Hebrǔ 9:10 - Kawyaw RC

¹⁰ Ta̤lṳta̤tò̌ htǒotoǒnu, a gètè̤ nǎla̤htò̌ǐ pwǎ ta̤subusaba a la̤klola̤bò̌ toǒ dě a hî̌ ta htǒomî̌ ǎyǎanî̤, htǒomî̌ oyǎanî̤ tò̤, tobǎ shǔbò na̤ pwǐhè̌o hǐnu, a hî̌ htǒonu toǒ hǒ. Ta̤sû̌ta̤tòwò htǒonumî̌ gûma̤ta̤ dě akhlo tokho pwǎ, a ma̤ tèlè̌jò sò̌phlǒ tò̤. Na̤klû phěyî̌ tokho, kòyòhǎkhû̌phû̌ bǎ gûma̤ to̤htû̌ Cǒmara ma̤tèplè̌ bǎ asî klè̌ asa tabo.

Kawyaw New Testament

¹⁰ Ta̤lṳta̤tòhtò̌ hǒtokhlǒnu, a nǎla̤ǐ pwǎ ta̤cubucaba a lǎ̤bû̌lǎ̤klô tokhlǒ dǒ a hî̌ kû̌ hǒomî̌ ǎnǐ̤, hǒnumî̌ ô anǐ̤ tô̤̌, tôbǎ shǔbò nǎ̤ pô̤̌onu, a hî̌ nutokhlǒ hǒ. Ta̤sû̌ta̤tòwò numî̌ gû̌ ma̤ta̤ dǒ akhlo tôkhô pwǎ, a ma̤ tèplè̌jò sǎphlǒ tô̤̌. Nǎ̤glǒ phěyî̌ tôkhô, kòyòhǎkhû̌phû̌ bǎ gû̌ma̤ tǒ̤dǒ Cǒmara ma̤tèplè̌ bǎ asî klè̌ asa tôbô.

Hebrǔ 9:10 Iomraidhean Croise

Mǎ̤riko 7:4

Asî dè ǒ dě klǎge hî̌dě a dè shǔbò acǔde tò̤ hî̌nu, asî ǎo dǐcǎ꤮ tò̤. Htohǒtò̤ asî pṳ̂měǐpe la̤klo ahǔwa̤ toǒnu a ǒplṳ̂pe. Kwè̌꤮ mî̌titè hî̌dě, asî shǔbòwǒ shiba toǒ, gopo̤ toǒ, balěbalo̤ toǒ, ta batîlî sîtoǒ.)

Galatǐ 4:9

Pò̤̌ta khònò̤htǒo sî sî̌ya Cǒmara hǒ. He hî̌ mè̤mè̤̌ sî ta Cǒmara sî̌ya sî hǒ. Ma̤tè̤hî̌dě sî sò̌yṳ tikhlǐ gesǒ pa hǎkhû̌ a ta̤mǎlò̤ toǒ ta ala̤bò̌la̤klo toǒ htě a khû̌ǎyû̌lò̤ abwǐasîrî ǒtò̤ htǒotoǒ ala̤nu ma̤tè? Mî̌ sî sò̌yṳ htûhtò̌ gesǒ asî ajû ya?

Ěphěsu 1:10

Htû̌꤮ khîkha te̤tote̤bǎ pěnu, Cǒmara ma̤lǒma̤behtò̌ a ta̤tîwî̌tòwònǎ htǒotoǒ pě. Ta̤htě a ǒbò dě mǒkhû̌nu toǒ bǎbǎ, a ǒbò dě hǎkhû̌htǒonu toǒ bǎbǎ, a ma̤htuma̤plǒkû̌bò nû̌û dě a hǐkǒdû̌gutṳ̌ Khrî̌stu htǒotapwa̤ ala̤ pě.

Ěphěsu 2:15

Yṳ̌daphû̌ toǒ a ta̤sû̌ta̤tòwò aklanumî̌, a ta̤sû̌ta̤tòwò aphû̌phò toǒ ǒplṳ̂ pò̤̌ta Khrî̌stu si akhû̌akhî, a ma̤gutṳphlǔhtobò asî ta̤ma̤nu toǒ hǒ. A ta̤yè̤lò̤nǎ mî̌ mè̤hǒ, ma̤pûhǐ kòyò htǒoginǐ̤gumṳ htûhtò̌tû̌ kòyò asa tṳgumṳpa dě Khrî̌stu akûnu, a ma̤ tèplè̌ tû̌nû̌û ta ana̤ hǒ. Hǐnudě a ma̤pè̤ma̤dû gesǒ asî hǒ.

