Hebrǔ 9:12 - Kawyaw RC

¹² Bǎ a cû̌nṳ lṳhtò̌ta̤ dě ta̤gûla̤ cahtǐgutṳ̌ htǒoto̤to̤ akhanu, a phî̌nṳ pè̤ toǒ asǐ, pṳ̂pha toǒ asǐnu mè̤tò̤. A nṳ lṳhtò̌ta̤ ayanu, a phî̌nṳtû̌ asǐ akhû̌akhî, a hènṳ pwǎ taplǎpa dě ahtoaphlǔkè hǒ, dě a ma̤lû̌htò̌ge pa tûjûpwa̤ hǒ.

Kawyaw New Testament

¹² Bǎ a cû̌nṳ̌ lṳhtò̌ta̤ dǒ ta̤lǎ̤ plò̌shǐ lǒkhlo kò tôtô̤̌ akhanu, a phî̌nṳ̌ pè̤̌ sî asǐ, pṳ̂̌pha sî asǐ numè̤̌tô̤̌. A gǔ nṳ̌ lṳhtò̌ta̤ ayanu, a phî̌nṳ̌ tûû̌ asǐ akhû̌akhî, a hènṳ̌ pwǎ tôplǎ dě ahtoaphlǔ bòhǒ, dě a ma̤hǎplǎge pa tûjû̌pwa̤ hǒ.

Hebrǔ 9:12 Iomraidhean Croise

Mǎ̤riko 3:29

Pò̤̌ta kòyò htě a pi̤jishǐcǒ Běcǎ sǎcahtǐnu Cǒmara bòlû̌bò̌pe nû̌ûta̤sǔ dî̌kî̌꤮ tò̤. Ata̤sǔ htǒonu a ǒmějò tûjûpwa̤ talakhǎ pě.”

Lǔka 1:68

“Pa htû̌sò̌ǐ wo̤wǒ̤nû̌û Israelphû̌ a Běcǎ Cǒmara hò̌꤮. Ma̤tè̤hî̌dě a hè kè̌kòhò akòyò toǒ ta a hè htè̌ge nû̌û.

Pwa̤nophû̌ 20:28

Kè̌ǐkhwè̌ǐ tû̌ lǒkho sîna̤ dě kè̌ǐkhwè̌ǐ lǒkho bò꤮ sophû̌ htě Běcǎ sǎcahtǐ ǐlò̤ bǎ sî dě sî bǎ kè̌ǐkhwè̌ǐ htǒonu toǒ nî̌꤮. Htû lǒkho pwa̤gèǐsophû̌ htě a kè̌ǐkhwè̌ǐ asophû̌ htǒotoǒnu nî̌꤮. Kè̌ǐkhwè̌ǐ lǒkho Cǒmara a pwa̤yṳǎta̤ aprṳ̂ahophû̌ htě aphû̌khû pwî̤gehto nû̌ûta asǐ htǒonu nî̌꤮.

Ěphěsu 1:7

Khrî̌stu khòsi ana̤ dě asǐ mèlò̤ akhû̌akhî, Cǒmara htè̌ge pa ta a bòlû̌bò pa ta̤sǔ hǒ. Cǒmara abwǐasîrî htǒonu, adû̌ayǒ mè̤mè̤̌ paya.

Kòlòtè̌ 1:14

Dě phû̌khûhtǒo akhû̌akhî, Cǒmara htè̌ge pa, htohǒtò̤ a bòlû̌bò pa ta̤sǔ toǒ.

Tîsalònǐ awǐlǒ tôbǎ 1:10

Htodě Cǒmara aphû̌khû Ye̤shǔ htě apha ma̤ htûpwa̤gesǒ nû̌û ta ta̤si htǒotapwa̤ ǒ dě mǒkhû̌ hèlò̤ gesǒ pěnu, sî ǒpo̤kè̌shuǐ lǒkho hî̌tènu asî hî̌bò bǎ pa. Ye̤shǔ mî̌ pwa̤ ma̤lû̌htò̌ge pa ta Cǒmara a ta̤sò̌dû̌ dě a cèrò kò pě htǒonu tapwa̤ acǔdekû hǒ.

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Hebrǔ 1:3

Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Hebrǔ 10:19

Hǐnudě, he pṳwè̤ sî. Ye̤shǔ asǐ akhû̌akhî, pa hènṳ ta sò̌phlǒ ta̤khuha dě ta̤gûla̤ cahtǐgutṳ̌ htǒotò̤glò mî̌ anî̤ hǒ.

Hebrǔ 10:4

Ma̤tè̤hî̌dě pṳ̂phatolo asǐ, pè̤ asǐ htǒotoǒnu a phî̌ tephejòkè ta̤sǔ tîkî̌ tò̤.

Hebrǔ 13:12

Hǐnudě ma̤pûhǐ Ye̤shǔ ma̤ cahtǐ bǎ kòyòhǎkhû̌phû̌ htǒotoǒ ta asǐ ayanu, a bǎcû̌ khòsi ana̤ dě wî̤khlo tò̤glò.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Hebrǔ 7:27

A mî̌ alò̤ta pwa̤lṳhtò̌ta̤ hǐkǒdû̌gutṳ̌ ahǔwa̤nu toǒ mè̤tò̤. pṳ̂̌ti̤ni̤꤮ a lo̤bǎ lṳhtò̌wǐgutṳ̌ tû̌ ata̤sǔ toǒ htodě a lṳhtò̌nǒ bǎ kòyò ahǔwa̤ toǒ ata̤sǔ toǒ hǐnu mè̤tò̤. Bǎ a lṳhtò̌ ana̤ dě nò̌dòhtǔlo̤ akhanu, a lṳhtò̌ pwǎ taplǎpa dě a htophlǔ tûjûpwa̤ hǒ.

