Hebrǔ 7:19 - Kawyaw RC

¹⁹ Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.

Kawyaw New Testament

¹⁹ Khûmṳ̂shě a ta̤sû̌ta̤tòwònu a ma̤cǒma̤tè̤ jò kòyò tôpwǎ̤꤮ tô̤̌. Bǎbǎkǎlè khònò̤̌ pa ta̤kè̌shuǐ klè̌ asa tôbô dǒ awô̌khlo pe kû̌ ta̤sû̌ta̤tòwònu a ô̌ hǒ. Dě pa hènṳ̌phǔ dǒ Cǒmara a ô̌ kû̌ klè̌ asa nutôbô mî̌ anǐ̤ hǒ.

Hebrǔ 7:19 Iomraidhean Croise

Htû̌sò̌htò̌ 73:28

Dě he lè̌dě he ǒphǔ ta Cǒmaradû̌ dě a nî̤bwǐnî̤sîrî mè̤mè̤̌ heya. Běcǎ ta̤adû̌ mî̌ he la̤ǒtûdû. He pwe̤ǐlṳbò bǎ kò ta na ma̤ ta̤cǒklî̌kî̌yanu pě.

Jowǎ̤ni̤ 1:17

Cǒmara ǐlò̤ ta̤sû̌ta̤tòwò ta Mǒ̤jè dě Mǒ̤jè ǐlò̤ tṳtṳ nû̌ûta pa, hǐnudě Ye̤shǔkhrî̌stu mî̌ kòyò htě a ǐlò̤ bǎ pa ta̤bwǐta̤sîrî ta ta̤te̤ta̤mǎ.

Jowǎ̤ni̤ 14:6

Dě Běcǎ Ye̤shǔ hî̌shǔ yǎ, “He mî̌ klè̌ ta ta̤te̤ta̤mǎ ta ta̤htûpwa̤ hǒ. Pwa̤ sûcû̌ kò dě pha a ǒ mî̌ tû̌pwǎ he pwǎ, kò dè nǎla̤ǐ he tò̤ hî̌nu, kò cû̌jò dě pha a ǒ dǐpwǎ̤꤮ tò̤.

Pwa̤nophû̌ 13:39

Dě Ye̤shǔ ma̤htohǒ akhû̌akhî, kòyò htě a yṳǎ Ye̤shǔ pṳ̂̌꤮ tapwa̤nu Cǒmara bòlû̌kèbò nû̌ûta̤sǔ dě a bè̌cǒbè̌tè̤kè nû̌û hǒ. Dě sî gûma̤kû̌ Mǒ̤jè a ta̤sû̌ta̤tòwò akhû̌akhî, Cǒmara bòlû̌jò sî ta̤sǔnu toǒ dî̌kî̌꤮ tò̤.

Rṳ̂̌me̤ 5:2

Pa yṳǎ Běcǎ Ye̤shǔkhrî̌stu akhû̌akhî, a noǒhtûpwa̤ pa dě Cǒmara abwǐasîrî akû hǒ. Khònò̤htǒo pa ǒhtûpwa̤ dě abwǐasîrî akû hǒ. Dě pa sò̌le̤ kè̌shuǐ Cǒmara a bwǐdû̌sîrîhtû htǒonu hǒ.

Rṳ̂̌me̤ 7:7

Ma̤hǐnudě pa bǎ hî̌ hî̌tè? Ta̤sû̌ta̤tòwò mî̌ asǔpwǎ pa bǎ hî̌ hǐnu ya? Pa hî̌ hî̌numî̌ a totò̤. Na ma̤ hǐnumî̌ asǔ ta̤sû̌ta̤tòwò dè yṳ̂lṳ tò̤ hî̌nu, ta̤ htě he ma̤sǔhto kwè̌꤮ titènu he sî̌yage mè̤mè̤̌tò̤. Hî̌kû̌nǎ, “Sò̌yṳ pûma̤ kòyò ta̤ ma̤ nî̌,” ta̤sû̌ta̤tòwò dè khwè̌lṳ hǐnu tò̤ hî̌dě, sò̌yṳ kòyò ta̤ numî̌ a htû ta̤sǔnu, he sî̌ya tò̤.

