Hebrǔ 9:15 - Kawyaw RC

¹⁵ Dě ta̤wi̤ta̤kè̌ htǒo akhû̌akhî, ta̤howi̤ tûjûpwa̤ htě Cǒmara olò̤htokè bǎ kòyò htě a kaǎ nû̌û toǒ nî̤bǎpě ayanu, Khrî̌stu phî̌hènṳ bǎ Cǒmara akòyò toǒ ta̤wṳ̂dò asa htǒotacǎ dě Cǒmara a ǒ hǒ. Ma̤pûhǐ Khrî̌stu htè̌ge ta plûhǎhtò̌ pelecû̌kè kòyò ǒ bǎ ta̤wṳ̂dò ali̤kla toǒ ayanu, a bǎ khòsikè asò̌. Dě a khòsi asò̌ akhû̌akhî, asî nî̤bǎbò̌kû̌ û̌cata̤ya, a ta̤howi̤homò̤ tûjûpwa̤ htě Cǒmara olò̤hto htǒotoǒnu hǒ.

Kawyaw New Testament

¹⁵ Dǒ ta̤we̤ta̤kènu akhû̌akhî, ta̤ǐshowî̤ tûjû̌pwa̤ dǒ Cǒmara olò̤kè bǎ hto kòyò dǒ a kaǎ lû̌û tokhlǒ gǔ nǐ̤bǎ ayanu, Khrǐ phî̌hèǐ bǎ Cǒmara a kòyò tokhlǒ ta̤olò̤ asa nutôcǒ dǒ Cǒmara a ô̌ hǒ. Pô̤̌khô Khrǐ gǔ ma̤hǎplǎge dě plûhǎhtò̌ pili̤ cû̌kè kòyò ô̌ dǒ ta̤olò̤ ali̤ alǎ̤ nutokhlǒ ayanu, a bǎ khòlṳ̌kè asǎphlǒ. Dǒ a khòlṳ̌ asǎphlǒ akhû̌akhî, asî nǐ̤bǎ bò̌ û̌tě̤û̌ca, a ta̤ǐshowî̤ tûjû̌pwa̤ dǒ Cǒmara olò̤ hto nutokhlǒnu hǒ.

Hebrǔ 9:15 Iomraidhean Croise

Htû̌sò̌htò̌ 37:18

Cǒmara tûjûpwa̤ sî̌ya kòyò htě ata̤sǔ ǒtò̤nu toǒ amṳni̤. Asî û̌cata̤bî̌ glè ǒměǒgle wǒtû̌ tûjûpwa̤.

Matěo 19:29

Htohǒtò̤ ûpèpè̌꤮ bǎbǎ, he akhû̌akhîdě a bè̌kè ahǐaphò bǎbǎ, apṳawè̤ toǒ bǎbǎ, amo̤apha bǎbǎ, aphû̌ali̤ toǒ bǎbǎ, a nî̤bǎ dû̌khlope ta a bè̌kènu toǒ aplǎ aya̤kû pě, htodě a nî̤bǎ yolahtûpwa̤ tûjûpwa̤ talakhǎ pě.

Matěo 22:3

A nocû̌ kaǎhè ajûphû̌ toǒ ta kòyò htě a mǎhèǎhèo nû̌ûnu toǒ pwǎ̤tadě asî hî̌shǔ lǒkho, ‘Tò̤, pa hèkû̌ na tò̤.’

Matěo 25:34

“Bǎnuakha pěnu, Khwǐ htǒotapwa̤ hî̌ kòyò htě acǔdemû htǒotoǒ pě ta, ‘Hèmò̌ lǒkho, sî mî̌ kòyò htě a nî̤bǎ hepha a ta̤howi̤ toǒ, hènṳ phî̌wǒ lǒkho mǒkhû̌ shila̤gakû dě a mî̌ na û̌cata̤bî̌ htě kò ma̤wǒnǎ bǎ sî dě mǒhtûlû̌hǎhtûsape akhahtǒonu.

