Hebrǔ 7:6 - Kawyaw RC

⁶ Malakhǐsèdè̌ mî̌ akhlialè hǎte̤ ta Lě̤wǐ mè̤tò̤ pwǎ̤tadě a phî̌ pû̌shǐtûpû̌ dě Abraham a ǒ. Dě a howi̤ Abraham. Abraham mî̌ pwa̤ htě a nî̤bǎ Cǒmara a ta̤olò̤ tapwa̤ hǒ.

Kawyaw New Testament

⁶ Malakhǐsedè̌ mî̌ akhlialè gelò̤ dǒ KhûLe̤wǐ mè̤̌tô̤̌ bǎbǎkǎlè a phî̌ pû̌shǐnutôpû̌ dǒ PhaAbraha a ô̌. Dě a ǐshowî̤ PhaAbraha. PhaAbraha mî̌ pwa̤ dǒ a nǐ̤bǎ Cǒmara a ta̤olò̤ tôpwa̤ hǒ.

Hebrǔ 7:6 Iomraidhean Croise

Mǒhtûlû̌hǎhtûsa 12:13

Khòsò̌do hî̌ nana̤ ta na mî̌ hepṳmamǔnu nî̌꤮, na dè hî̌ hǐnu pěmî̌ asî ma̤mo̤ma̤wǒshǔ he pě, nakhû̌nakhî dě asî bè̌htûpwa̤ he pěpě.”

Mǒhtûlû̌hǎhtûsa 12:2

He nohtûhtò̌ na ta khlilèphû̌dû̌ tacǎ꤮ pě dě he howi̤homò̤ na pě, he nolṳshilṳga nami̤ pě dě na htû bǎ kòya ta ta̤howi̤ tacǎ pě.

Pwa̤nophû̌ 3:25

Cǒmara a ta̤olò̤mèlò̤ htě a nodǔlṳlò̤ tṳtṳ pwa̤po̤ sî toǒ numî̌ sîya hǒ. Htohǒtò̤ Cǒmara wṳ̂dòhto ta sî mo̤phaphiphu dě꤮ wǐnu toǒnu mî̌ sîya ǒkû̌dǒ hǒhǒ. Pwǐ Cǒmara pwe̤ǐnǎhto Abraham ta, ‘He howi̤ tṳtṳbò hǎkhû̌phû̌ htǒotoǒ lǒ̤꤮ bò ta na khlilè gilò̤nu tapwa̤ akhû̌akhî pě.’

Rṳ̂̌me̤ 4:13

Cǒmara olò̤ Abraham ta akhlialè toǒ dě wǐnukha ta hǎkhû̌bǎo teběbònu, a htûhtò̌ asîta pě. Pò̤̌ta asî jûle̤phî̌yo̤ lṳ̂kû̌ma̤kû̌ ta̤sû̌ta̤tòwò akò dě a htûhtò̌ asîta pě, a olò̤ nû̌û hǐnu mè̤tò̤. Cǒmara bè̌cǒbè̌tè̤ asî ta a ta̤yṳta̤nǎ akhû̌akhî, a olò̤ ta a ǐpwǎ asî pě.

Rṳ̂̌me̤ 9:4

Asî mî̌ Israelphû̌ toǒ. Cǒmara bǔǐ asî pwǐ aphû̌ali̤ sana̤nu hǒ. Dě a dǔlṳ bǎ asî ta a ta̤sîrîdû̌sîrîhtû hǒ. Cǒmara ǎměma̤měhto shǎ ta asî dě a ǐlò̤hto asî ta a ta̤sû̌ta̤tòwò hǒ. Asî nî̤bǎ ta̤saba aklè̌aklò ta̤lṳhtò̌hokû dě a nî̤bǎ lǒkho Cǒmara a ta̤olò̤mèlò̤ toǒ hǒ.

Galatǐ 3:16

Hǐnuakho Cǒmara ǐlò̤ a ta̤olò̤ ta Abraham ta akhlialè akla tapwa̤ pwǎ. “Dě akhlialè toǒ,” Cǒmara hî̌ hǐnu mè̤tò̤. Amûasǎ mî̌ kòyò ǒplṳ̂ mè̤tò̤. Mî̌tanu, a hî̌, “Dě nakhlinalè aklatapwa̤,” a hî̌ hǐnu khû̌khî, amûasǎ mî̌ a pwe̤ǐlṳ pwǎ tapwǎ̤pa. A sò̌yṳ hî̌ htǒonumî̌ Khrî̌stu htǒonu hǒ.

Hebrǔ 11:13

Kòyò lǒ̤bò htě Cǒmara olò̤ nû̌ûta a glè ǐ nû̌û htǒotoǒnu a yṳǎ gutṳ Cǒmara to̤ bǎ a si lǒkhonu ti̤ni̤. Ta̤ htě Cǒmara olò̤kè nû̌û dě a glè ǐ asî htǒotoǒnu, a nî̤bǎ hǒtò̤, pwǎ̤ta asî kè̌shǐnǎwǐ yî̤hǒ dě a sò̌le̤ phî̌shǔnǎwǐ ta̤olò̤ htǒotoǒ hǒ. Asî olò̤ lǒkho ta asî mî̌ a cû̌htû shǐtè̤mè̤ dě kòshikòga pwǎ, dě asî hè ǒkǔpwǎ bǎ hǎkhû̌bǎo teděsǎphû̌ pwǎ, a hî̌ lǒkho hǐnu.

Hebrǔ 11:17

Bǎ Cǒmara sèlèkè̌ Abraham akhanu, ata̤yṳ akhû̌akhî, a lṳhtò̌ aphû̌khû Isǎko. A nî̤bǎ Cǒmara a ta̤olò̤ pwǎ̤ta a tîwî̌tòwònǎ dě a glè lṳhtò̌ǐ aphû̌khû htě a ǒtû̌ tapwǎ̤꤮ pa htǒonu tapwa̤.

Hebrǔ 7:1

Malakhǐsèdè̌ mî̌ Shalewî̤ akhwǐ tapwa̤, a htû Cǒmara htě adû̌gutṳ̌ htǒotapwa̤ a pwa̤lṳhtò̌ta̤ tapwa̤. Bǎ Abraham cû̌shěpè̤hto Khwǐ sò̌li̤ dě a ge klè̌lo̤ akhanu, Malakhǐsèdè̌ cû̌ kè̌shǔ nû̌û dě howi̤homò̤ nû̌û.

Hebrǔ 7:7

Kòyò htě a howi̤ kò htǒotapwa̤nu adû̌khlo ta kòyò htě a nî̤bǎ ta̤howi̤ htǒotapwa̤ numî̌ sò̌phlǒ wò̌wè̌ la̤ǒ dǐcǎ tò̤.