Hebrǔ 8:10 - Kawyaw RC

¹⁰ Hǐnudě, Běcǎ hî̌ ta ta̤wṳ̂dò asa htě he glè wṳ̂dò yǎta Israelphû̌ sî toǒnu, he hî̌ asî pwǐhè̌o pě, he shû̌nṳ he ta̤sû̌ta̤tòwò toǒ dě asî sò̌phlǒ ta̤gènè̤ akû pě. He khwè̌mǎnǎ he ta̤sû̌ta̤tòwò toǒ dě asî sò̌phlǒkû pě. He htû asî Cǒmara pě dě asî htû hekòyò pě.

Kawyaw New Testament

¹⁰ Pô̤̌nudě, Běcǎ hî̌ kû̌ ta̤olò̤ asa dǒ he gle olò̤ kû̌ Isôrělaphû̌ sî tokhlǒnu, he hî̌ asî pô̤̌o pě, he gǔ shû̌nṳ̌ he ta̤sû̌ta̤tòwò tokhlǒ dǒ asî asǎphlǒ ta̤gènè̤ akû pě. He wě̤mǎwě̤dò he ta̤sû̌ta̤tòwò tokhlǒ dǒ asî sǎphlǒkû pě. He htû asî Cǒmara pě dě asî htû hekòyò pě.

Hebrǔ 8:10 Iomraidhean Croise

Rṳ̂̌me̤ 11:27

Bǎ he phî̌ tephehtobòkè asî ta̤sǔ htǒotoǒ akhapěnu, he ma̤ lǒbehtò̌ he ta̤olò̤ ta asî dě nukhanu tûmû hǒ.”

Kôritu awǐlǒ tôbǎ 6:16

Kòyò tapwa̤pwa̤ a hǎmoǒhtu ta mamǔpò̤lò̤nu, a htûhtò̌ ta mamǔpò̤lò̤ htǒo sǐtacǎpa yî̌tacǎpa numî̌ sî sî̌ya tò̤ ya? “Asî htǒosò̌gini̤nu a htûhtò̌ nû̌û sǐtacǎpa yî̌tacǎpa hǒ” lî̤cahtǐkû hî̌ hǐnu.

Kôritu ginǐ̤bǎ tôbǎ 3:3

Sî htǒotoǒ numî̌, alò̤ta lî̤ htě Khrî̌stu khwè̌ dě a sûhè tṳtṳ nû̌ûta pa htǒotoǒnu hǒ. Pwǎ̤ta a khwè̌ nû̌ûta lî̤bo ta lî̤boshi htǒonu mè̤tò̤, htohǒtò̤ a khwè̌ nû̌ûdě lo̤bělo̤ pwǐ Mǒ̤jè alo̤běnu mè̤tò̤tò̤. Khrî̌stu nokhwè̌ tṳtṳ lî̤phlǒhtǒo dě sî sò̌phlǒ toǒ alo̤ ta a Běcǎ sǎcahtǐ hǒ. Cǒmara htě a htûpwa̤ htǒotapwa̤ nohè Běcǎ sǎcahtǐ dě a glè hè ǒhtûpwa̤ sîsò̌phlǒkû hǒ.

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Hebrǔ 11:16

Pwǎ̤tadě asî nǎsǔ kè̌shuǐ mè̤mè̤̌ mǒkhû̌ shiga htě a mo̤khlo htǒonu tebě. Hǐnudě asî kaǎ Cǒmara ta asî Cǒmaranu, Cǒmara sòwò̤tò̤. Dě Cǒmara ma̤wǒnǎ bǎ asî wî̤htǒo akhû̌akhî, a dǔlṳ ta asî toǒ glè kaǎ Cǒmara ta asî Cǒmaranu a sòwò̤ lǒkho tò̤.

Jǎgomo̤ 1:18

Dě pa gana̤de ta̤sò̌le̤sò̌lò̤ awi̤akè̌ ta̤te̤ta̤mǎ akhû̌akhî, Cǒmara ǐhtûhtò̌ pa ta aphû̌ jǔ꤮ tû̌ pwǐ asò̌phlǒnu hǒ. Ma̤pûhǐ pa htûhtò̌ sǒsǎ htě asǎwǐgutṳ̌ toǒ dě ta̤bǒlò̤ lǒ̤꤮ bò htǒotoǒ aklanu, a ǐhtûhtò̌pwǎ pa ta aphû̌.

Jǎgomo̤ 1:21

Hǐnudě wîkèbò ta̤wi̤japhǎkò htě sî ma̤ sala̤ yǎnu toǒ ta sî la̤klo lǒ̤꤮ bò htě a phû̌mò̤shî̌htonu toǒ. Dě shò̌lò̤ lǒkho sî sò̌phlǒ dě gana̤de yṳǎ lǒkho Cǒmara ale̤ayo̤ htě a shǒlò̤ nû̌ûdě sî sò̌phlǒkû htǒonu toǒ. Ale̤ayo̤ htǒonumî̌ a ma̤lû̌htò̌ge bò̌jò sî.

Petru awǐlǒ tabǎ 1:23

Ma̤tè̤hî̌dě Cǒmara ale̤ayo̤ htǒonu, a htûpwa̤ dě a ǒměgle tûjûpwa̤ talakhǎ akhû̌akhî, sî ǒphijaû̌lò̤ gesǒ taplǎ hǒ. Sî ta̤ǒhtûpwa̤ asa htǒonumî̌, a hè dě sîmo̤sîpha htě a sijò htǒotoǒ a ǒnu mè̤tò̤. Mî̌tanu, sî ta̤ǒhtûpwa̤ asa htǒonumî̌, a hè dě Cǒmara htě a sijò dǐkhò̌꤮ tò̤ htǒotapwa̤ a ǒ.

Petru awǐlǒ tabǎ 2:9

Pwǎ̤ta sî mî̌ khlilèphû̌ tacǎ dě Cǒmara wû̌lǎ a, pwa̤lṳhtò̌ta̤ htě alò̤ta Khwǐ toǒ, khlilèphû̌ htě a cahtǐ, htohǒtò̤ Cǒmara akòyònu toǒ hǒ. Ma̤pûhǐ sî pwe̤ǐlṳ Cǒmara a ta̤ma̤wǒ khǒtû̌ toǒ ayanu, Cǒmara wû̌lǎ sî hǒ. Cǒmara kaǎhǎhtò̌kè sî ta̤khǐ akla dě a sûnṳ sî dě a ta̤lîta̤rakha mo̤ akû hǒ.