Matěo 25:36

Bǎ he ǒkoyo la̤kûla̤sǒ akha, sî ǐkûǐsǒ he, bǎ heshǐhesha akha, sîkè̌ǐkhwè̌ǐ he. Bǎ kò dǒlò̤te̤ he dě apo̤kû akhanu, sî hè ǒlè kû̌ he.’

Mǎ̤riko 10:17

Bǎ Ye̤shǔ sahtò̌ hǎhtò̌cû̌kè akhanu, kòyò tapwa̤ khlè̌hè nû̌ûǒ dě a hè gene̤lò̤ nû̌û lo̤mo̤ dě a gwè Ye̤shǔ, “Kǒ sarawǒ꤮ ma̤pûhǐ he nî̤bǎ kû̌kò yolahtûpwa̤ tûjûpwa̤ talakhǎnu dě, he tobǎ ma̤kwè̌꤮ mî̌titè?”

Lǔka 18:18

Kòyò htû hǐkǒdû̌ tapwa̤ gwè Ye̤shǔ, “Kǒ꤮ sarawǒ꤮ ma̤pûhǐ he nî̤bǎ kû̌kò yolahtûpwa̤ tûjûpwa̤ talakhǎnu dě, he tobǎ ma̤kwè̌꤮ mî̌titè?”

Lǔka 22:20

Bǎ a ǎhto lṳmṳhǎshǎǎ akhanu, a phî̌htò̌lè̌ bahtǒo dě a ma̤ sǒsǒnû̌û pwǐ a ma̤ mû̌nu dě a hî̌, “Htǒomî̌ hesǐ htě a ma̤měma̤gle ta̤wṳ̂dò asa dě a sǐlò̤ bǎ sîyanu hǒ.

Jowǎ̤ni̤ 10:28

He ǐ asî yolahtûpwa̤ tûjûpwa̤. A sipe dǐkhò̌꤮ tò̤. Kò hè cǐhǎhtò̌jòpe asî dě he cǔdekû dǐpwǎ̤꤮ tò̤.

Pwa̤nophû̌ 20:32

“Khònò̤htǒo, he ǐlò̤kè sî dě Cǒmara a ta̤kè̌ǐkhwè̌ǐ akû ta abwǐdû̌sîrîhtû a ta̤wi̤ta̤kè̌ htǒonu akû hǒ. A ta̤wi̤ta̤kè̌ htǒonu a ma̤dû̌htò̌htûhtò̌jò sî dě a ǐ sî û̌cata̤bî̌ htě a bè̌wǒnǎ nû̌ûta a kòyòcahtǐ lǒ̤꤮ bò htǒotoǒ ayanu pě.

Rṳ̂̌me̤ 5:10

Dě awǐkha numî̌, pa htû kòyò htě a sò̌khě Cǒmara toǒ. Dě aphû̌khû khòsi asò̌ ta paya akhû̌akhî, a ma̤ mo̤klaǐgesǒ pa hǒ. Khònò̤htǒo pa htû akhobǒsû̌ hǒ. Pa sî̌ya te̤mǎ ta pa lû̌htò̌bò̌ pwǎ ta aphû̌khû a ta̤ǒhtûpwa̤ akò pwǎ.

Rṳ̂̌me̤ 5:6

Ma̤tè̤hî̌dě, bǎ pa ma̤jèbò̌jòpe pana̤ tò̤ akhanu, Ye̤shǔkhrî̌stu hèkhòsi tokhîtokha bǎ kòyòjî kòyòjû toǒ aya.

Rṳ̂̌me̤ 5:8

Pwǎ̤tadě Cǒmara mo̤ǐ pa pwî̌꤮ tè hî̌dě, bǎ pa htûpe ta̤ma̤sǔphû̌ akhapenu, Khrî̌stu hèlò̤khòsi asò̌ ta paya. Htǒomî̌ Cǒmara dǔlṳ pa ta amo̤ǐ pa hǒ.

Rṳ̂̌me̤ 6:23

Ma̤tè̤hî̌dě, ta̤sǔ akhû̌akǎ mî̌ ta̤si. Pwǎ̤ta ta̤bwǐta̤sîrî asû htě Cǒmara ǐlò̤ko pa htǒonumî̌ yolahtûpwa̤ tûjûpwa̤ dě pa Běcǎ Ye̤shǔkhrî̌stu akû htǒonuhǒ.

