Hebrǔ 7:26 - Kawyaw RC

²⁶ Hǐnudě, Ye̤shǔ mî̌ pwa̤lṳhtò̌ta̤ hǐkǒdû̌gutṳ̌ tapwa̤ htě a ma̤lǒbebò bǎ pa ta̤lo̤bǎ toǒ. A mî̌ acahtǐ, ata̤sǔ ǒtò̤, asò̌phlǒ mṳ̂plî. Cǒmara bè̌ǒkhǒtephe nû̌ûta ta̤ma̤sǔphû̌ toǒ, dě a ǐǒ nû̌û gûla̤ htò̌yî̤gutṳ̌ tò̤glò hǒ.

Kawyaw New Testament

²⁶ Pô̤̌nudě, Yeshǔ mî̌ pwa̤shû̌gǎ ikǒdû̌lǒ tôpwa̤ dǒ a ma̤lǒbe bǎbò lǒ̤꤮ bò pa ta̤lṳ̂bǎ tokhlǒ. A mî̌ aplò̌shǐ, ata̤sǔ ô̌tô̤̌, asǎphlǒ mṳ̂̌plî. Cǒmara bè̌yò tephekè khô̌ lû̌û kû̌ pwa̤ma̤sǔphû̌ tokhlǒ, dě a dǐô̌ lû̌û dǒ gûlǎ̤ htò̌yô̤̌lǒkhlo tôkû hǒ.

Hebrǔ 7:26 Iomraidhean Croise

Htû̌sò̌htò̌ 68:18

Bǎ na gekihtò̌ dě gûla̤htò̌yî̤ akhanu, na pṳ̂cû̌ǐ pwa̤sò̌khě na dě alò̤jûkè nala̤nu toǒ. Kòyò htě a shěshǔ nanu toǒ bǎbǎ, na nî̤bǎ sû dě asîǒ. Běcǎ Cǒmara tûjûpwa̤ ǒ bǎ gûla̤nu tò̤glò pěpě.

Matěo 27:18

Ma̤tè̤hî̌dě a sî̌yahto ta ta̤saba hǐkǒdû̌ toǒ sò̌khě Ye̤shǔ dě asî hèǐlò̤kèpwǎ Ye̤shǔ dě aǒ.

Mǎ̤riko 16:19

Běcǎ Ye̤shǔ hî̌bǎhto ta akhophijaû̌ toǒ dě Cǒmara kaǎ kihtò̌kè nû̌û mǒkhû̌ dě a hǎnòò̌ Cǒmara acǔdemû tokho.

Lǔka 1:35

Dě mǒkhû̌tanaphû̌ hî̌shǔ yǎ, “Běcǎ sǎcahtǐ hèlò̤ tû̌ dě nalo̤ pě, ahtò̌yî̤gutṳ̌ Cǒmara a ta̤po̤ta̤phǎ akhû̌akhî, phijaû̌phû̌ tapwa̤ hèǒlò̤ pě. Dě ta̤wi̤ta̤kè̌ htǒo akhû̌akhî, phijaû̌cahtǐ htǒotapwa̤nu kò kaǎ nû̌û ta Cǒmara aphû̌khû pě.

Lǔka 23:22

Dě Khwǐpilǎto hî̌po̤ asî suplǎtaplǎ, “Mî̌ma̤tè̤dě bǎ htǎwa̤sikè yǎya? A ma̤sǔ mî̌titè? A ma̤sǔta̤ htě a tobǎ sinu, he kè̌shǐ dǐcǎ꤮ tò̤. He nopo̤ kò ta a dě he bǎ plûgekè yǎ pě.”

Lǔka 23:41

Pa htǒosò̌gini̤ khòbǎ ta̤cèrò pwǐ pa ma̤sǔhtonu toǒ akhû̌akhî, atoabǎ pwǎ. Pwǎ̤tadě anu, a ma̤sǔ kû̌kò dǐcǎ꤮ tò̤.”

Lǔka 23:47

Rò̌mǎ klita̤ya̤ hǐkǒdû̌ htǒotapwa̤ kè̌shǐ ta̤ma̤ana̤ htǒotoǒ dě a htû̌sò̌ǐ Cǒmara dě a hî̌, “Kòyò htǒotapwa̤ mî̌ kòyòcǒkòyòtè̤ mè̤mè̤̌nu hǒ!”

Lǔka 24:26

Khrî̌stu tobǎ khò ta̤jîta̤jû htǒotoǒ htodě a cû̌nṳ a ta̤sîrîdû̌sîrîhtû akû dě mǒkhû̌ pě mè̤tò̤ ya?”

