Hebrǔ 9:11 - Kawyaw RC

¹¹ Pwǎ̤ta khònò̤htǒo Khrî̌stu hè htû pwǐ pwa̤lṳhtò̌ta̤ hǐkǒdû̌ htě adû̌khlo kò tapwa̤nu hǒ. A phî̌hènṳ bǎ pa ta̤wî̤ta̤wǒ htě a ǒ ta pa khònò̤htǒo toǒ hǒ. A cû̌nṳhto dě hǐphû̌dû̌ cahtǐ adû̌khlo, a lǒbekhlo ta kòyò ma̤nu tama akûhǒ. Hǐphû̌dû̌ cahtǐ htǒonu, kòyò ma̤ yǎta acǔde dǐpwǎ̤꤮ tò̤, kò bǒlò̤ nû̌û mè̤tò̤tò̤, a ǒ dě hǎkhû̌ bǎonu mè̤tò̤tò̤.

Kawyaw New Testament

¹¹ Bǎbǎkǎlè khònò̤̌ Khrǐ hè htûhto pô̤̌ pwa̤shû̌gǎ ikǒdû̌ dǒ adû̌lǒkhlo kòyò tôpwa̤ nuhǒ. A phî̌hènṳ̌ bǎ pa ta̤wî̤ta̤wô̌ dǒ a ô̌ kû̌ pa khònò̤̌ tokhlǒ hǒ. A cû̌nṳ̌ hto dǒ hǐphû̌dû̌ dǒ adû̌khlo, a lǒbebò kû̌ kòyò ma̤nu tômè akûhǒ. Hǐphû̌dû̌ plò̌shǐnu, kòyò ma̤htò̌ǐ kû̌ acǔde tôpwǎ̤꤮ tô̤̌, kòyò bô̌lò̤ lû̌û mè̤̌tô̤̌tô̤̌, a ô̌ dǒ hǎkhû̌nu mè̤̌tô̤̌tô̤̌.

Hebrǔ 9:11 Iomraidhean Croise

Mǒhtûlû̌hǎhtûsa 49:10

Kò glè phî̌tephejòkè Yṳ̌da ata̤shû̌ta̤sho dǐpwǎ̤꤮ tò̤. Htohǒtò̤ Khwǐnò̌htǒnu a ǒměǒgle dě nakhlinalè toǒ acǔdekû pě. Na pǒǐ to̤htû̌ khlilèphû̌ toǒ phî̌hè bǎ na sû pě. Dě khlilè toǒ bè̌dubè̌na̤bò na pě.

Htû̌sò̌htò̌ 40:7

He hî̌ ta, “Pwǐ kò khwè̌nṳ hewi̤hekè̌ dě lî̤cahtǐ akûnu, kǒ hecǒmaradû̌, htǒolè, he hè hǒ.

Matěo 11:3

“Na mî̌ Mè̤shǐa htě pwa̤po̤ toǒ pwe̤ǐnǎ ta a hè pěnu tapwa̤ hǒ ya? Mè̤tò̤mî̌ pa tobǎ ǒpo̤kè̌shuǐpe ahǔwa̤tapwa̤ hè pěnu ya?”

Matěo 2:6

Běcǎ hî̌ ta, ‘Kǒ꤮ Bè̌tèlèhèwî̤, wî̤ htě a ǒ dě Yṳ̌dagakû htǒotoǒ aklanu, na mî̌ wî̤ apî̌tî̌gutṳ̌ dě ami̤ lṳshilṳga kû̌kò tò̤ hǐnu mè̤tò̤. Ma̤tè̤hî̌dě pwa̤pǒta̤ tapwa̤ htě a ma̤kwaǐ ta yṳ̂klè̌nè̌klò he Israelphû̌ htǒotṳgumṳ ǒhtò̌ dě nakû pě.’”

Mǎ̤riko 14:58

“Pa gana̤de a hî̌, ‘He ma̤ lò̤te̤jûkè ta̤lṳhtò̌ho htě kòyòhǎkhû̌phû̌ ma̤htò̌ htǒotamamî̌ suni̤ akûnu he ma̤htò̌ khǒkè ahǔwa̤ tama, htě kòyòhǎkhû̌phû̌ ma̤htò̌ nû̌ûta acǔde tò̤nu tama pě,’ a hî̌ hǐnu.”

Jowǎ̤ni̤ 1:14

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Jowǎ̤ni̤ 4:25

A hî̌shǔ Ye̤shǔ, “He sî̌ya ta Mè̤shǐa (htě kò kaǎ ami̤ ta Khrî̌stunu) hè pě, dě bǎ a hèto̤ pě akhanu, a hèpwe̤ǐ bǎ pa ta ta̤lǒ̤꤮ bò pě a hî̌ hǐnu.”

Pwa̤nophû̌ 7:48

“Pò̤̌ta Cǒmara htě adû̌gutṳ̌ htǒotapwa̤nu, hǐ htě kòyòhǎkhû̌phû̌ ma̤ nû̌ûta acǔdenu a ǒ nû̌û tò̤. Pwǐ pwa̤po̤ tapwa̤ hî̌nǎnu,

Kôritu ginǐ̤bǎ tôbǎ 4:18

Hǐnudě, ta̤pò̤ta̤sha htě he kè̌shǐbǎ htǒotoǒnu, he bè̌duna̤nǒ yǎ dǐcǎ꤮ tò̤. Ta̤ htě a ǒ tǒhtumě dě he sò̌phlǒkû tacǎnumî̌ ta̤wî̤ta̤wǒ htě Cǒmara glè ǐ he pě htǒonu pwǎ. Ta̤ htě pa kè̌shǐjò toǒnu, a glè ǒlṳyî̤pwǎ teděsǎphû̌ pwǎ, pwǎ̤ta ta̤ htě pa kè̌shǐjòtò̤ toǒnu, a ǒyî̤ tûjûpwa̤ pě.

