Hebrǔ 7:16 - Kawyaw RC

¹⁶ Ta̤sû̌ta̤tòwò hî̌ ta kòyò htě a htûhtò̌ pwa̤lṳhtò̌ta̤nu, a bǎ khlilè hǎte̤gilò̤ ta tṳgumṳ akû a hî̌ hǐnu, pwǎ̤tadě Ye̤shǔ hè htû pwa̤lṳhtò̌ta̤ htǒonu, ato pwǐ ta̤sû̌ta̤tòwò hî̌nu mè̤tò̤. Mî̌tanu, a htûhtò̌ pwa̤lṳhtò̌ta̤ htǒonu ta a ta̤ǒhtûpwa̤ apo̤aphǎ shû̌sho dě a htûpwa̤ tûjûpwa̤ talakhǎ htǒonuhǒ.

Kawyaw New Testament

¹⁶ Ta̤sû̌ta̤tòwò hî̌ kû̌ kòyò dǒ a htûhtò̌ pwa̤shû̌gǎnu, a bǎ khlilè gelò̤ dǒ tômṳ̌tôcǒ akû a hî̌ pô̤̌nu, bǎbǎkǎlè Yeshǔ hè htû pwa̤shû̌gǎ nî̌, atô pô̤̌ ta̤sû̌ta̤tòwò hî̌nǎ mè̤̌tô̤̌. Mè̤mè̤̌tôkhônu, a htûhtò̌ pwa̤shû̌gǎnu kû̌ a ta̤ô̌htûpwa̤ ta̤pô̤ta̤phǎ shû̌sho dǒ a htûpwa̤ tûjû̌pwa̤ talakhǎ nuhǒ.

Hebrǔ 7:16 Iomraidhean Croise

Rṳ̂̌me̤ 7:14

Pa sî̌ya ta Cǒmara a sǎcahtǐ ǐlò̤ pa ta̤sû̌ta̤tòwò htǒotoǒ pwǎ̤tadě he mî̌ kòyòhǎkhû̌phû̌ htě a sijòpwǎ tapwa̤. He mî̌ asǒsǒta jû htě kò shaǎ cû̌kè nû̌û ta a glè cû̌htû bǎ ta̤ma̤sǔ běcǎ htǒotapwa̤ ajû pwǎ.

Galatǐ 4:3

Pa htǒotoǒ numî̌ asǒsǒta hǐnuhǒ. Bǎ Khrî̌stu hè hǒtò̤ akhanu, pa htû hǎkhû̌ a ta̤mǎlò̤ ta a la̤bò̌la̤klo toǒ ajû.

Galatǐ 4:9

Pò̤̌ta khònò̤htǒo sî sî̌ya Cǒmara hǒ. He hî̌ mè̤mè̤̌ sî ta Cǒmara sî̌ya sî hǒ. Ma̤tè̤hî̌dě sî sò̌yṳ tikhlǐ gesǒ pa hǎkhû̌ a ta̤mǎlò̤ toǒ ta ala̤bò̌la̤klo toǒ htě a khû̌ǎyû̌lò̤ abwǐasîrî ǒtò̤ htǒotoǒ ala̤nu ma̤tè? Mî̌ sî sò̌yṳ htûhtò̌ gesǒ asî ajû ya?

Kòlòtè̌ 2:14

A htǔpi̤kèbò ta̤khwè̌mǎnǎ htě a glè cèrò panu toǒ hǒ. Bǎ kò htǎwa̤si Khrî̌stu dě nò̌dòhtǔlo̤ akhanu, Cǒmara htěhtò̌yè̌mǔhtokèbò ta̤khwè̌mǎnǎnu toǒ hǒ.

Kòlòtè̌ 2:20

Sî si kû̌ta Ye̤shǔkhrî̌stu htě a ma̤lû̌htò̌ge sî ta khînǎkhîno htě a pǒǐ hǎkhû̌tebě htǒotoǒ a cǔdekû hǒ. Sî cû̌ ǒhtûpwa̤pe lǒkho pwǐ kòyò htě a sǒsǒta hǎkhû̌phû̌ htǒotoǒnu hî̌tè? Dě sî cû̌ gana̤de gûma̤kû̌pe ta̤dǔta̤wî̤ toǒ ma̤tè?