Lǔka 24:46

Dě a hî̌ asî, “Lî̤cahtǐ hî̌nǎ ta, Khrî̌stu khòbǎ ta̤jîta̤jû pě htodě suni̤ti̤ni̤ pěnu, a htûpwa̤gesǒ ta ta̤si pě.

Jowǎ̤ni̤ 14:30

He hî̌bǎ yî̤ ta sî numî̌ akhîakha ǒdû̌pe tò̤hǒ. Khînǎmo̤pha hǐkǒdû̌ Sehto htě a pǒǐ hǎkhû̌ htǒotadonu, a glè̌hè hǒ. A ta̤sîrîshû̌sho htǒonu, a ma̤pî̌nǒ he tò̤.

Jowǎ̤ni̤ 8:29

Htodě pwa̤htě a nohè he htǒotapwa̤nu, a ǒkû̌ ta he. He ma̤to yǎ sò̌phlǒ pṳ̂̌꤮ taplǎ akhû̌akhî, a wîkè he tò̤.”

Pwa̤nophû̌ 3:14

A mî̌ kòyòcahtǐ, kòcǒkòtè̤ tapwa̤ hǐnudě sî wîkè yǎ. Sî kwi Khwǐpilǎto ta, ‘Khòsò̌do dě plûhǎhtò̌ bǎ pa kòyò htě a ma̤si kònu tapwa̤.’

Pwa̤nophû̌ 4:27

Khònò̤dě wî̤kû htǒonu a htûhtò̌ ana̤ hǐnu hǒ! Ma̤tè̤hî̌dě Khwǐherǒ ta Khwǐpontius Pilǎto ǒplǒhî̌bǎshǔ ta Yṳ̌daphû̌ mè̤tò̤ toǒ ta Yṳ̌daphû̌ toǒ bǎ wî̤kûnu. Dě a gènè̤ ma̤si plǒnû̌û Ye̤shǔ, htě a mî̌ na pwa̤ma̤ta̤ cahtǐ dě na nohtû yǎta Khrî̌stu htǒonu tapwa̤.

Kôritu ginǐ̤bǎ tôbǎ 5:21

Khrî̌stunu ata̤sǔ ǒ dǐcǎ꤮ tò̤. Pwǎ̤tadě, ma̤pûhǐ a plělîkè bǎ pa ta̤sǔ ami̤shû̌ toǒ ayanu, Cǒmara nokhòsi nû̌û ta pa ta̤sǔ aya. Khrî̌stu ma̤ bǎ pa hǐnu akhû̌akhî, pa htûhtò̌ ta Khrî̌stu tacǎnǔ꤮ pa dě, Cǒmara bè̌cǒbè̌tè̤ pa dě alo̤mo̤ pě.

Hebrǔ 1:3

Kò kè̌shǐ tṳtṳ Cǒmara a ta̤sîrîdû̌sîrîhtû dě akû pě. A mî̌ asǒsǒ bòmṳ̂sîglî ta Cǒmara hǒ. Ma̤pûhǐ hǎkhû̌ ta mǒkhû̌ ta ta̤bǒlò̤ lǒ̤꤮ bò toǒ ǒ hèsělěpo̤nu, a pṳ̂měǐjè ta̤bǒlò̤ lǒ̤꤮ bò htǒonu ta ayo̤ htě apo̤aphǎ shû̌sho htǒotoǒ. Bǎ a ma̤htoma̤phlǔhto ta̤bòlû̌kèbò kòyòhǎkhû̌phû̌ ata̤sǔ toǒ akhanu, a gekihtò̌ mǒkhû̌ dě a htò̌hǎnòò̌ Cǒmara htě apo̤aphǎ adû̌ayǒgutṳ̌ htǒotapwa̤ acǔdemû tokho.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 2:10

Ta̤ lǒ̤꤮ bò toǒ numî̌ Cǒmara ayabò pwǎ dě a bǒlò̤bò ta̤ pṳ̂̌꤮ tacǎ hǒ. Ma̤pûhǐ Cǒmara ǐ pa̤dǒ kòyò saprṳ̂ ta a ta̤sîrîdû̌sîrîhtû toǒ ayanudě, a ma̤lǒma̤behtò̌ Běcǎ Ye̤shǔ ta a nokhòjîkhòjû nû̌û htǒonu hǒ. Cǒmara ma̤ ta̤ pwǐhè̌o numî̌ ato pwǎ. Dě Běcǎ Ye̤shǔ htû bǎ pa pwa̤sû klè̌ htě a ma̤lû̌htò̌ge pa tapwa̤ pě.

