Hebrǔ 7:25 - Kawyaw RC

²⁵ Hǐnudě kòyò htě a hè Cǒmara a ǒ dě a hènṳ tṳtṳ Ye̤shǔ a ǒ toǒnu, Ye̤shǔ ma̤lû̌htò̌gebò̌ asî khònò̤htǒo tǒ̤hè ta tûjûpwa̤ talakhǎ pě, ma̤tè̤hî̌dě ma̤pûhǐ a nṳ kwigwèbǎǐbò̌ bǎ kòyò hǐnu toǒ aya dě Cǒmara a ǒnu, a bǎ htûpwa̤ tûjûpwa̤.

Kawyaw New Testament

²⁵ Pô̤̌nudě kòyò dǒ a hè dǒ Cǒmara a ô̌ dě a hènṳ̌ tutṳ̌ dǒ Yeshǔ a ô̌ tokhlǒnu, Yeshǔ ma̤hǎplǎgebò̌ asî khònò̤̌ tǒ̤hènè ajû̌jû̌ apwa̤pwa̤ pě, ma̤titèhî̌dě pô̤̌khô a gǔ nṳ̌ kwisǎyṳbò̌ bǎ kòyò pô̤̌nu tokhlǒ aya dǒ Cǒmara a ô̌nu, a bǎ htûpwa̤ tûjû̌pwa̤.

Hebrǔ 7:25 Iomraidhean Croise

Jowǎ̤ni̤ 14:13

Ma̤pûhǐ hepha a sîrîdû̌sîrîhtû ǒlṳhtò̌ ayanu, sî kwisaba titètè̌ bǎbǎ, sî dè kwi ta he mi̤ hî̌nu, he ǐ sî pě.

Jowǎ̤ni̤ 14:16

He kwihtò̌ pha dě a sûlò̤ bǎ sî pwa̤ma̤jè sî tapwa̤ ta he gûla̤ htǒonu pě. Dě a ǒkû̌ ta sî pě tûjûpwa̤.

Jowǎ̤ni̤ 14:6

Dě Běcǎ Ye̤shǔ hî̌shǔ yǎ, “He mî̌ klè̌ ta ta̤te̤ta̤mǎ ta ta̤htûpwa̤ hǒ. Pwa̤ sûcû̌ kò dě pha a ǒ mî̌ tû̌pwǎ he pwǎ, kò dè nǎla̤ǐ he tò̤ hî̌nu, kò cû̌jò dě pha a ǒ dǐpwǎ̤꤮ tò̤.

Rṳ̂̌me̤ 5:10

Dě awǐkha numî̌, pa htû kòyò htě a sò̌khě Cǒmara toǒ. Dě aphû̌khû khòsi asò̌ ta paya akhû̌akhî, a ma̤ mo̤klaǐgesǒ pa hǒ. Khònò̤htǒo pa htû akhobǒsû̌ hǒ. Pa sî̌ya te̤mǎ ta pa lû̌htò̌bò̌ pwǎ ta aphû̌khû a ta̤ǒhtûpwa̤ akò pwǎ.

Rṳ̂̌me̤ 5:2

Pa yṳǎ Běcǎ Ye̤shǔkhrî̌stu akhû̌akhî, a noǒhtûpwa̤ pa dě Cǒmara abwǐasîrî akû hǒ. Khònò̤htǒo pa ǒhtûpwa̤ dě abwǐasîrî akû hǒ. Dě pa sò̌le̤ kè̌shuǐ Cǒmara a bwǐdû̌sîrîhtû htǒonu hǒ.

Rṳ̂̌me̤ 8:34

Hǐnudě, mî̌ûpè glè cèrò asî pè? Ta̤pwǎ̤꤮ mî̌ kò cèròjò asî tò̤. Ma̤tè̤hî̌dě, Ye̤shǔkhrî̌stu mî̌ pwa̤ htě a si ta pa ta̤sǔ aya tapwa̤, htohǒtò̤ Cǒmara ma̤htûpwa̤gesǒ nû̌û ta ta̤si tapwa̤. Dě Cǒmara ǐ nû̌û gûla̤ acǔdemû tokho. Ma̤pûhǐ Cǒmara ma̤jè panu Ye̤shǔ nṳkwigwèbǎǐ bǎ pa gûla̤ hǒ.

Kôritu awǐlǒ tôbǎ 1:21

Cǒmara a ta̤sî̌ta̤jò mî̌ adû̌ayǒ mè̤mè̤̌. Hǐnudě kòyòhǎkhû̌phû̌ htǒotoǒ glè kè̌lǎsî̌yabò̌ Cǒmara ta asî ta̤sî̌khû̌sî̌ya toǒnu, a jò dǐkhò̌꤮ tò̤. Mî̌tanu, Cǒmara sò̌phlǒǒ ta a ma̤lû̌htò̌ge kòyò htě a yṳǎ Khrî̌stu a ta̤sò̌le̤sò̌lò̤ awi̤akè̌ htě pa dǒhtû̌ǐ kò htǒonu toǒ pě. Pwǎ̤ta kòyò htě a yṳǎ ta̤sò̌le̤sò̌lò̤ awi̤akè̌ htǒo tò̤ toǒnu, a gènè̤sǔ lǒkho ta ta̤dǒhtû̌ǐ htǒotoǒ numî̌ a nòdû̌ pwǎ, a gènè̤ lǒkho hǐnu.

