Hebrǔ 7:3 - Kawyaw RC

³ Malakhǐsèdè̌ apha bǎbǎ, amo̤ bǎbǎ, aphiphu khlilè toǒ bǎbǎ, Kò khwè̌mǎǐ yǎ dǐcǎ꤮ tò̤. A ta̤ǒlò̤ ta ata̤si awi̤akè̌ toǒnu bǎbǎ, kò khwè̌mǎǐ nû̌û tò̤tò̤. a mî̌ alò̤ta Cǒmara aphû̌khû tapwa̤. A htû pwa̤lṳhtò̌ta̤ tûjûpwa̤.

Kawyaw New Testament

³ Malakhǐsedè̌ apha bǎbǎ, amǒ̤ bǎbǎ, aphiphu khlilè tokhlǒ bǎbǎ, kòyò wě̤mǎnǎ bǎ a tôcǒ꤮ tô̤̌. A ta̤ô̌phijǎlò̤ kû̌ ata̤si awe̤akè tokhlǒnu bǎbǎ, kòyò wě̤mǎnǎ bǎ yǎ tô̤̌tô̤̌. A mî̌ asô̌sô̌kû̌ Cǒmara aphû̌khû tôpwa̤. A htû pwa̤shû̌gǎ tûjû̌pwa̤.

Hebrǔ 7:3 Iomraidhean Croise

Matěo 4:3

Bǎnuakha khînǎmo̤pha hǐkǒdû̌ hè aǒ dě a hî̌ nû̌û, “Na mî̌ Cǒmara aphû̌khû tapwa̤ hî̌dě, hî̌lò̤ lo̤ htǒotama dě nohtûhtò̌ yǎta mû̌nu.”

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 7:1

Malakhǐsèdè̌ mî̌ Shalewî̤ akhwǐ tapwa̤, a htû Cǒmara htě adû̌gutṳ̌ htǒotapwa̤ a pwa̤lṳhtò̌ta̤ tapwa̤. Bǎ Abraham cû̌shěpè̤hto Khwǐ sò̌li̤ dě a ge klè̌lo̤ akhanu, Malakhǐsèdè̌ cû̌ kè̌shǔ nû̌û dě howi̤homò̤ nû̌û.

Hebrǔ 7:17

Ma̤tè̤hî̌dě lî̤cahtǐkû hî̌, “Na htû pwa̤lṳhtò̌ta̤ tûjûpwa̤ htě alò̤ta Malakhǐsèdè̌nu pě” a hî̌ hǐnu.

Hebrǔ 7:2

Dě Abraham ǐbò nû̌û ta̤kî̌ta̤kû̌ htě a nî̤bǎgenu toǒ pû̌shǐtûpû̌. Malakhǐsèdè̌ ami̤ amûasǎ awǐgutṳ̌ tûmû mî̌ “Ta̤cǒta̤tè̤ akhwǐ.” Htodě Shale amûasǎ mî̌ sò̌phlǒ gûjûkabǎ akhû̌akhî, ami̤ ǒpo̤ kû̌ta, “Sò̌phlǒ ta̤gûjûkabǎ akhwǐ.”

Hebrǔ 7:6

Malakhǐsèdè̌ mî̌ akhlialè hǎte̤ ta Lě̤wǐ mè̤tò̤ pwǎ̤tadě a phî̌ pû̌shǐtûpû̌ dě Abraham a ǒ. Dě a howi̤ Abraham. Abraham mî̌ pwa̤ htě a nî̤bǎ Cǒmara a ta̤olò̤ tapwa̤ hǒ.