Hebrǔ 8:11 - Kawyaw RC

¹¹ Bǎnuakha pěnu, asî akhlilèphû̌ sǒsǒnû̌û toǒ bǎbǎ, apṳawè̤kla toǒ bǎbǎ, a lo̤bǎpe kò sû̌ǐtòwòǐ asî ta, ‘Sî̌ya lǒkho Běcǎ nî̌꤮’ hǐnu petò̤hǒ. Ma̤tè̤hî̌dě sahtò̌ bǎ kò gènè̤pî̌tî̌ nû̌û tapwa̤ to̤htû̌ kò gènè̤dû̌gutṳ̌ nû̌û tapwa̤nu, a sî̌yabò he pě.

Kawyaw New Testament

¹¹ Bǎnuakha pěnu, asî khlilèphû̌ sô̌sô̌ lû̌ tokhlǒ bǎbǎ, apṳ̌awè̤̌kla tokhlǒ bǎbǎ, a lǎ̤lṳ̂pe kòyò sû̌ǐtòwòǐ asî kû̌, ‘sî̌ganǎ̤ lô̌khô Běcǎ nî̌’ pô̤̌nu petô̤̌. Ma̤titèhî̌dě sahtò̌ dǒ kòyò gènè̤ pî̌tî̌lǒ lû̌û tôpwa̤ tǒ̤dǒ kòyò gènè̤dû̌lǒ lû̌û tôpwa̤nu, a sî̌ganǎ̤ bòkè he pě.

Hebrǔ 8:11 Iomraidhean Croise

Jowǎ̤ni̤ 6:45

Pwa̤po̤ toǒ khwè̌nǎ ta, ‘Cǒmara sû̌ǐtòwòǐbò asî pě.’ Bò kòyò htě a gana̤de pha a ta̤sû̌ǐtòwòǐ dě a hè sû̌ǐtòwòǐ ta̤dě aǒ toǒnu, a hè heǒ pě.

Pwa̤nophû̌ 8:10

Hǐnudě kòyò lǒ̤꤮ bò htě a htûdû̌htûpwa̤ dě a ǒ bǎ wî̤kûnu toǒ bǎbǎ, kòyò ǎshǎ wè̤ta̤phû̌ ǒ bǎ wî̤kûnu toǒ bǎbǎ, a gana̤desi gana̤deǒbò nû̌yo̤. Asî hî̌ lǒkho, “Kòyò htǒotapwa̤ mî̌ Cǒmara a ta̤po̤ta̤phǎ htě kò kaǎ yǎta ta̤po̤ta̤phǎ adû̌ayǒ na̤cè̌nu hǒ.”

Yṳ̂ha awǐlǒ tôbǎ 2:27

Sîya lè̌dě, Khrî̌stu ǐlò̤hto a Běcǎ sǎcahtǐ dě sîlo̤ hǒ, dě a sǎcahtǐ ǒměǒgle dě sîkû akhû̌akhî, kò lo̤bǎ sû̌ǐpe sî dǐpwǎ̤꤮ tò̤, ma̤tè̤hî̌dě a sǎcahtǐ sû̌ǐ sî ta̤pṳ̂̌꤮ tacǎ hǒ. Htohǒtò̤ a sû̌ǐ sî htǒonumî̌ ta̤te̤ta̤mǎ, ta̤lòhǎlòho mè̤tò̤. Hǐnudě ǒměǒgle lǒkho dě Khrî̌stu akû pwǐ a sǎcahtǐ sû̌ǐhto sînu nî̌.

Yṳ̂ha awǐlǒ tôbǎ 5:20

Ma̤pûhǐ pa sî̌ya kû̌kò Cǒmara htě ato htǒotapwa̤nu, pa sî̌ya ta Cǒmara aphû̌khûhtǒo hè ǐ sî̌yaphlo bǎ pa hǒ. Pa ǒ dě Cǒmara htě ato htǒotapwa̤ ta aphû̌khû Ye̤shǔkhrî̌stu htǒotapwa̤ akû hǒ. A mî̌ Cǒmara htě ato tapwa̤, htohǒtò̤ Cǒmara htě a ǐ kò yolahtûpwa̤ tûjûpwa̤ tapwa̤.