Kòlòtè̌ 2:16

Hǐnudě, kòyò htě a bè̌ sî ta̤sǔ ta sî ta̤ǎta̤o awi̤akè̌ toǒnu, gana̤de pûma̤ asîyo̤ ma̤ nî̌꤮. Pṳ̂̌něně꤮ sî dè ma̤pwèma̤lṳ̂ bǎ asî mṳni̤ cahtǐ tò̤, labe dě sî dè ma̤pwèma̤lûdǒ bǎ asî tò̤ hî̌nu, asî sò̌yṳ bè̌ sî ta̤sǔ. Pwǎ̤tadě gana̤de pûma̤ asî ayo̤ ma̤ nî̌꤮.

Hebrǔ 10:22

Hǐnudě pa hèphǔ Cǒmara a ǒ hò. Pa hè ta pa sò̌phlǒ acǒatè̤, ta pa ta̤yṳ ate̤amǎ htǒotoǒ hò̌. Ma̤tè̤hî̌dě, pa sò̌phlǒ a ta̤gènè̤ phû̌mò̤htǒo, ma̤pûhǐ a mṳ̂plî ayanu, kò shǔbòhtokè pa ta Khrî̌stu asǐ hǒ. Htohǒtò̤ pana̤klû htǒonu, kò shǔbòhto ta shiplò̌shishǐ htǒonuhǒ.

Hebrǔ 13:9

Nolǒǎplò̤ǎ cû̌sǔ pûma̤ sî ta ta̤sû̌ǐtòwòǐ lǒ̤bò htě a kî̌yanu toǒ ma̤ nî̌꤮. Gûcû̌kû̌ pûma̤ nî̌꤮. Sî sò̌phlǒ htǒonu, a to khû̌ǎshû̌shohtò̌ ta Cǒmara abwǐasîrî akhû̌akhî pwǎ. Sî gana̤de gûma̤kû̌ shǎǎshǎo a ta̤sû̌ta̤tòwò toǒ akhû̌akhî, sî sò̌phlǒ khû̌ǎshû̌shohtò̌ tǒ̤ hǐnu mè̤tò̤. Sî gana̤de gûma̤kû̌ ta̤sû̌ta̤tòwò akhû̌akhî htǒonu, a nî̤bwǐnî̤sîrî sîya dǐcǎ꤮ tò̤.

Hebrǔ 2:5

Pa hî̌ bǎ sî ta hǎkhû̌sa ǒhtò̌ htû̌꤮ nǒkòpě awi̤akè̌htǒo numî̌, Cǒmara wû̌lǎdǒ mǒkhû̌tanaphû̌ toǒ dě a glèbǎ pǒǐ ta̤ayanu tò̤.

Hebrǔ 6:2

Ta̤ploshi awi̤akè̌, bè̌htò̌ cǔde dě kòlo̤ toǒ, ta̤si htûpwa̤ge, ta̤cèrò tûjûpwa̤ awi̤akè̌ htǒotoǒnu, pa lo̤bǎ sû̌ǐsî̌ya sělěpe pana̤ tò̤.

Hebrǔ 6:5

Cǒmara ale̤ayo̤nu, awǒ mè̤mè̤̌ numî̌ asî sî̌yahèhto hǒ. Asî kè̌shǐhèbǎkû̌hto Cǒmara a ta̤po̤ta̤phǎ shû̌sho dě a ǒlṳhtò̌ bǎ kò htû̌꤮ anǒkòpě tuhtunu toǒ hǒ.

Hebrǔ 7:12

Ma̤tè̤hî̌dě bǎ kò htû̌lè̌tèplè̌ pwa̤lṳhtò̌ akhlialè akhanu, kò bǎ htû̌lè̌tèplè̌dǒ ta̤sû̌ta̤tòwò toǒ.

Hebrǔ 7:16

Ta̤sû̌ta̤tòwò hî̌ ta kòyò htě a htûhtò̌ pwa̤lṳhtò̌ta̤nu, a bǎ khlilè hǎte̤gilò̤ ta tṳgumṳ akû a hî̌ hǐnu, pwǎ̤tadě Ye̤shǔ hè htû pwa̤lṳhtò̌ta̤ htǒonu, ato pwǐ ta̤sû̌ta̤tòwò hî̌nu mè̤tò̤. Mî̌tanu, a htûhtò̌ pwa̤lṳhtò̌ta̤ htǒonu ta a ta̤ǒhtûpwa̤ apo̤aphǎ shû̌sho dě a htûpwa̤ tûjûpwa̤ talakhǎ htǒonuhǒ.

Hebrǔ 9:1

Khònò̤dě ta̤wṳ̂dò awǐ tûmû htě Cǒmara olò̤kè akòyò toǒnu, a ǒ ta a ta̤subusaba a ta̤sû̌ta̤tòwò la̤klola̤bò̌ toǒ ta la̤saba hǐphû̌dû̌ cahtǐ htě kòyò ma̤htò̌ yǎnu tama.