Hebrǔ 9:1 - Kawyaw RC

¹ Khònò̤dě ta̤wṳ̂dò awǐ tûmû htě Cǒmara olò̤kè akòyò toǒnu, a ǒ ta a ta̤subusaba a ta̤sû̌ta̤tòwò la̤klola̤bò̌ toǒ ta la̤saba hǐphû̌dû̌ cahtǐ htě kòyò ma̤htò̌ yǎnu tama.

Kawyaw New Testament

¹ Khònò̤̌dě ta̤olò̤ awǐ tômû dǒ Cǒmara olò̤kè a kòyò tokhlǒnu, a ô̌ kû̌ a ta̤cubucaba a ta̤sû̌ta̤tòwò lǎ̤bû̌lǎ̤klô tokhlǒ kû̌ lǎ̤caba hǐphû̌dû̌ aplò̌shǐ dǒ kòyò bô̌htò̌ma̤htò̌ yǎnu tômè.

Hebrǔ 9:1 Iomraidhean Croise

Lǔka 1:6

Asî sò̌gini̤ ǒhtûpwa̤ cǒtè̤wǒbò dě Cǒmara a lo̤mo̤ pwǐ Běcǎ Cǒmara a ta̤mǎlò̤ ta a ta̤sû̌ta̤tòwò toǒ hî̌nǎnu asî jûle̤phî̌yo̤ ma̤lǒma̤be lǒ̤bò.

Rṳ̂̌me̤ 9:4

Asî mî̌ Israelphû̌ toǒ. Cǒmara bǔǐ asî pwǐ aphû̌ali̤ sana̤nu hǒ. Dě a dǔlṳ bǎ asî ta a ta̤sîrîdû̌sîrîhtû hǒ. Cǒmara ǎměma̤měhto shǎ ta asî dě a ǐlò̤hto asî ta a ta̤sû̌ta̤tòwò hǒ. Asî nî̤bǎ ta̤saba aklè̌aklò ta̤lṳhtò̌hokû dě a nî̤bǎ lǒkho Cǒmara a ta̤olò̤mèlò̤ toǒ hǒ.

Kòlòtè̌ 2:8

Ǒsè̌rè̌ lǒkho sîna̤ nî̌꤮. Nolǒǎplò̤ǎ pûma̤ sîna̤ ta kòyò htě a sû̌ǐtòwòǐsǔ ta̤nu toǒ dǐpwǎ̤꤮ ma̤ nî̌꤮. Ta̤hǐnu toǒ mî̌ a nòdû̌ pwǎ. Ta̤sû̌ta̤tòwò hǐnu toǒmî̌ mî̌pwǎ kòyòhǎkhû̌phû̌ ala̤klo ǐlò̤ tṳtṳ kè̌khînû̌û tuhtu hto tuhtunu toǒ pwǎ. Dě hǐnu toǒ mî̌ a hè dě khînǎkhîno phû̌mò̤ htě a pǒǐ hǎkhû̌teběnu toǒ a ǒ pwǎ. Ta̤sû̌ǐ hǐnu toǒmî̌ a hè dě Ye̤shǔkhrî̌stu a ǒ mè̤tò̤.

Hebrǔ 8:13

Cǒmara hî̌ ta htǒo mî̌ ta̤wṳ̂dò asa tacǎ akhû̌akhî, a nohtûhtò̌kè ta̤wṳ̂dò ali̤ htǒonu ta a lo̤bǎpe tò̤. Ali̤alṳ̂ hǒ, kò lo̤bǎpe yǎtò̤, dě yî̤hǒtò̤ pěmî̌, a glè hǎmǎkè hǒ.

Hebrǔ 8:2

Khònò̤htǒo a ma̤ pwa̤lṳhtò̌ hǐkǒdû̌gutṳ̌htǒo ata̤ma̤, a ma̤ dě mǒkhû̌ htě ta̤gûla̤ cahtǐ tò̤glò akû hǒ. Hǐphû̌dû̌ cahtǐ mè̤mè̤̌ htǒonu kò ma̤ nû̌ûta kòyòhǎkhû̌phû̌ acǔde mè̤tò̤. Běcǎ ma̤htò̌ tû̌ nû̌ûta ana̤.

Hebrǔ 8:7

Ta̤wṳ̂dò wǐnu tûmûnu, a dè lǒbe hî̌dě pa lo̤bǎpe ta̤wṳ̂dò anǒ htǒotûmû glè hènṳ bû̌tèplè̌pe nû̌û gûla̤tò̤ hǒ.

Hebrǔ 9:24

Ma̤tè̤hî̌dě hǐphû̌dû̌ cahtǐ htě kò ma̤ nû̌ûta kòyò cǔde dě kò kè̌mò̌mṳ ma̤kû̌ mè̤mè̤̌pwǎ amo̤glo htǒotama akûnu, Khrî̌stu cû̌nṳ bǎnu mè̤tò̤. A cû̌nṳtû̌ mǒkhû̌ dě khònò̤htǒo a kwigwèbǎǐ bǎ pa dě Cǒmara alo̤mo̤.