Hebrǔ 9:13 - Kawyaw RC

¹³ Dě pa ta̤sû̌ta̤tòwò ali̤htǒo akûnu, pè̤ toǒ ta pṳ̂phatolo toǒ asǐ htǒo ta pṳ̂phû̌ htě kò shû̌gèhtûhtò̌bò nû̌û ta phǎ htǒotoǒnu, kò bǎ plṳ yǎta kòyò htě a hî̌bǎphû̌mò̤ ta ta̤subusaba ala̤klo htǒonu tapwa̤ alo̤, ma̤tè̤hî̌dě ma̤pûhǐ ana̤klû mṳ̂plî dě akhlo tokho ayanudě, asî ma̤mṳ̂plî nû̌û hǐnu.

Kawyaw New Testament

¹³ Dǒ pa ta̤sû̌ta̤tòwò ali̤ akûnu, pè̤̌ sî kû̌ pṳ̂̌phalo sî asǐnu kû̌ pṳ̂̌phû̌ dǒ kòyò shû̌u htûhtò̌bò lû̌û kû̌ kûphǎ tokhlǒnu, kòyò bǎ plṳ̌ kû̌ kòyò dǒ a phû̌mò̤̌ kû̌ ta̤cubucaba alǎ̤klônu tôpwa̤ alô̤, ma̤titèhî̌dě pô̤̌khô anǎ̤glǒ gǔ mṳ̂̌plî dǒ akhlo tôkhô ayanudě, asî ma̤mṳ̂̌plî lû̌û pô̤̌nu.

Hebrǔ 9:13 Iomraidhean Croise

Htû̌sò̌htò̌ 51:7

Phî̌tephebòkè heta̤sǔ ta Hyssop lǎ pě꤮ mî̌ he glè wî̤cò. Shǔbò mò̌ he, pě꤮ mî̌ he glè bûphǔkhlo ta cashi.

Pwa̤nophû̌ 15:9

Cǒmara a ta̤kè̌shǐ numî̌ hî̌tènudě, Yṳ̌daphû̌ htǒotoǒ ta Yṳ̌daphû̌ mè̤tò̤ htǒotoǒ numî̌ akhǒ nǒ nû̌û dǐcǎ꤮ tò̤. Dě asî yṳǎna̤ǎ Cǒmara akhû̌akhî, a bòlû̌kè asî ta̤sǔ dě a ma̤mṳ̂ma̤plîkè asî sò̌phlǒ.

Hebrǔ 10:29

Hǐnudě sî gènè̤kè̌mò̌ kòyò htě a hî̌ tukutakǎ Cǒmara aphû̌khû htǒotoǒ, dě a wîkè nû̌û toǒnu, Cǒmara cèròjîkhlo asî pě. Htodě Khrî̌stu khòsi asò̌ dě a ǐhtûhtò̌ Cǒmara a ta̤wṳ̂dò asa htǒonuhǒ dě Khrî̌stu shǔbòkè pa ta asǐ hǒ. Hǐnudě kòyò htě a bè̌ le̤dû̌pwî̤htû Khrî̌stu asǐ tò̤ toǒnu, Cǒmara cèròjîkhlo asî pě. Htohǒtò̤ kòyò htǒotoǒnu a hî̌ phû̌mò̤shî̌hto Běcǎ sǎcahtǐ htě a ǐ asî ta̤bwǐta̤sîrî htǒotapwa̤ akhû̌akhî, Cǒmara cèròjîkhlo asî ta kòyò htě a ma̤sǔ Mǒ̤jè a ta̤sû̌ta̤tòwònu toǒ pě.

Hebrǔ 10:4

Ma̤tè̤hî̌dě pṳ̂phatolo asǐ, pè̤ asǐ htǒotoǒnu a phî̌ tephejòkè ta̤sǔ tîkî̌ tò̤.

Hebrǔ 9:19

Bǎ Mǒ̤jè pwe̤ǐlṳhtobò bǎ kòyò pṳ̂̌ tapwa̤ ta Cǒmara mǎnǎbò a ta̤sû̌ta̤tòwò toǒ akhanu, a phî̌ pṳ̂phû̌ toǒ asǐ ta pè̤ toǒ asǐ dě a kloshîlo̤dǒ nû̌ûta shi, htodě a phî̌ sophû̌shû̌lî̤ dě a bǒmě nû̌ûta sǒphò htě kò kaǎ yǎta hyssop phòphû̌ htǒotòphò akhi dě a shǐ nû̌ûta lî̤ htě kò khwè̌nǎ yǎta Cǒmara a ta̤sû̌ta̤tòwò htǒo tabǎ, htohǒtò̤ a shǐnṳbò nû̌ûta kòyò pṳ̂̌ tapwa̤.

Petru awǐlǒ tabǎ 1:22

Khònò̤dě sî jûle̤phî̌yo̤ Cǒmara a ta̤sû̌ǐ a ta̤te̤ta̤mǎ toǒ akhû̌akhî, sî ma̤mṳ̂plî sî sò̌phlǒ dě sî htû kòyò htě a mo̤ǐ mè̤mè̤̌ pṳwè̤ Khrî̌stuphû̌ htǒotoǒ hǒ. Ma̤hǐnudě mo̤ǐ lǒ̤sû̌lǒ̤sò̌ kè̌khînû̌û tapwa̤ ta tapwa̤ nî̌꤮.