Kôritu ginǐ̤bǎ tôbǎ 5:1

Pana̤saklû mî̌ asǒsǒta hǐ htě pa ǒǐ yǎ dě hǎkhû̌bǎo tamanu, htû̌꤮ kò ma̤pò̌kè yǎ pě, a sò̌le̤ hî̌ htû̌꤮ pa si pěmî̌, pa sî̌ya ta Cǒmara glè ma̤bǎ pahǐsa mî̌ pana̤saklû asa htǒonu dě mǒkhû̌nu pě. A ma̤ ana̤ hǐsa dě pana̤saklû asa htǒonu, a sijòpe tò̤, a ǒměgle tûjûpwa̤ pě.

Kòlòtè̌ 2:11

Sî ǒ dě Khrî̌stu akû akhû̌akhî, alò̤ta sî dǔtṳphě hǒ. Ta̤dǔtṳphě htǒonu kòyò dǔ sî mè̤tò̤. Bǎ Khrî̌stu phî̌htò̌kè sî sò̌phlǒ a ta̤sò̌yṳ phû̌mò̤shî̌hto toǒ akhanu, a dǔtṳ sîphě hǒ.

Hebrǔ 10:1

Khònò̤htǒo pa sî̌yaphlo ta ta̤sû̌ta̤tòwò htě Mǒ̤jè bè̌kè htǒonumî̌ mî̌pwǎ ta̤yo̤ ta̤ma̤dòǐ tacǎpwǎ. Ta̤amè̤mè̤̌ htě ta̤sû̌ta̤tòwò sò̌yṳ yṳ̂lṳ htǒonumî̌ ta̤wî̤ta̤wǒ lǒ̤bò htě a hè tṳtṳ dě Khrî̌stu a ǒ htǒotoǒnu hǒ. Ta̤sû̌ta̤tòwò htǒonu a hî̌ ta, pṳ̂̌taně tobǎ lṳhtò̌ ta̤phû̌ta̤li̤ htǒo akhû̌akhî, ma̤lǒma̤behtò̌jò bǎ kòyòhǎkhû̌phû̌ tò̤.

Hebrǔ 12:27

A hî̌ ta, “Ma̤po̤sǒ pě,” amûasǎ mî̌, a hî̌lṳphlo ta Cǒmara ma̤guyṳhtò̌bò ta̤bǒlò̤nu toǒ pě, dě a hǎmǎkèbò pě. A guyṳjò tò̤ toǒ ǒkè tû̌pwǎ ayanu, Cǒmara ma̤guyṳ hǐnupwǎ.

Hebrǔ 13:14

Ma̤tè̤hî̌dě payanu wî̤ htě a ǒměgle tûjûpwa̤ dě hǎkhû̌ bǎonu a ǒ dǐwî̤ tò̤. Pa kè̌lǎ wî̤ htě a glè hè pě htǒonu tî̤wî̤.

Hebrǔ 2:17

Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 4:15

Pa pwa̤tòlûhtò̌ hǐkǒdû̌gutṳ̌ htǒotapwa̤nu, a sî̌ya pa ta̤khû̌ǎyû̌lò̤ toǒ dě a gwèbǎǐ pa. Ma̤tè̤hî̌dě a kè̌shǐ shěto̤bǎ ta ta̤lǒǎplò̤ǎ pṳ̂̌꤮ tacǎ pwǐ pa kè̌shǐ shěto̤bǎ htǒonu pwǎ̤tadě a ma̤sǔ ta̤ tò̤.

Hebrǔ 7:1

Malakhǐsèdè̌ mî̌ Shalewî̤ akhwǐ tapwa̤, a htû Cǒmara htě adû̌gutṳ̌ htǒotapwa̤ a pwa̤lṳhtò̌ta̤ tapwa̤. Bǎ Abraham cû̌shěpè̤hto Khwǐ sò̌li̤ dě a ge klè̌lo̤ akhanu, Malakhǐsèdè̌ cû̌ kè̌shǔ nû̌û dě howi̤homò̤ nû̌û.

Yṳ̂ha awǐlǒ tôbǎ 5:20

Ma̤pûhǐ pa sî̌ya kû̌kò Cǒmara htě ato htǒotapwa̤nu, pa sî̌ya ta Cǒmara aphû̌khûhtǒo hè ǐ sî̌yaphlo bǎ pa hǒ. Pa ǒ dě Cǒmara htě ato htǒotapwa̤ ta aphû̌khû Ye̤shǔkhrî̌stu htǒotapwa̤ akû hǒ. A mî̌ Cǒmara htě ato tapwa̤, htohǒtò̤ Cǒmara htě a ǐ kò yolahtûpwa̤ tûjûpwa̤ tapwa̤.

Yṳ̂ha ginǐ̤bǎ tôbǎ 1:7

Pwa̤lǒǎplò̤ǎ kò ǒlṳhtò̌plṳ̂ dě hǎkhû̌bǎo hǒ. Ye̤shǔkhrî̌stu hèlò̤ dě hǎkhû̌bǎo, a hè ta kòyòhǎkhû̌phû̌ a sǐshiphěyî̌nu, asînu toǒ mî̌ a olò̤ kû̌kò tò̤. Kòyò htě a olò̤ kû̌kò hǐnu tò̤ tapwa̤pwa̤ hî̌numî̌ mî̌pwǎ kòyò lǒǎplò̤ǎ kò hǒ, dě a mî̌ kòyò htě a sò̌khě Khrî̌stunu tapwa̤ hǒ.