Hebrǔ 9:5 - Kawyaw RC

⁵ Dě tǒcahtǐ akhû̌nu, kò bǒ mǒkhû̌tanaphû̌ htě kò kaǎ yǎta Kherǔbe aplò̌rakhahtǒo ginǐ̤pwa̤ ǒ dě a hǔlò̤bǐ aděge ta tǒcahtǐ akhû̌dǒ dě Cǒmara la̤bòlû̌kè kò ta̤sǔ htǒo alo̤nu. La̤dǒhtû̌ǐphlo bǎ sînu a ǒplṳ̂pe akhû̌akhî, khònò̤dě hî̌phlohî̌wǒbò bǎ sî tò̤.

Kawyaw New Testament

⁵ Dǒ tǒplò̌shǐ akhû̌nu, kòyò bô̌htò̌ mǒkhû̌tanaphû̌ dǒ kòyò kaǎ kû̌ Kherǔbe aplò̌kîshî̌ kakhanu sò̌ginǐ̤ ô̌ dě a hǔbǐlò̤ adî̌ge dǒ tǒplò̌shǐ akhû̌dǒ dě Cǒmara lǎ̤plûkè kòyò ta̤sǔ alô̤nu. Lǎ̤shôbǐǐphlô bǎ sînu a ô̌ dû̌꤮wî̤ pe akhû̌akhî, khònò̤̌dě hî̌ pṳ̂̌bò bǎ sî tô̤̌.

Hebrǔ 9:5 Iomraidhean Croise

Htû̌sò̌htò̌ 80:1

Kǒ pwa̤kè̌ǐkhwè̌ǐ Israelkhlilèphû̌, khòsò̌do gana̤de kû̌ pa. Na mî̌ pwa̤sû Jǒjè akhlialè toǒ sǒsǒta kò gèǐ sophû̌mṳ. Na hǎnòò̌lò̤ dě nagògohtahtò̌yî̤khû̌ htě ahtò̌yî̤khlobò ta mǒkhû̌tanaphû̌ dě kò kaǎ nû̌û ta Kherǔbe htǒoakhû̌. Dǔlṳ htò̌mò̌ nata̤lîta̤rakha.

Htû̌sò̌htò̌ 99:1

Cǒmara tûjûpwa̤ mî̌ khwǐ akhû̌akhî, nogònò̤gèglèbò khlilèphû̌ toǒ. A hǎnòò̌lò̤ dě gûla̤ htò̌yî̤khlo ta mǒkhû̌tanaphû̌ htě kò kaǎ nû̌û ta Rǔbe htǒo akhû̌nu akhû̌akhî, noguyṳbò hǎkhû̌tebě.

Rṳ̂̌me̤ 9:4

Asî mî̌ Israelphû̌ toǒ. Cǒmara bǔǐ asî pwǐ aphû̌ali̤ sana̤nu hǒ. Dě a dǔlṳ bǎ asî ta a ta̤sîrîdû̌sîrîhtû hǒ. Cǒmara ǎměma̤měhto shǎ ta asî dě a ǐlò̤hto asî ta a ta̤sû̌ta̤tòwò hǒ. Asî nî̤bǎ ta̤saba aklè̌aklò ta̤lṳhtò̌hokû dě a nî̤bǎ lǒkho Cǒmara a ta̤olò̤mèlò̤ toǒ hǒ.

Ěphěsu 3:10

Khònò̤dě ma̤pûhǐ pwa̤pǒta̤ dě mǒkhû̌ ta mǒkhû̌ a ta̤shû̌ta̤sho toǒ glè kè̌shǐ sî̌ya Cǒmara ǒta a ta̤sî̌ta̤jò pwî̌꤮ tè, dě a dǔlṳ bǎ asî ta a ma̤htû tǒhtudǒ Yṳ̌daphû̌ htě a htû Khrî̌stuphû̌ toǒ ta Yṳ̌daphû̌ mè̤tò̤ htě a htû Khrî̌stuphû̌ toǒnu, a ma̤htû nû̌û tṳ̂prṳ̂pa pwǐ a pwa̤yṳǎta̤ aprṳ̂aho tṳgumṳnǔpa.

Hebrǔ 4:16

Hǐnudě, pa lo̤bǎ ta̤ bò̌khòtè꤮ bǎbǎnu, pa to hènṳ khuha dě pa Cǒmara htě a gwèbǎǐ kò htǒotapwa̤ a la̤hǎnòò̌ alo̤mo̤nu. Pa nî̤bǎ a ta̤gwèbǎǐ pě dě pa kè̌shǐbǎ abwǐdû̌sîrîhtû htě a ma̤jè pa htǒonu pě.

Petru awǐlǒ tabǎ 1:12

Dě Cǒmara dǔlṳ bǎ pwa̤po̤ htǒotoǒ ta asî ma̤ta̤ htǒotoǒ numî̌ asîyatû̌ mè̤tò̤. Hî̌ mè̤mè̤̌mî̌ sîya pwǎ. Khònò̤htǒo ta̤ htǒotoǒnu a hî̌ sî dě sî gana̤de hǒ. Dě Cǒmara nohè Běcǎ sǎcahtǐ a ta̤po̤ta̤phǎ htě a ǒ mǒkhû̌ hèdě, a hè ma̤ta̤htǒo akhû̌akhî, asî hè pwe̤ǐ bǎ sî ta ta̤sò̌le̤sò̌lò̤ awi̤akè̌ htǒo hǒ. Mǒkhû̌tanaphû̌ toǒnu a sò̌yṳ kè̌lǎsî̌ya te̤mǎkû̌ mè̤mè̤̌ ta̤wi̤ta̤kè̌ htǒotoǒ.