Hebrǔ 2:17

Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 7:11

Bǎ Cǒmara ǐ Yṳ̌daphû̌ toǒ ta̤sû̌ta̤tòwò akhanu, a bè̌htò̌ pwa̤lṳhtò̌ta̤phû̌ htě akhlialè hǎte̤ ta Lě̤wǐphû̌nu toǒ a ǒ. Asî bǎ lṳhtò̌ǐ bǎ kò pwǐ ta̤sû̌ta̤tòwò toǒ ǒnu. Lě̤wǐphû̌ pwa̤lṳhtò̌ta̤phû̌ htǒotoǒ ma̤ ata̤ma̤ htǒotoǒ pwǎ̤tadě ma̤pûhǐ kò htûhtò̌ kòcǒkòtè̤ ayanu, asî ma̤jòtò̤. Hǐnudě Cǒmara bǎ nohèkhǒ tèplè̌tû̌ pwa̤lṳhtò̌ta̤ ahǔwa̤ tapwa̤. Pwa̤lṳhtò̌ta̤ htǒotapwa̤nu akhlialè hǎte̤ ta Lě̤wǐphû̌ dě akhlialè hǎte̤ tṳtṳ ta Aro a ǒ htǒonu mè̤tò̤. Pwa̤lṳhtò̌ta̤ htǒotapwa̤nu, alò̤ta Malakhǐsèdè̌nu hǒ.

Hebrǔ 8:1

Khònò̤htǒo, ta̤ htě a lo̤bǎdû̌shǐ tacǎ dě he sò̌yṳ nosî̌yaphlo sî numî̌ pa pwa̤lṳhtò̌ hǐkǒdû̌gutṳ̌ htǒotapwa̤ hǒ. A mî̌ Ye̤shǔ hǒ. Khònò̤htǒo a hǎnòò̌ mǒkhû̌ dě a hǎnòò̌ bǎ Cǒmara alîarakha, apo̤aphǎ htǒotapwa̤ la̤hǎnòò̌ acǔdemûnu tokho hǒ.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.

Petru awǐlǒ tabǎ 1:19

Dě Khrî̌stu pwî̤ge sî ta asǐ htě ale̤dû̌pwî̤htû htǒo akhû̌akhî, sî nî̤bǎ ta̤pelesesǎ hǒ. Khrî̌stu mî̌ alò̤ta sophû̌ htě kò kè̌shǐ a ta̤phû̌mò̤ ǒ dǐcǎ꤮ tò̤ tado tapwa̤ hǒ.

Petru awǐlǒ tabǎ 2:22

“A ma̤ ta̤sǔ dǐcǎ꤮ tò̤. Kò gana̤debǎ ta a hî̌bǎ lòho dǐpwǎ̤꤮ tò̤.”

Petru awǐlǒ tabǎ 3:22

Ye̤shǔkhrî̌stu gekihtò̌ mǒkhû̌ dě a gehǎnòò̌ Cǒmara acǔdemû tokho hǒ, dě a pǒǐbò tanaphû̌ toǒ ta ta̤sîrîshû̌sho toǒ, ta ta̤po̤ta̤phǎ toǒ hǒ.

Yṳ̂ha awǐlǒ tôbǎ 2:2

Ma̤pûhǐ Cǒmara bòlû̌kè pa ta̤sǔta̤plě htǒonudě Khrî̌stu khòsihto asò̌ hǒ. Pwǎ̤ta tǒ̤pwǎ pa ta̤sǔta̤plě tû̌ ayanu mè̤tò̤, a bòlû̌bò dǒbǎ hǎkhû̌phû̌ toǒ a ta̤sǔta̤plě.

Yṳ̂ha awǐlǒ tôbǎ 3:5

Pwǎ̤ta ma̤pûhǐ Khrî̌stu phî̌cû̌kè pa ta̤sǔta̤plě toǒ ayanu, a hèlò̤hto dě hǎkhû̌bǎo numî̌ sî sî̌yahto tû̌ hǒ. Htohǒtò̤ sî sî̌ya ta Ye̤shǔkhrî̌stu htǒonumî̌ a ta̤sǔta̤plě ǒkû̌kò dǐcǎ tò̤.

Ta̤dǔlè̌nǎ 3:7

“Khwè̌cû̌ lî̤htǒo dě Philadělaphǐa pwa̤yṳǎta̤ aprṳ̂aho a tanaphû̌nu tapwa̤ ǒnu,” a hî̌ he hǐnu. Dě a hî̌, “Ta̤wi̤ta̤kè̌ htǒonumî̌ a hè dě pwa̤htě acahtǐ acǒatè̤ htǒotapwa̤ ǒ. A pṳ̂měǐ Khwǐdǎ̤wi̤ asò̌shî̌. Bǎ a bòmo takha akhanu, kò ma̤bǐjò yǎ dǐpwǎ̤꤮ tò̤. Dě bǎ a ma̤bǐ akhanu, kò bòmojò yǎ dǐpwǎ̤꤮ tò̤.