Hebrǔ 7:18 - Kawyaw RC

¹⁸ Hǐnu akhû̌akhî, ta̤mǎlò̤ ali̤ htǒonu, kò bè̌tephekè yǎ ma̤tè̤hî̌dě a khû̌jaǎja dě a ma̤jèbò̌ pa tò̤.

Kawyaw New Testament

¹⁸ Pô̤̌nu akhû̌akhî, ta̤sû̌ta̤tòwò ali̤nu, kòyò bè̌tephekè a ma̤titèhî̌dě a khû̌shiǎjǎ dě a ma̤jè̌bò̌ pa tô̤̌.

Hebrǔ 7:18 Iomraidhean Croise

Pwa̤nophû̌ 13:39

Dě Ye̤shǔ ma̤htohǒ akhû̌akhî, kòyò htě a yṳǎ Ye̤shǔ pṳ̂̌꤮ tapwa̤nu Cǒmara bòlû̌kèbò nû̌ûta̤sǔ dě a bè̌cǒbè̌tè̤kè nû̌û hǒ. Dě sî gûma̤kû̌ Mǒ̤jè a ta̤sû̌ta̤tòwò akhû̌akhî, Cǒmara bòlû̌jò sî ta̤sǔnu toǒ dî̌kî̌꤮ tò̤.

Rṳ̂̌me̤ 3:31

Cǒmara dè bè̌cǒbè̌tè̤ pa ta pa ta̤yṳta̤nǎ khû̌khî pwǎ dèhî̌dě ta̤sû̌ta̤tòwò htǒotoǒ numî̌ a phèkèbò kò̌? A phèkè tò̤. Sî hî̌ pû ta a phèkè ma̤, a tǐ̤ ma̤ shû̌htò̌shohtò̌khlope ta̤pǎ̤, ma̤tè̤hî̌dě pa dè yṳǎ Ye̤shǔ hî̌nu pa tǐ̤ gana̤de wǒhè khlopo̤po̤ ta̤sû̌ta̤tòwò.

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Galatǐ 3:15

Pṳwè̤ sî꤮, he pwe̤ǐlṳ bǎ sî ta ta̤ htě kò la̤klo ma̤ǐ a lṳmṳkhǐlṳmṳlî tacǎ. Bǎ kòyò sò̌gini̤ ǎměhto nû̌ûshǎ akhanu, ûpèpè̌ bǎbǎ, a dè hè ma̤pî̌kè mè̤tò̤mî̌ a dè hè ma̤khǒkè hî̌nu, anî̤pe tò̤ hǒ.

Galatǐ 3:17

Ta̤htě he sò̌yṳ hî̌numî̌ hî̌tè hî̌dě, Cǒmara olò̤hto ta Abraham dě nǒkò aně ǒ lǐ̤ya̤ ta sushinu, a bè̌lò̤nǒ pwǎ ta̤sû̌ta̤tòwò dě Mǒ̤jè a ǒ pwǎ. Ta̤sû̌ta̤tòwò htǒonumî̌, a ma̤phèjòkè Cǒmara a ta̤olò̤ tò̤.

Galatǐ 3:21

Ma̤hǐnudě ta̤sû̌ta̤tòwò htǒonu a ma̤tukutakǎshǔ Cǒmara a ta̤olò̤ htǒotoǒnu ya? A ma̤tukutakǎshǔ dǐcǎ꤮ tò̤. Ma̤tè̤hî̌dě ta̤sû̌ta̤tòwò htǒo, a dè ǐǒhtò̌jò pa ta̤ǒhtûpwa̤ asa dèhî̌dě Cǒmara bè̌cǒbè̌tè̤ pa ta pa gû jûle̤phî̌yo̤kû̌ ta̤sû̌ta̤tòwò htǒotoǒ akò pwǎ.

Galatǐ 4:21

Sî htě a sò̌yṳ nohtûhtò̌ ta̤sû̌ta̤tòwò htǒonu ta sîsana̤ toǒ sî꤮, ta̤sû̌ta̤tòwò hî̌ hî̌tènumî̌ sî gana̤denǒ kû̌kò tò̤ ya? Pwe̤ǐ bǎkè̌ he.

Galatǐ 4:9

Pò̤̌ta khònò̤htǒo sî sî̌ya Cǒmara hǒ. He hî̌ mè̤mè̤̌ sî ta Cǒmara sî̌ya sî hǒ. Ma̤tè̤hî̌dě sî sò̌yṳ tikhlǐ gesǒ pa hǎkhû̌ a ta̤mǎlò̤ toǒ ta ala̤bò̌la̤klo toǒ htě a khû̌ǎyû̌lò̤ abwǐasîrî ǒtò̤ htǒotoǒ ala̤nu ma̤tè? Mî̌ sî sò̌yṳ htûhtò̌ gesǒ asî ajû ya?

Tîmôte awǐlǒ tôbǎ 4:8

Ta̤sû̌ǐ htò̌jò na̤ ta na̤klûphěyî̌ tokho numî̌, abwǐasîrî ǒ toǒ. Pwǎ̤tadě sû̌ǐ htò̌jò nana̤ pwǐ Cǒmara sò̌yṳ noǒhtûpwa̤ na numî̌ abwǐasîrî ǒbò. Pa cû̌sû̌ǐ htò̌jò tǒ̤ pana̤ pwǐ Cǒmara a ta̤sò̌yṳnu ma̤tè̤hî̌dě, ta̤htǒonu a htûbwǐhtûsîrî mè̤mè̤̌ tû̌htǒo tuhtu ayanu mè̤tò̤, htû̌꤮ nǒkòpě tuhtu aya bǎbǎ, a htûbwǐhtûsîrî mè̤mè̤̌ pě.

Hebrǔ 13:9

Nolǒǎplò̤ǎ cû̌sǔ pûma̤ sî ta ta̤sû̌ǐtòwòǐ lǒ̤bò htě a kî̌yanu toǒ ma̤ nî̌꤮. Gûcû̌kû̌ pûma̤ nî̌꤮. Sî sò̌phlǒ htǒonu, a to khû̌ǎshû̌shohtò̌ ta Cǒmara abwǐasîrî akhû̌akhî pwǎ. Sî gana̤de gûma̤kû̌ shǎǎshǎo a ta̤sû̌ta̤tòwò toǒ akhû̌akhî, sî sò̌phlǒ khû̌ǎshû̌shohtò̌ tǒ̤ hǐnu mè̤tò̤. Sî gana̤de gûma̤kû̌ ta̤sû̌ta̤tòwò akhû̌akhî htǒonu, a nî̤bwǐnî̤sîrî sîya dǐcǎ꤮ tò̤.

Hebrǔ 7:19

Mǒ̤jè a ta̤sû̌ta̤tòwònu a ma̤cǒma̤tè̤jò kò dǐpwǎ̤꤮ tò̤. Pwǎ̤ta khònò̤htǒo pa ta̤kè̌shuǐ klè̌ asa tabo htě awǒkhlope ta ta̤sû̌ta̤tòwò htǒonu a ǒ hǒ. Dě pa hènṳphǔ Cǒmara a ǒ ta klè̌ asa htǒotabo mî̌ anî̤ hǒ.