Hebrǔ 9:25 - Kawyaw RC

²⁵ Pwa̤lṳhtò̌ta̤ hǐkǒdû̌gutṳ̌ htǒotapwa̤nu, a bǎ phî̌nṳ ta̤phû̌ta̤li̤ asǐ dě a nṳ ta̤gûla̤ cahtǐgutṳ̌nu to̤to̤ pṳ̂̌taně pwǎ̤tadě Khrî̌stu htǒonu a nṳ lṳhtò̌ ana̤ taplǎ hto taplǎ hǐnu mè̤tò̤.

Kawyaw New Testament

²⁵ Pwa̤shû̌gǎ ikǒdû̌lǒ tôpwa̤nu, a bǎ phî̌nṳ̌ ta̤phû̌ta̤wè̤ asǐ dě a nṳ̌ dǒ ta̤lǎ̤ plò̌shǐlǒ nutôtô̤̌ pṳ̂̌꤮ ně bǎbǎkǎlè Khrǐ nî̌ a nṳ̌ lṳhtò̌ anǎ̤ tôplǎ hto tôplǎ pô̤̌nu mè̤̌tô̤̌.

Hebrǔ 9:25 Iomraidhean Croise

Hebrǔ 10:10

Ye̤shǔkhrî̌stu ma̤ pwǐ Cǒmara a ta̤sò̌yṳ ǒnu, htohǒtò̤ a lṳhtò̌ ana̤klû taplǎpa dě a htophlǔ hǒ akhû̌akhî, a ma̤ cahtǐ pa hǒ.

Hebrǔ 10:19

Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 9:12

Bǎ a cû̌nṳ lṳhtò̌ta̤ dě ta̤gûla̤ cahtǐgutṳ̌ htǒoto̤to̤ akhanu, a phî̌nṳ pè̤ toǒ asǐ, pṳ̂pha toǒ asǐnu mè̤tò̤. A nṳ lṳhtò̌ta̤ ayanu, a phî̌nṳtû̌ asǐ akhû̌akhî, a hènṳ pwǎ taplǎpa dě ahtoaphlǔkè hǒ, dě a ma̤lû̌htò̌ge pa tûjûpwa̤ hǒ.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.

Hebrǔ 9:2

Hǐphû̌dû̌ cahtǐ htǒonu a ǒ ginǐ̤to̤. Awǐ to̤to̤nu kò bè̌ yǎta mî̌kowa̤ tabǎ, dîwa̤htò̌yî̤ tabǎ ta mû̌ cahtǐ htě kò bè̌htò̌ nû̌û dě dîwa̤htò̌yî̤khû̌ toǒ. Htǒoto̤to̤ numî̌ kò kaǎ yǎta ta̤cahtǐ gûla̤.

Hebrǔ 9:26

Khrî̌stu dè lo̤bǎ sala̤la̤ hǐnu hî̌mò̌nu, a tobǎ khòsi sala̤la̤dǒ asò̌ dě hǎkhû̌ htûhtò̌ akhape kò̌. A lo̤bǎ khòsi hǐnutò̤. Khònò̤htǒo bǎ hǎkhû̌ glè phǔ gutṳ akhanu, a hè khòsipwǎ taplǎpa dě a htophlǔ hǒ. Dě a lṳhtò̌ǐ ana̤klû ta ana̤htǒo akhû̌akhî, a phî̌cû̌ tephekè kòyòhǎkhû̌phû̌ toǒ ata̤sǔ toǒ hǒ.

Hebrǔ 9:7

Pwǎ̤tadě ta̤cahtǐgutṳ̌ htǒo to̤to̤ akûnu, a nṳjò pwǎpǒ̤ pwa̤lṳhtò̌ta̤ hǐkǒdû̌gutṳ̌nu tapwǎ̤pa. Taněnu a nṳpwǎ taplǎpa dě a bǎ phî̌nṳ sǐ htě a glè lṳhtò̌ǐtû̌ ata̤sǔ aya htǒonu, ta kòyò htě a gènè̤ to̤tò̤ dě a ma̤sǔ te̤tò̤ toǒ ata̤sǔ aya.