Rṳ̂̌me̤ 8:28

Kòyò htě a mo̤ǐ Cǒmara, dě Cǒmara kaǎ nû̌û ta a ta̤yè̤lò̤nǎ aya toǒnu, ta̤ma̤htûhtò̌ ana̤ ta asî hî̌tètè̌ bǎbǎnu, Cǒmara ma̤bǎ asîya ta̤wǒ numî̌, pa sî̌ya pwǎ.

Rṳ̂̌me̤ 8:30

Htohǒtò̤, kòyò htě Cǒmara bè̌lò̤nǎhto asò̌phlǒ ta asî dě꤮ wǐkha htǒotoǒnu, a kaǎ asî dě a glè htûhtò̌ akòyò hǒ. Htodě kòyò htě a kaǎ nû̌û htǒotoǒnu, a bè̌cǒbè̌tè̤hto asî hǒ. Htohǒtò̤ kòyò htě a bè̌cǒbè̌tè̤hto htǒotoǒnu, a ǐ asî ta a ta̤sîrîdû̌sîrîhtû toǒ hǒ.

Rṳ̂̌me̤ 9:24

Pa mî̌ kòyò htě Cǒmara kaǎ pa toǒ hǒ. A kaǎ tû̌ Yṳ̌daphû̌ toǒ aklanu mè̤tò̤, dě Yṳ̌daphû̌ mè̤tò̤ toǒ aklanumî̌, a kaǎdǒ tû̌tû̌.

Kôritu ginǐ̤bǎ tôbǎ 3:6

Ma̤pûhǐ pa sû̌ǐ dǒhtû̌ǐphlobò̌ bǎ kò ta̤wṳ̂dò asahtǒo ayanu, pwa̤ htě a ǐlò̤ pa ta̤sî̌ta̤jò htǒonumî̌ Cǒmara htǒotapwa̤ hǒ. Ta̤wṳ̂dò asa htě a ǐlò̤ htǒonumî̌ asǒsǒta kò khwè̌ Mǒ̤jè a ta̤sû̌ta̤tòwònu mè̤tò̤. Ta̤wṳ̂dò asa htǒonumî̌ a nǎla̤ǐ Běcǎ sǎcahtǐ ma̤ta̤ dě pa sò̌phlǒkû htǒonu pwǎ. Pa dè nǎla̤ǐ ta̤sû̌ta̤tòwò htě kò khwè̌ htǒonu hî̌numî̌ pa nî̤bǎ ta̤si pě, pwǎ̤ta Běcǎ sǎcahtǐ htǒonu a phî̌hènṳ bǎ pa ta̤htûpwa̤ tûjûpwa̤ hǒ.

Galatǐ 3:20

Pwa̤ma̤ta̤ aplǎkû tapwa̤mî̌ a ǒhtu cî̌htè̌cî̌khobò. Cǒmara ǐlò̤ a ta̤olò̤ dě Abraham a ǒnu, a lo̤bǎ ta pwa̤ma̤ta̤ aplǎkû dǐpwǎ̤꤮ tò̤. Cǒmara olò̤tû̌ tapwǎ̤ pa.

Ěphěsu 1:7

Khrî̌stu khòsi ana̤ dě asǐ mèlò̤ akhû̌akhî, Cǒmara htè̌ge pa ta a bòlû̌bò pa ta̤sǔ hǒ. Cǒmara abwǐasîrî htǒonu, adû̌ayǒ mè̤mè̤̌ paya.

Tîsalònǐ ginǐ̤bǎ tôbǎ 2:14

Dě pa pwe̤ǐ bǎ sî ta̤sò̌le̤sò̌lò̤ awi̤akè̌ htǒo khû̌khî, Cǒmara kaǎ sî hǐnu hǒ. Ma̤tè̤hî̌dě ma̤pûhǐ sî nî̤bǎ Běcǎ Ye̤shǔkhrî̌stu a ta̤sîrîdû̌sîrîhtûnu dě a kaǎ sî hǒ.