Hebrǔ 9:13

Dě pa ta̤sû̌ta̤tòwò ali̤htǒo akûnu, pè̤ toǒ ta pṳ̂phatolo toǒ asǐ htǒo ta pṳ̂phû̌ htě kò shû̌gèhtûhtò̌bò nû̌û ta phǎ htǒotoǒnu, kò bǎ plṳ yǎta kòyò htě a hî̌bǎphû̌mò̤ ta ta̤subusaba ala̤klo htǒonu tapwa̤ alo̤, ma̤tè̤hî̌dě ma̤pûhǐ ana̤klû mṳ̂plî dě akhlo tokho ayanudě, asî ma̤mṳ̂plî nû̌û hǐnu.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.

Hebrǔ 9:15

Dě ta̤wi̤ta̤kè̌ htǒo akhû̌akhî, ta̤howi̤ tûjûpwa̤ htě Cǒmara olò̤htokè bǎ kòyò htě a kaǎ nû̌û toǒ nî̤bǎpě ayanu, Khrî̌stu phî̌hènṳ bǎ Cǒmara akòyò toǒ ta̤wṳ̂dò asa htǒotacǎ dě Cǒmara a ǒ hǒ. Ma̤pûhǐ Khrî̌stu htè̌ge ta plûhǎhtò̌ pelecû̌kè kòyò ǒ bǎ ta̤wṳ̂dò ali̤kla toǒ ayanu, a bǎ khòsikè asò̌. Dě a khòsi asò̌ akhû̌akhî, asî nî̤bǎbò̌kû̌ û̌cata̤ya, a ta̤howi̤homò̤ tûjûpwa̤ htě Cǒmara olò̤hto htǒotoǒnu hǒ.

Hebrǔ 9:19

Bǎ Mǒ̤jè pwe̤ǐlṳhtobò bǎ kòyò pṳ̂̌ tapwa̤ ta Cǒmara mǎnǎbò a ta̤sû̌ta̤tòwò toǒ akhanu, a phî̌ pṳ̂phû̌ toǒ asǐ ta pè̤ toǒ asǐ dě a kloshîlo̤dǒ nû̌ûta shi, htodě a phî̌ sophû̌shû̌lî̤ dě a bǒmě nû̌ûta sǒphò htě kò kaǎ yǎta hyssop phòphû̌ htǒotòphò akhi dě a shǐ nû̌ûta lî̤ htě kò khwè̌nǎ yǎta Cǒmara a ta̤sû̌ta̤tòwò htǒo tabǎ, htohǒtò̤ a shǐnṳbò nû̌ûta kòyò pṳ̂̌ tapwa̤.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Hebrǔ 9:7

Pwǎ̤tadě ta̤cahtǐgutṳ̌ htǒo to̤to̤ akûnu, a nṳjò pwǎpǒ̤ pwa̤lṳhtò̌ta̤ hǐkǒdû̌gutṳ̌nu tapwǎ̤pa. Taněnu a nṳpwǎ taplǎpa dě a bǎ phî̌nṳ sǐ htě a glè lṳhtò̌ǐtû̌ ata̤sǔ aya htǒonu, ta kòyò htě a gènè̤ to̤tò̤ dě a ma̤sǔ te̤tò̤ toǒ ata̤sǔ aya.

Ta̤dǔlè̌nǎ 1:5

Sî nî̤bǎpo̤ kû̌tû̌ta Ye̤shǔkhrî̌stu htě a khòlṳ cǒtè̤ htǒotapwa̤ abwǐasîrî ta a ta̤gûjûkabǎ nî̌꤮. Kòyòsi dě a htûpwa̤gesǒ aklanu, a mî̌ pwa̤ htě a htûpwa̤ wǐgutṳ̌ kò tapwa̤ hǒ. A mî̌ pwa̤ htě a pǒǐ hǎkhû̌ akhwǐcophǎ toǒ. A mî̌ a mo̤ǐ mè̤mè̤̌ pa pǒhǒtò̤ a si akhû̌akhî, a ma̤lû̌htò̌ge pa dě ta̤sǔta̤plě akû.

Ta̤dǔlè̌nǎ 5:9

Asî sò̌po̤ lî̤sò̌po̤ asa to̤to̤, “Na gwatû̌ ta na glè phî̌ lî̤tûlûhtǒo dě kèè̌kè ta̤ma̤dòǐ htǒotoǒ. Ma̤tè̤hî̌dě kò ma̤sihto na akhû̌akhî, ma̤pûhǐ kòyò toǒ htûhtò̌ Cǒmara atanu, na htè̌ge asî ta nasǐ dě kòyòhǎkhû̌phû̌ toǒǒ htě a ǒ dě kòyò pṳ̂̌tṳgumṳ, yo̤ pṳ̂̌to̤yo̤, khlilèphû̌ pṳ̂̌꤮ tacǎ ta ga pṳ̂̌taga akla toǒnu, na htè̌gehto bǎ Cǒmara hǒ.