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Galatǐ 2:16

Pwǎ̤ta pa Yṳ̌daphû̌ htě a yṳǎ Khrî̌stu htǒotoǒ numî̌, pa sî̌ya ta Cǒmara bè̌cǒbè̌tè̤ kòyò tapwa̤numî̌ a bè̌cǒbè̌tè̤ nû̌û ta a lṳ̂kû̌ ma̤kû̌ ta̤sû̌ta̤tòwò akònu mè̤tò̤. Mî̌pwǎ a yṳǎna̤ǎ Ye̤shǔkhrî̌stu htǒonu pwǎ. Pa htǒotoǒnu bǎbǎ, ma̤pûhǐ Cǒmara bè̌cǒbè̌tè̤ kû̌ pa ta pa ta̤yṳ Khrî̌stu htǒo akhû̌akhînu dě, pa yṳǎna̤ǎ Ye̤shǔkhrî̌stu hǒ. Mî̌ htě pa gûma̤kû̌ ta̤sû̌ta̤tòwò akònu mè̤tò̤, ma̤tè̤hî̌dě kò lṳ̂ma̤bò̌ ta̤sû̌ta̤tòwò akò dě kò htûhtò̌bò̌ kòyòcǒkòyòtè̤nu a ǒ dǐpwǎ̤꤮ tò̤.

Galatǐ 3:21

Ma̤hǐnudě ta̤sû̌ta̤tòwò htǒonu a ma̤tukutakǎshǔ Cǒmara a ta̤olò̤ htǒotoǒnu ya? A ma̤tukutakǎshǔ dǐcǎ꤮ tò̤. Ma̤tè̤hî̌dě ta̤sû̌ta̤tòwò htǒo, a dè ǐǒhtò̌jò pa ta̤ǒhtûpwa̤ asa dèhî̌dě Cǒmara bè̌cǒbè̌tè̤ pa ta pa gû jûle̤phî̌yo̤kû̌ ta̤sû̌ta̤tòwò htǒotoǒ akò pwǎ.

Galatǐ 3:24

Hǐnu akhû̌akhî, ta̤sû̌ta̤tòwò htǒonu asǒsǒta pwa̤ǒpo̤ǐ pa tapwa̤nu hǒ. Htodě ma̤pûhǐ Cǒmara bè̌cǒbè̌tè̤ pa ta pa ta̤yṳ Khrî̌stu akhû̌akhînu dě, ta̤sû̌ta̤tòwò htǒonu a sûcû̌ pa dě Khrî̌stu a ǒ hǒ.

Ěphěsu 3:12

Dě pa yṳǎ Khrî̌stu, htodě pa htûhtò̌kè nû̌û tacǎnǔpa akhû̌akhî, khònò̤htǒo pa glè hènṳ dě Cǒmara ǒ ta ta̤yṳǎ tû̌û na̤ ta ta̤khuta̤ha numî̌ anî̤ hǒ.

Kòlòtè̌ 1:27

Cǒmara ta̤sò̌yṳǒ dě a glè bè̌lṳhtò̌ bǎ akòyò toǒ ta a ta̤bè̌hǔ htǒotacǎ. A ta̤bè̌hǔ htǒonumî̌ Yṳ̌daphû̌ mè̤tò̤ toǒ aya numî̌ amè̤mè̤. Ta̤bè̌hǔ htǒonumî̌ a le̤dû̌pwî̤htû, asîrîdû̌sîrîhtû mè̤mè̤̌. Ta̤bè̌hǔ htǒonumî̌ Khrî̌stu htě a ǒ dě sîkû htǒonuhǒ, dě amûasǎ mî̌ sî nî̤bǎ Cǒmara a sîrîdû̌sîrîhtû pě, htǒonuhǒ.

Tîmôte awǐlǒ tôbǎ 1:1

He mî̌ Pò̌lu. He khwè̌cû̌ bǎ sî lî̤htǒotabǎ. Cǒmara htě a ma̤lû̌htò̌ge pa htǒotapwa̤ ta Ye̤shǔkhrî̌stu htě pa ta̤kè̌shu nǎla̤ǐ yǎ htǒotapwa̤nu, asî hî̌lò̤hto ayo̤ ta a nohtûhtò̌ he ta Ye̤shǔkhrî̌stu a pwa̤nophû̌ tapwa̤.

