta̤cahtǐgutṳ̌ htǒo to̤to̤ akûnu, a nṳjò pwǎpǒ̤ pwa̤lṳhtò̌ta̤ hǐkǒdû̌gutṳ̌nu tapwǎ̤pa. Taněnu a nṳpwǎ taplǎpa dě a bǎ phî̌nṳ sǐ htě a glè lṳhtò̌ǐtû̌ ata̤sǔ aya htǒonu, ta kòyò htě a gènè̤ to̤tò̤ dě a ma̤sǔ te̤tò̤ toǒ ata̤sǔ aya.

Kawyaw New Testament

⁷ Bǎbǎkǎlè dǒ ta̤plò̌shǐlǒnu tôtô̤̌ akûnu, a genṳ̌nǐ̤ pwǎtǒ̤ pwa̤shû̌gǎ ikǒdû̌lǒ nutôpwa̤ nô̤̌pwǎ. Tôněnu a nṳ̌pwǎ tôplǎ dě a bǎ phǐnǐ̤ sǐ dǒ a gǔ lṳhtò̌ kû̌ ta̤sǔ ayanu, kû̌ kòyò dǒ a gènè̤ tǒ̤tô̤̌ dě a ma̤sǔ tò̤̌ tokhlǒ ata̤sǔ aya.

Hebrǔ 9:7 Iomraidhean Croise

Htû̌sò̌htò̌ 19:12

Tapwǎ̤꤮ mî̌ kò sî̌yajòbò tû̌ kò ta̤sǔ tò̤. Kǒ Cǒmara tûjûpwa̤ ma̤lû̌htò̌ge he ta ta̤sǔ htě he sî̌ya tò̤ dě he ma̤sǔnu toǒ.

Htû̌sò̌htò̌ 95:10

Hǐnudě hewi̤ja asî aně li̤shi. He hî̌ ta, Asî mî̌ kòyò htě acǒtè̤ta he tò̤. “‘Kòyò htě a gana̤de heta̤mǎlò̤ tò̤,’ he hî̌kè hǐnu.

Ěphěsu 4:18

Asînu toǒ mî̌ a sî̌yaphlobò̌ kû̌kò ta̤te̤ta̤mǎ tò̤. Asî hǐkǒshò̌ akhû̌akhî, a sî̌yakû̌ lǒkho kò Cǒmara aklè̌aklo tò̤, dě asî sî̌ya tò̤ akhû̌akhî, asî nî̤bǎ kû̌kò ta̤htûpwa̤ asa htě Cǒmara ǐ htǒonò̤nu tò̤.

Hebrǔ 10:3

Pwǎ̤ta asî ta̤lṳhtò̌ htǒotoǒnu, pṳ̂̌taně a ǐ gènè̤htò̌bǎsǒ asî ta a ta̤sǔǒ hǐnu pwǎ.

Hebrǔ 6:19

Pa ta̤kè̌shuǐ htǒonu alò̤ta lo̤dû̌ htě a cǐmě ǒkǔ sǒkhlidû̌ ta pa ta̤htûpwa̤ aya htǒotamanu hǒ. Pwǐ pwa̤lṳhtò̌ hǐkǒdû̌gutṳ̌nu tapwa̤ nṳcû̌ tûlû̌bò̌ ta hǔgòpwî̌ bědû̌ htě kò codǐdòbǐ yǎta ta̤lṳhtò̌hokûnu tṳpṳ, dě pwǐ a nṳto̤ dě ta̤gûla̤ cahtǐakû htǒonu, pa ta̤kè̌shuǐ htǒo a měgle, a te̤mǎ, dě a sûnṳ to̤kû̌ pa dě Cǒmara alo̤mo̤ hǐnuhǒ.

Hebrǔ 7:27

A mî̌ alò̤ta pwa̤lṳhtò̌ta̤ hǐkǒdû̌gutṳ̌ ahǔwa̤nu toǒ mè̤tò̤. pṳ̂̌ti̤ni̤꤮ a lo̤bǎ lṳhtò̌wǐgutṳ̌ tû̌ ata̤sǔ toǒ htodě a lṳhtò̌nǒ bǎ kòyò ahǔwa̤ toǒ ata̤sǔ toǒ hǐnu mè̤tò̤. Bǎ a lṳhtò̌ ana̤ dě nò̌dòhtǔlo̤ akhanu, a lṳhtò̌ pwǎ taplǎpa dě a htophlǔ tûjûpwa̤ hǒ.

Hebrǔ 9:3

Hǐphû̌dû̌ cahtǐ a takhakû la̤nṳ htǒonu kò co te̤tṳbǐ yǎta hǔgòpwî̌ tṳpṳ. Hǔgòpwî̌ ǒpe tṳpṳ dě kò cobǐ dǐdòkè alo̤mo̤ to̤to̤ htě kò kaǎ yǎta gûla̤cahtǐgutṳ̌ htǒonu to̤to̤.