Tîmôte awǐlǒ tôbǎ 2:5

Ma̤tè̤hî̌dě Cǒmara ǒtû̌ tapwǎ̤꤮ pa. Htodě kòyò htě a ma̤pè̤ma̤dû bǎ gesǒ Cǒmara ta kòyòhǎkhû̌phû̌nu a ǒ tapwa̤. A mî̌ kòyòphû̌khû Ye̤shǔkhrî̌stu htǒonuhǒ.

Tîmôte ginǐ̤bǎ tôbǎ 2:10

Hǐnudě ma̤pûhǐ kòyò htě Cǒmara wû̌lǎ nû̌û toǒ nî̤bǎkû̌ ta̤ma̤lû̌htò̌ge ta ta̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu dě, he khòsò̌dopwǎ bǎ asî.

Tǐtǔ 1:2

Ta̤cǒta̤tè̤ htǒonu a ǐ asî ta̤kè̌shuǐ htě asî glè nî̤bǎ yolahtûpwa̤ tûjûpwa̤ talakhǎ aya hǒ. Bǎ hǎkhû̌ htûhtò̌ hǒtò̤ akhanu, Cǒmara htě a lòhonǒ dǐkhò̌꤮ tò̤ htǒotapwa̤nu, a olò̤nǎhto ta a glè ǐ pa ta̤htûpwa̤ htǒonu hǒ.

Tǐtǔ 3:7

Cǒmara bè̌cǒbè̌tè̤ pa ta abwǐdû̌sîrîhtû khû̌khî hǒ. Hǐnudě khònò̤htǒo pa nî̤bǎ pa ta̤kè̌shuǐ htě a mî̌ yolahtûpwa̤ û̌cata̤bî̌ tûjûpwa̤ talakhǎ htǒonu hǒ.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 10:36

Ma̤pûhǐ sî ma̤to pwǐ Cǒmara sò̌yṳ noma̤ sînu, htodě ma̤pûhǐ sî nî̤bǎ a ta̤olò̤ htě a olò̤hto sî toǒ ayanu, sî bǎkhòsò̌do lǒkho.

Hebrǔ 11:13

Kòyò lǒ̤bò htě Cǒmara olò̤ nû̌ûta a glè ǐ nû̌û htǒotoǒnu a yṳǎ gutṳ Cǒmara to̤ bǎ a si lǒkhonu ti̤ni̤. Ta̤ htě Cǒmara olò̤kè nû̌û dě a glè ǐ asî htǒotoǒnu, a nî̤bǎ hǒtò̤, pwǎ̤ta asî kè̌shǐnǎwǐ yî̤hǒ dě a sò̌le̤ phî̌shǔnǎwǐ ta̤olò̤ htǒotoǒ hǒ. Asî olò̤ lǒkho ta asî mî̌ a cû̌htû shǐtè̤mè̤ dě kòshikòga pwǎ, dě asî hè ǒkǔpwǎ bǎ hǎkhû̌bǎo teděsǎphû̌ pwǎ, a hî̌ lǒkho hǐnu.

Hebrǔ 12:24

Sî hèto̤ Ye̤shǔ a ǒ hǒ. Ta̤wṳ̂dò asa htě kòyòhǎkhû̌phû̌ ta Cǒmara aplǎkû htǒonu a htû bǎ pwa̤ma̤ta̤ma̤ aplǎkû tapwa̤ hǒ. Htohǒtò̤ sî hèto̤ dě Běcǎ Ye̤shǔ asǐ la̤sǐlò̤ agûla̤ htě awǒkhlope ta Abělè asǐhtǒonu a ǒ hǒ.