Hebrǔ 10:1

Khònò̤htǒo pa sî̌yaphlo ta ta̤sû̌ta̤tòwò htě Mǒ̤jè bè̌kè htǒonumî̌ mî̌pwǎ ta̤yo̤ ta̤ma̤dòǐ tacǎpwǎ. Ta̤amè̤mè̤̌ htě ta̤sû̌ta̤tòwò sò̌yṳ yṳ̂lṳ htǒonumî̌ ta̤wî̤ta̤wǒ lǒ̤bò htě a hè tṳtṳ dě Khrî̌stu a ǒ htǒotoǒnu hǒ. Ta̤sû̌ta̤tòwò htǒonu a hî̌ ta, pṳ̂̌taně tobǎ lṳhtò̌ ta̤phû̌ta̤li̤ htǒo akhû̌akhî, ma̤lǒma̤behtò̌jò bǎ kòyòhǎkhû̌phû̌ tò̤.

Hebrǔ 11:40

Ma̤tè̤hî̌dě ta̤ htě awǒkhlo ta htǒotoǒnu, Cǒmara yè̤lònǎhto bǎ paya dě a ǐ nû̌ûta pa pě. Cǒmara bè̌lò̤hto asò̌phlǒ ta pa tobǎ nṳ ǒpa to̤kû̌ ta kòyò dě꤮ wǐkha toǒ. A ta̤yè̤lò̤nǎ numî̌ pa glè ma̤lǒma̤be plǒkû̌ ta asî htǒonuhǒ.

Hebrǔ 11:6

Ta̤yṳ dè ǒtò̤nu, tapwǎ̤꤮ mî̌ kò ma̤tobò̌ Cǒmara asò̌phlǒ tò̤, ma̤tè̤hî̌dě, kòyò lǒ̤bò htě a hè Cǒmara a ǒ toǒnu, a bǎ yṳǎ ta Cǒmaranu a ǒhtûpwa̤ dě kòyò htě a sò̌phlǒsho kè̌lǎ nû̌û toǒnu, a bǎ yṳǎ ta Cǒmara ǐ asî ta̤ma̤nî̤khû̌kǎ pě hǐnu.

Hebrǔ 3:6

Pwǎ̤tadě, Khrî̌stu htǒonumî̌ alò̤ta Mǒ̤jè htě a htû pwa̤ma̤ta̤ dě Cǒmara ahǐkûnu tapwa̤ mè̤tò̤. A mî̌ Cǒmara aphû̌khû tapwa̤. A mî̌ acǒatè̤ ta ata̤ma̤ dě a kè̌ǐkhwè̌ǐ apha Cǒmara ahǐphû̌phòphû̌ toǒ. Pa dè gû khukhuhaha hèsělě Khrî̌stu to̤htû̌ agutṳ htohǒtò̤ ta̤ htě Cǒmara glè ǐ pa htǒonu, pa dè kè̌shuǐ hèsělě to̤htû̌ agutṳ hî̌mò̌nu, pa mî̌ Cǒmara ahǐphû̌phòphû̌ hǒ.

Hebrǔ 4:16

Hǐnudě, pa lo̤bǎ ta̤ bò̌khòtè꤮ bǎbǎnu, pa to hènṳ khuha dě pa Cǒmara htě a gwèbǎǐ kò htǒotapwa̤ a la̤hǎnòò̌ alo̤mo̤nu. Pa nî̤bǎ a ta̤gwèbǎǐ pě dě pa kè̌shǐbǎ abwǐdû̌sîrîhtû htě a ma̤jè pa htǒonu pě.

Hebrǔ 6:18

Hǐnudě Cǒmara ǐbò pa a ta̤olò̤ ta a ta̤bèlò̤ ayo̤htǒo ginǐ̤cǎbò hǒ. Cǒmara lòhojòtò̤ akhû̌akhî, htǒoginǐ̤cǎnu a htû̌lè̌tèplè̌ kî̌yajò tò̤tò̤. Pa khlè̌ tûdû to̤hǔbǐ Cǒmara a ǒ toǒnu, Cǒmara htû̌lè̌tèplè̌ kî̌yajòpe a ta̤olò̤ tò̤ akhû̌akhî, pa sò̌phlǒmo̤ sò̌phlǒshû̌htò̌ mè̤mè̤̌. Dě pa sò̌phlǒmo̤ sò̌phlǒshû̌ akhû̌akhî, ta̤kè̌shuǐ htě Cǒmara ǐ pahtǒonu, pa pṳ̂měǐ sělě to̤bò̌ agutṳ hǒ.