Ěphěsu 2:18

Dě Khrî̌stu ma̤hto bǎ paya, dě Běcǎ sǎcahtǐ tapwǎ̤꤮ pa ma̤jè tṳtṳ pa akhû̌akhî, pa Yṳ̌daphû̌ lǒ̤꤮ bò toǒ bǎbǎ, Yṳ̌daphû̌ mè̤tò̤ toǒ bǎbǎ, pa hènṳjò dě Cǒmara alo̤mo̤nu hǒ.

Ěphěsu 3:12

Dě pa yṳǎ Khrî̌stu, htodě pa htûhtò̌kè nû̌û tacǎnǔpa akhû̌akhî, khònò̤htǒo pa glè hènṳ dě Cǒmara ǒ ta ta̤yṳǎ tû̌û na̤ ta ta̤khuta̤ha numî̌ anî̤ hǒ.

Ěphěsu 3:20

Htû̌sò̌ǐ lǒkho Cǒmara. Dě a ta̤po̤ta̤phǎ adû̌ayǒ htǒo ma̤ta̤ dě pakû akhû̌akhî, a ma̤kè̌htò̌khlo bǎ pa ta pa kwihtò̌ yǎnu toǒ pě. Mè̤tò̤mî̌, a ma̤kè̌htò̌khlo bǎ pa ta pa gènè̤nǎnu toǒ pě.

Phǐlǐpǐ 3:21

Ye̤shǔkhrî̌stu htû̌lè̌kè pana̤klû dě a khû̌ǎyû̌lò̤ a sijò htǒonu ta a ta̤po̤ta̤phǎ pě, dě a ma̤htûhtò̌ge pana̤klû htǒonu pwǐ ana̤klûtû̌ dě a ǒ ta a ta̤sîrîdû̌sîrîhtû htǒonu pě. A po̤phǎshû̌sho dě a ma̤jè nû̌û ta a pǒǐbò̌bò ta̤ lǒ̤꤮ bò htǒonu, a htû̌lè̌ tèplè̌kèbò pana̤klû htǒotoǒ pě.

Tîmôte awǐlǒ tôbǎ 2:5

Ma̤tè̤hî̌dě Cǒmara ǒtû̌ tapwǎ̤꤮ pa. Htodě kòyò htě a ma̤pè̤ma̤dû bǎ gesǒ Cǒmara ta kòyòhǎkhû̌phû̌nu a ǒ tapwa̤. A mî̌ kòyòphû̌khû Ye̤shǔkhrî̌stu htǒonuhǒ.

Tîmôte ginǐ̤bǎ tôbǎ 1:12

Ma̤hǐnudě ta̤htǒotoǒ akhû̌akhî, he khòbǎ ta̤htǒo toǒ hǒ. Pò̤̌ta he sòwò̤ tò̤, ma̤tè̤hî̌dě, he sî̌ya pwa̤ htě he yṳǎna̤ǎ yǎ htǒotapwa̤ hǒ, htodě he yṳǎ ta ta̤ htě a ǐlò̤ nû̌û he cǔdekû htǒotoǒnu, a ǒpo̤ to̤htû̌ mṳni̤ gutṳpěnu ti̤ni̤.

Hebrǔ 11:6

Ta̤yṳ dè ǒtò̤nu, tapwǎ̤꤮ mî̌ kò ma̤tobò̌ Cǒmara asò̌phlǒ tò̤, ma̤tè̤hî̌dě, kòyò lǒ̤bò htě a hè Cǒmara a ǒ toǒnu, a bǎ yṳǎ ta Cǒmaranu a ǒhtûpwa̤ dě kòyò htě a sò̌phlǒsho kè̌lǎ nû̌û toǒnu, a bǎ yṳǎ ta Cǒmara ǐ asî ta̤ma̤nî̤khû̌kǎ pě hǐnu.

Hebrǔ 13:15

Hǐnudě, pa Běcǎ Ye̤shǔkhrî̌stu a ta̤ma̤jè pa akhû̌akhî, pa lṳhtò̌ pa ta̤htû̌sò̌ǐ a ta̤lṳhtò̌htǒo dě Cǒmara a ǒ pṳ̂̌꤮ taplǎ dě Ye̤shǔ mî̌ pa Běcǎ, pa olò̤ pwǐhè̌onu hò̌꤮.

