Hebrǔ 8:1 - Kawyaw RC

¹ Khònò̤htǒo, ta̤ htě a lo̤bǎdû̌shǐ tacǎ dě he sò̌yṳ nosî̌yaphlo sî numî̌ pa pwa̤lṳhtò̌ hǐkǒdû̌gutṳ̌ htǒotapwa̤ hǒ. A mî̌ Ye̤shǔ hǒ. Khònò̤htǒo a hǎnòò̌ mǒkhû̌ dě a hǎnòò̌ bǎ Cǒmara alîarakha, apo̤aphǎ htǒotapwa̤ la̤hǎnòò̌ acǔdemûnu tokho hǒ.

Kawyaw New Testament

¹ Khònò̤̌, ta̤ dǒ a lṳ̂dû̌lǒ tôcǒ dǒ he sǎyṳ nosî̌yaphlô sî numî̌ amè̤̌kû̌ pa pwa̤shû̌gǎ ikǒdû̌lǒ nutôpwa̤ hǒ. A mî̌ Yeshǔ hǒ. Khònò̤̌ a hǎnòò̌ô̌ dǒ mǒkhû̌ dě a hǎnòò̌ô̌ dǒ Cǒmara dǒ alîata̤kakha, apô̤aphǎ nutôpwa̤ lǎ̤nòò̌ acǔde cǔtômû nutôkhô hǒ.

Hebrǔ 8:1 Iomraidhean Croise

Htû̌sò̌htò̌ 104:1

He htû̌sò̌ǐ Cǒmara tûjûpwa̤ ta hesò̌phlǒsamabò. Kǒ Cǒmara tûjûpwa̤, hecǒmaradû̌, na mî̌ adû̌ayǒ mè̤mè̤̌. Na kûsǒhtò̌nṳ ta̤sîrîdû̌sîrîhtû ta ta̤lîta̤rakha.

Htû̌sò̌htò̌ 110:1

Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.”

Htû̌sò̌htò̌ 21:5

Na ǐyǎ ta̤ma̤pè̤ akhû̌akhî, kò bè̌dubè̌na̤ mè̤mè̤̌ nû̌û. Na ǐyǎ ta̤shû̌ta̤shopo̤phǎ dě alîarakha.

Mǎ̤riko 16:19

Běcǎ Ye̤shǔ hî̌bǎhto ta akhophijaû̌ toǒ dě Cǒmara kaǎ kihtò̌kè nû̌û mǒkhû̌ dě a hǎnòò̌ Cǒmara acǔdemû tokho.

Ěphěsu 6:20

Khrî̌stu wû̌lǎ he ta a pwa̤pwe̤ǐ ta̤wi̤ta̤kè̌ tapwa̤ dě he glè dǒhtû̌ǐ kò ta ta̤sò̌le̤sò̌lò̤ awi̤akè̌ htǒo akhû̌akhî, khònò̤htǒo he lò̤te̤ dě apo̤kû hǒ. Ta̤ htě he tobǎ dǒhtû̌ǐ bǎ kò toǒnu, ma̤pûhǐ he dǒhtû̌ǐ khuha bǎ kò ayanudě, kwisaba pû heya nî̌꤮.

Kòlòtè̌ 3:1

Pwǐ Cǒmara ma̤htûpwa̤ge Khrî̌stu ta ta̤sinu, Cǒmara ma̤ htûpwa̤gesǒ sî ta ta̤si dě a ǐ sî ta̤htûpwa̤ asa htǒonu ta Khrî̌stu hǒ. Hǐnudě sî sò̌phlǒ a ta̤sò̌yṳ lǒ̤꤮ bò toǒnu, bè̌ǒ lǒkho yǎdě mǒkhû̌ bǎ Khrî̌stu la̤hǎnòò̌ ǐ agûla̤ Cǒmara acǔdemûnu tokho nî̌꤮.

Hebrǔ 1:13

“Hǎnòò̌ dě he cǔdemû htǒotokho, hǎnòò̌ to̤htû̌ he nopǒǐ na ta pwa̤ htě a sò̌khě na htǒotoǒ hè sabahtò̌ to̤ na dě na khò̌lopo̤ kòshî̌ pě,” Cǒmara hî̌nǒ amǒkhû̌tanaphû̌ toǒ pwǐhè̌onu dǐmû̌꤮ tò̤.

Hebrǔ 1:3

Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Hebrǔ 10:12

Pwǎ̤tadě Khrî̌stu lṳhtò̌ bǎ pa ta̤sǔ aya htǒotoǒnu, a lṳhtò̌ taplǎpa dě a htophlǔ tûjûpwa̤ hǒ. Dě a ge hǎnòò̌ Cǒmara acǔdemû tokho hǒ.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 2:17

Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Ta̤dǔlè̌nǎ 3:21

“He ma̤pè̤hto dě he hǎnòò̌ dǒkû̌ ta hepha dě gògohtahtò̌yî̤ akhû̌ hǒ. Hǐnudě kòyò htě a ma̤pè̤ta̤ toǒnu, he nohǎnòò̌ kû̌dǒ asî ta he dě he gògohtahtò̌yî̤ akhû̌ pě.