Hebrǔ 7:11

Bǎ Cǒmara ǐ Yṳ̌daphû̌ toǒ ta̤sû̌ta̤tòwò akhanu, a bè̌htò̌ pwa̤lṳhtò̌ta̤phû̌ htě akhlialè hǎte̤ ta Lě̤wǐphû̌nu toǒ a ǒ. Asî bǎ lṳhtò̌ǐ bǎ kò pwǐ ta̤sû̌ta̤tòwò toǒ ǒnu. Lě̤wǐphû̌ pwa̤lṳhtò̌ta̤phû̌ htǒotoǒ ma̤ ata̤ma̤ htǒotoǒ pwǎ̤tadě ma̤pûhǐ kò htûhtò̌ kòcǒkòtè̤ ayanu, asî ma̤jòtò̤. Hǐnudě Cǒmara bǎ nohèkhǒ tèplè̌tû̌ pwa̤lṳhtò̌ta̤ ahǔwa̤ tapwa̤. Pwa̤lṳhtò̌ta̤ htǒotapwa̤nu akhlialè hǎte̤ ta Lě̤wǐphû̌ dě akhlialè hǎte̤ tṳtṳ ta Aro a ǒ htǒonu mè̤tò̤. Pwa̤lṳhtò̌ta̤ htǒotapwa̤nu, alò̤ta Malakhǐsèdè̌nu hǒ.

Hebrǔ 7:20

Cǒmara bèlò̤hto ayo̤ ta Ye̤shǔ htû pwa̤lṳhtò̌ta̤ tûjûpwa̤ pě. Pwǎ̤ta bǎ Lě̤wǐ khlilèphû̌ toǒ htû pwa̤lṳhtò̌ta̤ akhanu, a bèlò̤kû̌ ayo̤ ta asî hǐnu dǐmû̌꤮ tò̤.

Hebrǔ 7:25

Hǐnudě kòyò htě a hè Cǒmara a ǒ dě a hènṳ tṳtṳ Ye̤shǔ a ǒ toǒnu, Ye̤shǔ ma̤lû̌htò̌gebò̌ asî khònò̤htǒo tǒ̤hè ta tûjûpwa̤ talakhǎ pě, ma̤tè̤hî̌dě ma̤pûhǐ a nṳ kwigwèbǎǐbò̌ bǎ kòyò hǐnu toǒ aya dě Cǒmara a ǒnu, a bǎ htûpwa̤ tûjûpwa̤.

Hebrǔ 8:6

Ye̤shǔ ma̤ta̤ pwǐ pwa̤lṳhtò̌ta̤ tapwa̤nu, awǒkhlope ta pwa̤lṳhtò̌ta̤phû̌ dě hǎkhû̌ bǎotoǒ ma̤nu. Hǐnuakho, Cǒmara a ta̤wṳ̂dò asa htě Ye̤shǔ phî̌hènṳ htǒonumî̌ awǒkhlope ta ta̤wṳ̂dò ali̤ htǒonu. Ta̤wṳ̂dò asa htǒonu, a gètè̤ nǎla̤htò̌ǐ ta̤wṳ̂dò htě awǒkhlo toǒ alo̤.

Hebrǔ 9:9

Ta̤htǒotoǒ mî̌ a sò̌yṳ dǔlṳkhǒ pa ta̤ma̤dòǐ htě pa htukha khònò̤kha htǒotoǒ hǒ. A sò̌yṳ yṳ̂lṳ pa ta ta̤lṳta̤tò̌ htǒotoǒ ta ta̤phû̌ta̤li̤ htě kò lṳhtò̌ yǎ htǒotoǒnu, a ma̤ mṳ̂plîphǔjò bǎ pwa̤ hè subusabahtò̌ ta̤htǒo toǒ asò̌phlǒ tò̤.

Jǎgomo̤ 4:8

Sǒsǔ hèphǔ lǒkho sîna̤ ta Cǒmara pěmî̌ a sǒsǔ hèphǔdǒ ana̤ ta sî pě. Ta̤ma̤sǔphû̌ sî꤮, shǔbòkè lǒkho sî cǔdenu. Kòyò sò̌phlǒ ǒplṳ̂ sî꤮, ma̤mṳ̂ma̤plîkè lǒkho sî sò̌phlǒnu.