Hebrǔ 9:6 - Kawyaw RC

⁶ Bǎ kò tîwî̌tòwò bè̌ te̤bǎte̤tohtobò ta̤htǒotoǒ agûla̤ ta agûla̤ akhanu, pṳ̂̌ti̤ni̤꤮ pwa̤lṳhtò̌ta̤ toǒ nṳ hǐphû̌dû̌ cahtǐkû awǐgutṳ̌ to̤to̤ dě a nṳma̤ lǒkho a ta̤phî̌ta̤ma̤.

Kawyaw New Testament

⁶ Bǎ kòyò tîwî̌tòwò bè̌ tě̤tôtě̤bǎ htobò ta̤nutokhlǒ dǒ agûlǎ̤ kû̌ agûlǎ̤ akhanu, pṳ̂̌꤮ ni̤ni̤ pwa̤shû̌gǎ tokhlǒ nṳ̌ dǒ hǐphû̌dû̌kû awǐlǒ tôtô̤̌ dě a nṳ̌ma̤ lô̌khô a ta̤phǐta̤ma̤.

Hebrǔ 9:6 Iomraidhean Croise

Rṳ̂̌me̤ 9:4

Asî mî̌ Israelphû̌ toǒ. Cǒmara bǔǐ asî pwǐ aphû̌ali̤ sana̤nu hǒ. Dě a dǔlṳ bǎ asî ta a ta̤sîrîdû̌sîrîhtû hǒ. Cǒmara ǎměma̤měhto shǎ ta asî dě a ǐlò̤hto asî ta a ta̤sû̌ta̤tòwò hǒ. Asî nî̤bǎ ta̤saba aklè̌aklò ta̤lṳhtò̌hokû dě a nî̤bǎ lǒkho Cǒmara a ta̤olò̤mèlò̤ toǒ hǒ.

Hebrǔ 7:11

Bǎ Cǒmara ǐ Yṳ̌daphû̌ toǒ ta̤sû̌ta̤tòwò akhanu, a bè̌htò̌ pwa̤lṳhtò̌ta̤phû̌ htě akhlialè hǎte̤ ta Lě̤wǐphû̌nu toǒ a ǒ. Asî bǎ lṳhtò̌ǐ bǎ kò pwǐ ta̤sû̌ta̤tòwò toǒ ǒnu. Lě̤wǐphû̌ pwa̤lṳhtò̌ta̤phû̌ htǒotoǒ ma̤ ata̤ma̤ htǒotoǒ pwǎ̤tadě ma̤pûhǐ kò htûhtò̌ kòcǒkòtè̤ ayanu, asî ma̤jòtò̤. Hǐnudě Cǒmara bǎ nohèkhǒ tèplè̌tû̌ pwa̤lṳhtò̌ta̤ ahǔwa̤ tapwa̤. Pwa̤lṳhtò̌ta̤ htǒotapwa̤nu akhlialè hǎte̤ ta Lě̤wǐphû̌ dě akhlialè hǎte̤ tṳtṳ ta Aro a ǒ htǒonu mè̤tò̤. Pwa̤lṳhtò̌ta̤ htǒotapwa̤nu, alò̤ta Malakhǐsèdè̌nu hǒ.