Hebrǔ 2:18

Dě khònò̤htǒo, ana̤ sana̤ kè̌shǐ shěto̤bǎ hèhto ta̤khòjîkhòjû toǒ, ta̤lǒǎplò̤ǎ toǒ akhû̌akhî, kòyò htě a kè̌shǐ shěto̤bǎ ta ta̤lǒǎplò̤ǎ toǒnu a ma̤jèbò̌pwǎ kò.

Hebrǔ 2:9

Pwǎ̤tadě, ta̤wi̤ta̤kè̌ htě pa sî̌ya mè̤mè̤̌ numî̌ Ye̤shǔ htǒonuhǒ. Bǎ a hèlò̤ hǎkhû̌bǎo akhanu, a nî̤bǎ ta̤sîrîshû̌sho htě ajakhlo ta mǒkhû̌tanaphû̌ toǒ tîkî̌phû̌, ma̤tè̤hî̌dě, Cǒmara abwǐasîrî akhû̌akhî, Ye̤shǔ bǎ khòsi bǎ pa lǒ̤꤮ bò aya. Dě Ye̤shǔ khòsi akhû̌akhî, khònò̤htǒo pa sî̌ya ta Cǒmara ǐ ta̤sîrîdû̌sîrîhtû, ta̤bè̌dû̌bè̌htû kò ta Ye̤shǔ hǒ.

Hebrǔ 5:7

Ye̤shǔ ǒhtûpwa̤ hǎkhû̌bǎo akhanu, a kwisaba lǒ̤sû̌lǒ̤sò̌htò̌ Cǒmara htě a ma̤lû̌htò̌jò nû̌û ta ta̤sihtǒo tapwa̤, dě a yi̤kǒhtò̌ mi̤sǎshi lò̤. A shò̌lò̤ asò̌phlǒ dě a sò̌phlǒsho gana̤de Cǒmara yo̤ akhû̌akhî, Cǒmara gana̤de nû̌û ta̤kwisaba.

Hebrǔ 7:16

Ta̤sû̌ta̤tòwò hî̌ ta kòyò htě a htûhtò̌ pwa̤lṳhtò̌ta̤nu, a bǎ khlilè hǎte̤gilò̤ ta tṳgumṳ akû a hî̌ hǐnu, pwǎ̤tadě Ye̤shǔ hè htû pwa̤lṳhtò̌ta̤ htǒonu, ato pwǐ ta̤sû̌ta̤tòwò hî̌nu mè̤tò̤. Mî̌tanu, a htûhtò̌ pwa̤lṳhtò̌ta̤ htǒonu ta a ta̤ǒhtûpwa̤ apo̤aphǎ shû̌sho dě a htûpwa̤ tûjûpwa̤ talakhǎ htǒonuhǒ.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Hebrǔ 7:24

Pwǎ̤ta Ye̤shǔ htǒonu, a ǒhtûpwa̤ tûjûpwa̤ akhû̌akhî, a ǐlò̤ tṳtṳpe pwa̤lṳhtò̌ta̤ ata̤ma̤ htǒonu dě kò cǔdekû dǐpwǎ̤꤮ tò̤.

Hebrǔ 7:8

Yṳ̌daphû̌ pwa̤lṳhtò̌ta̤phû̌ htě akhlialè hǎte̤gilò̤ ta Lě̤wǐphû̌ ǒ htǒotoǒnu, a phî̌shǔ pû̌shǐtûpû̌ htǒonu dě kòyò htě a bǎ sipwǎ pěnu toǒ a ǒ. Pwǎ̤tadě Malakhǐsèdè̌ htǒonu, pa sî̌yatû̌ Cǒmara ale̤ayo̤ hî̌ ta a ǒhtûpwa̤ pwǎ.

Hebrǔ 9:24

Ma̤tè̤hî̌dě hǐphû̌dû̌ cahtǐ htě kò ma̤ nû̌ûta kòyò cǔde dě kò kè̌mò̌mṳ ma̤kû̌ mè̤mè̤̌pwǎ amo̤glo htǒotama akûnu, Khrî̌stu cû̌nṳ bǎnu mè̤tò̤. A cû̌nṳtû̌ mǒkhû̌ dě khònò̤htǒo a kwigwèbǎǐ bǎ pa dě Cǒmara alo̤mo̤.

Yṳ̌da 1:24

Pa htû̌sò̌ǐ plǒnû̌û Cǒmara hò̌! Ma̤pûhǐ sî lòkhǔpo̤ pû tò̤nu, Cǒmara kè̌ǐkwè̌ǐ ma̤jè tû̌ta sî nî̌. Htohǒtò̤ a kaǎgebò̌tû̌ sî dě a lo̤mo̤ pě dě sî ta̤sǔ ǒpe tò̤, dě sî sò̌le̤sò̌lò̤ mè̤mè̤̌ tû̌ta pě.