Hebrǔ 8:9 - Kawyaw RC

⁹ “Bǎ he cǐhǎhtò̌ asî ta he cǔde dě he kaǎhǎhtò̌ge asî phiphu bǎ Egyptga akhanu, he wṳ̂dòhto heyo̤ ta asînu a ǒ pwǎ̤tadě ta̤wṳ̂dò khònò̤htǒonu, a kî̌yatû̌ a ta. Asî cǒtè̤ta he ta̤wṳ̂dò htǒonu tò̤ akhû̌akhî, he htû̌tiwǐ cû̌khǒkè hemi̤sǎ ta asî hǒ, Běcǎ hî̌hǐnu.

Kawyaw New Testament

⁹ “Bǎ he cî̌hǎhtò̌ asî kû̌ he cǔde dě he kaǎge asî phiphu dǒ Ijî̌gǎ akhanu, he olò̤ hto heyô̤̌ kû̌ asînu a ô̌ bǎbǎkǎlè ta̤olò̤ khònò̤̌nu a khô̌. Asî cǒkû̌ he ta̤olò̤ nutô̤̌ akhû̌akhî, he htû̌ti̤wǐ̤ cû̌khô̌kè hemǐ̤sǎ kû̌ asî hǒ, Běcǎ hî̌pô̤̌nu.

Hebrǔ 8:9 Iomraidhean Croise

Mǒhtûlû̌hǎhtûsa 19:16

Lò̌tǎ ma̤pò̤ma̤ya̤ bǎ nû̌û akhû̌akhî, tanaphû̌ htǒosò̌gini̤ cǐcû̌nṳ Lò̌tǎ ta ama ta aphû̌mamǔhtǒo sò̌gini̤ acǔde dě a kaǎcû̌ tephekè asî wî̤khlo, ma̤tè̤hî̌dě Cǒmara tûjûpwa̤ gwèbǎǐ nû̌û akhû̌akhî, a kaǎcû̌kè asî.

Htû̌sò̌htò̌ 105:43

Hǐnudě a kaǎhǎhtò̌ge akòyò dě Egyptgakû ta ta̤sò̌le̤sò̌lò̤. A kaǎhǎhtò̌ge akòyò htě awû̌lǎnu ta ta̤sò̌po̤ mo̤sû̌mo̤sò̌.

Htû̌sò̌htò̌ 77:20

Napǒnasû̌nṳ nakòyò toǒ lò̤ta sophû̌ htě Mǒ̤jè ta Aro sûcû̌ asînu hǒ.

Htû̌sò̌htò̌ 78:57

Asîsò̌phlǒ tèlè̌khǒkè, a cǒtè̤ kû̌ta ayo̤ tò̤, a sǒsǒta asîphiphu. Alò̤ta pla̤te̤gwe dě kò khǎ yǎ dě a nûnò̤ tò̤.

Mǎ̤riko 8:23

Ye̤shǔ pṳ̂ kòyò mi̤sǎkhǐ htǒotapwa̤ acǔde dě a kaǎhǎhtò̌ nû̌û dokhlo a htû̌phlěwa̤ nû̌û mi̤sǎphlǒkû dě Ye̤shǔ tè̌wa̤ acǔde ginǐ̤kho ta kòyò htǒotapwa̤ a mi̤sǎ ginǐ̤kho dě a gwè nû̌û, “Na kè̌shǐ ta̤ tacǎcǎ ya?”

Pwa̤nophû̌ 13:11

Khònò̤htǒo Běcǎ cèrò na, na mi̤sǎkhǐ pě, Cǒmara dè nolîgesǒ na tò̤ hî̌nu, na kè̌shǐjòpe ta̤lî tò̤.” Dě ami̤sǎ sûprṳ̂ dě taplǎpa a khǐkè. Asěrě cû̌pwǎ dě a kè̌lǎ kòyò htě a bǎ pṳ̂cǐsûcû̌ nû̌ûnu.

Pwa̤nophû̌ 7:36

Dě Egyptgakûnu bǎbǎ, dě shilî̤ shidû̌shite̤we̤ akûnu bǎbǎ, Mǒ̤jè htě a kaǎhǎhtò̌gekè Yṳ̌daphû̌ toǒ dě Egyptgakû htǒotapwa̤nu, a ma̤lṳ bǎ asî ta̤ma̤ cǒklî̌kî̌ya toǒ ta ta̤sû̌pi̤sò̌pi̤ toǒ. Htohǒtò̤ bǎ asî ge dě lo̤měshǒkla aně li̤shi akûnu bǎbǎ, a ma̤lṳ bǎ kò ta̤cǒklî̌kî̌ya htǒotoǒǒ.

Pwa̤nophû̌ 9:8

Saulǔ ihtǒ dě a jipwi̤ kè̌kolohtò̌ pwǎ̤ta a kè̌shǐ dǐcǎ꤮ tò̤ akhû̌akhî, asî cǐcû̌ nû̌û dě a sûnṳ nû̌û dě Damatè̌wî̤kû.

Galatǐ 4:24

Mamǔ htǒosò̌gini̤nu a dǔlṳ khěkhǒ bǎ kò la̤sî̌yaphlohè aya pwǎ, ma̤tè̤hî̌dě mamǔ htǒo sò̌gini̤nu a dǔlṳhtò̌ Cǒmara a ta̤olò̤ ginǐ̤cǎ. Ta̤olò̤ ta ta̤mǎlò̤ htǒonumî̌ Cǒmara ǐlò̤ yǎta Mǒ̤jè dě Sǐnǎkholokhû̌. Htǒonumî̌ a dǔlṳ khěkhǒ pwǎ jûmo̤ Haga pwǎ. Ta̤olò̤ htǒonu, aphû̌ǒ kòyò htě a htû ta̤mǎlò̤ ajûnu toǒ hǒ.