Hebrǔ 13:20

Ma̤pûhǐ sî ma̤toma̤bǎ ta̤pè̤ta̤dû a Cǒmara htǒotapwa̤ asò̌phlǒnu dě, ta̤wǒ lǒ̤꤮ bò htě sî lo̤bǎ toǒnu, a ǐ bòmṳ̂sîglî tû̌ta sî nî̌꤮. Ye̤shǔkhrî̌stu akhû̌akhî, Cǒmara ma̤ta̤ dě pakû pwǐ a to tû̌ta asò̌phlǒnu toǒ nî̌꤮. Cǒmara ma̤htûpwa̤gehto pa Běcǎ Ye̤shǔ ta ta̤si hǒ. Dě Běcǎ Ye̤shǔ khòsi asò̌ dě asǐ bǎ mèlò̤ akhû̌akhî, a ma̤měma̤glekèhto Cǒmara a ta̤wṳ̂dò asa htě a ǒ tûjûpwa̤ htǒonutûmû hǒ. Dě a ma̤ hǐnu akhû̌akhî, Ye̤shǔ htû pa pwa̤gèǐsophû̌ htě adû̌khlokò tapwa̤ hǒ. Pa mî̌ asophû̌ toǒ hǒ. Kò ma̤sîrîdû̌sîrîhtû tû̌ta Ye̤shǔkhrî̌stu tûjûpwa̤ talakhǎ nî̌꤮.

Hebrǔ 2:14

Phû̌mǔphû̌khû a kaǎ nû̌û htǒotoǒnu, a ǒ ta ana̤klû sǐshi dě a sijò akhû̌akhî, Běcǎ Ye̤shǔ hèlò̤ phî̌nṳkû̌ kòyòhǎkhû̌phû̌ ana̤klû htě a sǒsǒkû̌ta asînu. A htûhtò̌ sǒsǒta kòyòhǎkhû̌phû̌ akhû̌akhî, a sijò. Ma̤pûhǐ Ye̤shǔ ma̤pî̌kè khînǎmo̤pha hǐkǒdû̌ htě kò kaǎ yǎta Sehto htě a ǒ ta a ta̤po̤ta̤phǎshû̌sho dě a pǒǐ ta̤si htǒotado ayanu, a khòsikè asò̌.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 6:13

Bǎ Cǒmara olò̤ ata̤hî̌bǎ tûmû ta Abraham akhanu, a bèhto ayo̤ ta a glè ma̤ pwǐ a olò̤nu. Kòyò htě adû̌khlo nû̌ûnu a ǒ dǐpwǎ̤꤮ tò̤ akhû̌akhî, bǎ a bèlò̤ ayo̤ akha, a htò tû̌pwǎ ami̤.

Hebrǔ 6:15

Abraham ǒpo̤ khòsò̌doǐ, dě anǒkònu a nî̤bǎ Cǒmara olò̤ nû̌ûyo̤nu tûmû.

Hebrǔ 7:22

Ta̤wṳ̂dòyo̤ asa htě Cǒmara ma̤htûhtò̌ bǎ pa dě pa glè nî̤bǎ ta̤pelesesǎ aya htǒotûmûnu, awǒkhlope ta ta̤wṳ̂dòyo̤ ali̤nu tûmû. Ma̤tè̤hî̌dě, Cǒmara bèlò̤hto ayo̤ hǐnu akhû̌akhî, Ye̤shǔ mî̌ pwa̤ htě a ma̤lǒbe te̤mǎ bǎ pa ta̤wṳ̂dò asahtǒo tûmû tapwa̤ hǒ.

Hebrǔ 8:13

Cǒmara hî̌ ta htǒo mî̌ ta̤wṳ̂dò asa tacǎ akhû̌akhî, a nohtûhtò̌kè ta̤wṳ̂dò ali̤ htǒonu ta a lo̤bǎpe tò̤. Ali̤alṳ̂ hǒ, kò lo̤bǎpe yǎtò̤, dě yî̤hǒtò̤ pěmî̌, a glè hǎmǎkè hǒ.

Hebrǔ 9:12

Bǎ a cû̌nṳ lṳhtò̌ta̤ dě ta̤gûla̤ cahtǐgutṳ̌ htǒoto̤to̤ akhanu, a phî̌nṳ pè̤ toǒ asǐ, pṳ̂pha toǒ asǐnu mè̤tò̤. A nṳ lṳhtò̌ta̤ ayanu, a phî̌nṳtû̌ asǐ akhû̌akhî, a hènṳ pwǎ taplǎpa dě ahtoaphlǔkè hǒ, dě a ma̤lû̌htò̌ge pa tûjûpwa̤ hǒ.