Hebrǔ 10:1

Khònò̤htǒo pa sî̌yaphlo ta ta̤sû̌ta̤tòwò htě Mǒ̤jè bè̌kè htǒonumî̌ mî̌pwǎ ta̤yo̤ ta̤ma̤dòǐ tacǎpwǎ. Ta̤amè̤mè̤̌ htě ta̤sû̌ta̤tòwò sò̌yṳ yṳ̂lṳ htǒonumî̌ ta̤wî̤ta̤wǒ lǒ̤bò htě a hè tṳtṳ dě Khrî̌stu a ǒ htǒotoǒnu hǒ. Ta̤sû̌ta̤tòwò htǒonu a hî̌ ta, pṳ̂̌taně tobǎ lṳhtò̌ ta̤phû̌ta̤li̤ htǒo akhû̌akhî, ma̤lǒma̤behtò̌jò bǎ kòyòhǎkhû̌phû̌ tò̤.

Hebrǔ 7:15

Bǎ pwa̤lṳhtò̌ ahǔwa̤ tapwa̤ htě alò̤ta Malakhǐsèdè̌ dě nukha tapwa̤ hèto̤ akhanu, kò sî̌yaphlo hèto̤khlo ta̤ htě pa hî̌ htǒonu toǒ hǒ.

Hebrǔ 7:17

Ma̤tè̤hî̌dě lî̤cahtǐkû hî̌, “Na htû pwa̤lṳhtò̌ta̤ tûjûpwa̤ htě alò̤ta Malakhǐsèdè̌nu pě” a hî̌ hǐnu.

Hebrǔ 7:21

Pò̤̌ta, Cǒmara hî̌ Ye̤shǔ, “Běcǎ bèlò̤hto ayo̤ dě a hî̌kî̌yape tò̤, dě a hî̌, ‘Na htû pwa̤lṳhtò̌ta̤phû̌ tûjûpwa̤ pě,’” Bǎ Ye̤shǔ htò̌htû pwa̤lṳhtò̌ta̤ akha, Cǒmara hî̌ nû̌û hǐnu.

Hebrǔ 7:28

Pwa̤tòlûhtò̌ta̤ toǒnu, a ta̤sǔta̤plě ǒpwǎ lǒkho pwǎ̤tadě ta̤sû̌ta̤tòwò ǒ akhû̌akhî, kò bǎ bè̌htò̌pwǎ asî. Pò̤̌ta bǎ Cǒmara ǐlò̤hto ta̤sû̌ta̤tòwò htǒo anǒyî̤ hǒnu, a olò̤ kî̌yagepo̤ tûmû dě a bènṳdǒ ayo̤ bǎnu. A bèlò̤ ayo̤ ta a bè̌htò̌ a phû̌makhû dě ata̤sǔ ǒtò̤, a lǒbe htǒotapwa̤ ta a glè htûhtò̌ pwa̤lṳhtò̌ hǐkǒdû̌gutṳ̌ tûjûpwa̤ hǒ.

Hebrǔ 7:3

Malakhǐsèdè̌ apha bǎbǎ, amo̤ bǎbǎ, aphiphu khlilè toǒ bǎbǎ, Kò khwè̌mǎǐ yǎ dǐcǎ꤮ tò̤. A ta̤ǒlò̤ ta ata̤si awi̤akè̌ toǒnu bǎbǎ, kò khwè̌mǎǐ nû̌û tò̤tò̤. a mî̌ alò̤ta Cǒmara aphû̌khû tapwa̤. A htû pwa̤lṳhtò̌ta̤ tûjûpwa̤.

Hebrǔ 9:14

Hǐnudě, gènè̤kè̌ lǒkhomò̌ Khrî̌stu asǐ htǒonu, a ma̤ mṳ̂plî bûkhlo pa ta ta̤htǒotoǒ pě. Běcǎ sǎcahtǐ ǒhtûpwa̤ tûjûpwa̤ akhû̌akhî, Khrî̌stu lṳhtò̌ ana̤klû htě ata̤sǔ ǒ dǐcǎ tò̤ htǒo dě Cǒmara a ǒ hǒ. Ma̤pûhǐ pa ma̤ bǎ Cǒmara htě a htûpwa̤ htǒotapwa̤ ata̤ma̤ ayanu, Khrî̌stu shǔbòkè pa sò̌phlǒ htǒotoǒ ta pa ta̤ma̤ htě abwǐasîrî ǒkû̌kò tò̤ htǒotoǒ ta asǐ pě.

Ta̤dǔlè̌nǎ 1:18

He mî̌ kòyò htě a htûpwa̤ tapwa̤. He sihto hǐnudě khònò̤ he htûpwa̤ tûjûpwa̤ talakhǎ. He ǒta ta̤sîrîshû̌sho ta ta̤po̤ta̤phǎ dě he pǒǐbò ta̤si ta lṳnǎkhwǎ ado toǒ.