Hebrǔ 8:6 - Kawyaw RC

⁶ Ye̤shǔ ma̤ta̤ pwǐ pwa̤lṳhtò̌ta̤ tapwa̤nu, awǒkhlope ta pwa̤lṳhtò̌ta̤phû̌ dě hǎkhû̌ bǎotoǒ ma̤nu. Hǐnuakho, Cǒmara a ta̤wṳ̂dò asa htě Ye̤shǔ phî̌hènṳ htǒonumî̌ awǒkhlope ta ta̤wṳ̂dò ali̤ htǒonu. Ta̤wṳ̂dò asa htǒonu, a gètè̤ nǎla̤htò̌ǐ ta̤wṳ̂dò htě awǒkhlo toǒ alo̤.

Kawyaw New Testament

⁶ Yeshǔ ma̤ta̤ pô̤̌ pwa̤shû̌gǎ tôpwa̤nu, awô̌ khlope kû̌ pwa̤shû̌gǎta̤ dǒ hǎkhû̌ nutokhlǒ ma̤nu. Pô̤̌nudě, Cǒmara a ta̤olò̤ asa dǒ Yeshǔ phî̌hènǐ̤ numî̌ awô̌khlo pe kû̌ ta̤olò̤ ali̤nu. Ta̤olò̤ asanu, a gètè̤ nǎla̤htò̌ǐ ta̤olò̤ dǒ awô̌khlo tokhlǒ alô̤.

Hebrǔ 8:6 Iomraidhean Croise

Lǔka 22:20

Bǎ a ǎhto lṳmṳhǎshǎǎ akhanu, a phî̌htò̌lè̌ bahtǒo dě a ma̤ sǒsǒnû̌û pwǐ a ma̤ mû̌nu dě a hî̌, “Htǒomî̌ hesǐ htě a ma̤měma̤gle ta̤wṳ̂dò asa dě a sǐlò̤ bǎ sîyanu hǒ.

Rṳ̂̌me̤ 9:4

Asî mî̌ Israelphû̌ toǒ. Cǒmara bǔǐ asî pwǐ aphû̌ali̤ sana̤nu hǒ. Dě a dǔlṳ bǎ asî ta a ta̤sîrîdû̌sîrîhtû hǒ. Cǒmara ǎměma̤měhto shǎ ta asî dě a ǐlò̤hto asî ta a ta̤sû̌ta̤tòwò hǒ. Asî nî̤bǎ ta̤saba aklè̌aklò ta̤lṳhtò̌hokû dě a nî̤bǎ lǒkho Cǒmara a ta̤olò̤mèlò̤ toǒ hǒ.

Ěphěsu 2:12

Gènè̤ gesǒtû̌ lǒkho sîna̤ dě awǐkhanu toǒ, bǎnukha mî̌ sî sî̌ya kû̌kò Khrî̌stu hǒtò̤, sî ǒkû̌dǒ Israelphû̌nu toǒ akla hǒtò̤. Dě Cǒmara ta akòyò toǒ ǎměogle nû̌ûyo̤ dě a olò̤ akòyò toǒ aklanumî̌, sî ǒkû̌dǒ hǒtò̤tò̤. Sî ǒhtûpwa̤ dě hǎkhû̌nu, sî ǒhtûpwa̤ shodo Cǒmara, sî ǒhtûpwa̤ shodo pwǎ lǒkho ta ta̤kè̌shuǐ.

Tîmôte awǐlǒ tôbǎ 2:5

Ma̤tè̤hî̌dě Cǒmara ǒtû̌ tapwǎ̤꤮ pa. Htodě kòyò htě a ma̤pè̤ma̤dû bǎ gesǒ Cǒmara ta kòyòhǎkhû̌phû̌nu a ǒ tapwa̤. A mî̌ kòyòphû̌khû Ye̤shǔkhrî̌stu htǒonuhǒ.

Tǐtǔ 1:2

Ta̤cǒta̤tè̤ htǒonu a ǐ asî ta̤kè̌shuǐ htě asî glè nî̤bǎ yolahtûpwa̤ tûjûpwa̤ talakhǎ aya hǒ. Bǎ hǎkhû̌ htûhtò̌ hǒtò̤ akhanu, Cǒmara htě a lòhonǒ dǐkhò̌꤮ tò̤ htǒotapwa̤nu, a olò̤nǎhto ta a glè ǐ pa ta̤htûpwa̤ htǒonu hǒ.

Hebrǔ 12:24

Sî hèto̤ Ye̤shǔ a ǒ hǒ. Ta̤wṳ̂dò asa htě kòyòhǎkhû̌phû̌ ta Cǒmara aplǎkû htǒonu a htû bǎ pwa̤ma̤ta̤ma̤ aplǎkû tapwa̤ hǒ. Htohǒtò̤ sî hèto̤ dě Běcǎ Ye̤shǔ asǐ la̤sǐlò̤ agûla̤ htě awǒkhlope ta Abělè asǐhtǒonu a ǒ hǒ.

Hebrǔ 7:22

Ta̤wṳ̂dòyo̤ asa htě Cǒmara ma̤htûhtò̌ bǎ pa dě pa glè nî̤bǎ ta̤pelesesǎ aya htǒotûmûnu, awǒkhlope ta ta̤wṳ̂dòyo̤ ali̤nu tûmû. Ma̤tè̤hî̌dě, Cǒmara bèlò̤hto ayo̤ hǐnu akhû̌akhî, Ye̤shǔ mî̌ pwa̤ htě a ma̤lǒbe te̤mǎ bǎ pa ta̤wṳ̂dò asahtǒo tûmû tapwa̤ hǒ.

Petru ginǐ̤bǎ tabǎ 1:4

A ta̤po̤ta̤phǎ htě adû̌ayǒ ta ata̤wǒ mè̤mè̤̌ htǒotoǒ akhû̌akhî, a ǐlò̤hto pa a ta̤olò̤ htě apwî̤dû̌ dě adû̌ayǒ mè̤mè̤̌ htǒotoǒ hǒ. A ǐlò̤ ta̤htǒotoǒ akhû̌akhî, sî lû̌htò̌kè ta ta̤gènè̤ patǎ phû̌mò̤shî̌hto htě a ma̤pî̌ sî dě hǎkhû̌bǎonu toǒ pě. Htohǒtò̤ sî htûhtò̌ sǒsǒkû̌ta pwǐ Cǒmara ala̤klonu pě.