Hebrǔ 9:16

Hî̌kû̌nǎ lî̤ tabǎ htě kòyò tapwa̤pwa̤ dè khwè̌nǎ ta kòyò htǒotapwa̤ glè bè̌nṳ kòyòsinu tapwa̤ a û̌cata̤ya hî̌numî̌, ma̤pûhǐ a nî̤bǎ û̌cata̤ya htǒonu, a bǎ dǔlṳ nû̌ûta kòyò khwè̌ lî̤htǒo tapwa̤ mî̌ a bǎ sihtohǒ, hǐnu.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Jǎgomo̤ 1:12

Kòyò htě a khòsò̌do toǒnu, htû̌꤮ a kè̌shǐ shěto̤bǎ ta ta̤pò̤ta̤sha ta̤lǒǎplò̤ǎ akhapěnu, a nî̤bǎ ta̤howi̤ pě. Ma̤tè̤hî̌dě bǎ asî ma̤pî̌htokè ta̤pò̤ta̤sha ta̤lǒǎplò̤ǎ pwǐhè̌o akhanu, Cǒmara ǐ asî ta̤htûpwa̤ tûjûpwa̤ asû htě a olò̤ ta a ǐ kòyò htě a mo̤ǐ nû̌ûnu toǒ pě.

Petru awǐlǒ tabǎ 3:18

Ma̤tè̤hî̌dě Khrî̌stu khòsipwǎ bǎ ana̤ ta kòyò ta̤sǔ aya taplǎpa dě ahtoaphlǔ hǒ, a lo̤bǎ khòsipe nǒtò̤. Ma̤pûhǐ a sûcû̌ sî Cǒmara a ǒ dě kòyò cǒtè̤ htǒotapwa̤nu, a hè khòsihto bǎ kòyò ta̤ma̤sǔphû̌ toǒ agûla̤ hǒ. Kò ma̤si ana̤klû pwǎ̤tadě Cǒmara ma̤htûpwa̤gesǒ yǎta Běcǎ sǎcahtǐ akû.

Petru awǐlǒ tabǎ 5:10

Cǒmara mî̌ ta̤bwǐta̤sîrî lǒ̤꤮ bò a Běcǎ htě a kaǎ sî ta a ǐ sî ata̤sîrîdû̌sîrîhtû tûjûpwa̤ dě Ye̤shǔkhrî̌stu akû htǒonu pě. Bǎ sî khòbǎ ta̤jîta̤jû teděsǎphû̌ htǒo tûlû̌hto pěnu, Cǒmara sana̤nu a ma̤měma̤gle tònòwǒgesǒ sî pě, htodě a ǐshû̌ǐshohtò̌ sîkhû̌sîǎ pě.

Yṳ̂ha awǐlǒ tôbǎ 2:25

Htodě Khrî̌stu sana̤ olò̤ ta a ǐ pa pě numî̌ yolahtûpwa̤ tûjûpwa̤ talakhǎ htǒonu.

Ta̤dǔlè̌nǎ 5:9

Asî sò̌po̤ lî̤sò̌po̤ asa to̤to̤, “Na gwatû̌ ta na glè phî̌ lî̤tûlûhtǒo dě kèè̌kè ta̤ma̤dòǐ htǒotoǒ. Ma̤tè̤hî̌dě kò ma̤sihto na akhû̌akhî, ma̤pûhǐ kòyò toǒ htûhtò̌ Cǒmara atanu, na htè̌ge asî ta nasǐ dě kòyòhǎkhû̌phû̌ toǒǒ htě a ǒ dě kòyò pṳ̂̌tṳgumṳ, yo̤ pṳ̂̌to̤yo̤, khlilèphû̌ pṳ̂̌꤮ tacǎ ta ga pṳ̂̌taga akla toǒnu, na htè̌gehto bǎ Cǒmara hǒ.