Hebrǔ 7:14 - Kawyaw RC

¹⁴ Kò sî̌ya te̤mǎ ta pa Běcǎ Ye̤shǔkhrî̌stu htǒonu, akhlialè gilò̤ ta Yṳ̌da tṳmṳtacǎ a ǒ. Dě wǐkha mî̌, Yṳ̌da akhlialè htûhtò̌ pwa̤lṳhtò̌ta̤phû̌ toǒ pěnu, Mǒ̤jè hî̌nǒ dǐkhò̌꤮ tò̤.

Kawyaw New Testament

¹⁴ Kòyò sî̌ganǎ̤ mè̤̌mî̌ca kû̌ pa Běcǎ Yeshǔ Khrǐnu, akhlilè gelò̤ dǒ Yǔda tômṳ̌tôcǒ a ô̌. Dǒ awǐkha mî̌, Yǔda akhlialè gǔ htûhtò̌ pwa̤shû̌gǎta̤ tokhlǒ pěnu, Khûmṳ̂shě hî̌bǎ tôkhò̌꤮ tô̤̌.

Hebrǔ 7:14 Iomraidhean Croise

Mǒhtûlû̌hǎhtûsa 46:12

Ta Yṳ̌da aphû̌makhû Ěra, Ò̌na̤, Shelǎ, Perè̌ ta Serǎ sîtoǒ. Pwǎ̤tadě Ěra ta Ò̌na̤ mî̌ a sikè dě asî ǒpe bǎ Khana̤gakû akhanu. Ta Perè̌ aphû̌makhû Hesaro ta Hamula sîtoǒ gûcû̌kû̌dǒ.

Mǒhtûlû̌hǎhtûsa 49:10

Kò glè phî̌tephejòkè Yṳ̌da ata̤shû̌ta̤sho dǐpwǎ̤꤮ tò̤. Htohǒtò̤ Khwǐnò̌htǒnu a ǒměǒgle dě nakhlinalè toǒ acǔdekû pě. Na pǒǐ to̤htû̌ khlilèphû̌ toǒ phî̌hè bǎ na sû pě. Dě khlilè toǒ bè̌dubè̌na̤bò na pě.

Matěo 2:6

Běcǎ hî̌ ta, ‘Kǒ꤮ Bè̌tèlèhèwî̤, wî̤ htě a ǒ dě Yṳ̌dagakû htǒotoǒ aklanu, na mî̌ wî̤ apî̌tî̌gutṳ̌ dě ami̤ lṳshilṳga kû̌kò tò̤ hǐnu mè̤tò̤. Ma̤tè̤hî̌dě pwa̤pǒta̤ tapwa̤ htě a ma̤kwaǐ ta yṳ̂klè̌nè̌klò he Israelphû̌ htǒotṳgumṳ ǒhtò̌ dě nakû pě.’”

Lǔka 1:43

He Běcǎ amo̤ cû̌hètǒ̤ dě he ǒ ma̤tè? He cû̌ nî̤bǎ khǒtû̌ ta̤kè̌dû̌ ma̤tè?

Lǔka 3:33

Na̤shû aphamî̌ Amǐnadǎ, Amǐnadǎ aphamî̌ Adami, Adami aphamî̌ Arani, Arani aphamî̌ Hesaro, Hesaro aphamî̌ Perè̌, Perè̌ aphamî̌ Yṳ̌da.

Jowǎ̤ni̤ 20:13

Dě asî gwè Marǐa, “Phû̌mǔ, na hǎ ma̤titè?” Dě Marǐa hî̌ geshǔ asî, “Asî phî̌cû̌hǎmǎkè he Běcǎ hǒ, asî cû̌bè̌ nû̌û bǎtènu he sî̌yatò̤,” a hî̌shǔ hǐnu.

Jowǎ̤ni̤ 20:28

“Kǒ he Běcǎ, kǒ he Cǒmara,” To̤mǎ̤jo hî̌shǔ nû̌û hǐnu.

Rṳ̂̌me̤ 1:3

Ta̤sò̌le̤sò̌lò̤ awi̤akè̌ numî̌ mî̌pwǎ aphû̌khû htě pa Běcǎ Ye̤shǔkhrî̌stu htǒo awi̤akè̌ dě a hèlò̤ sûlûana̤ pwǐ kòyòhǎkhû̌phû̌ htǒonu tapwa̤, a hè ǒlò̤ dě Khwǐdǎ̤wi̤ akhlialè akû htǒonu tapwa̤ hǒ.

Rṳ̂̌me̤ 2:3

Pwǎ̤tadě sû̌kho sî, kòyò ma̤ ta̤sǔ hǐnu toǒnu, na cû̌ pi̤jishǐcǒ kò ma̤tè? Na sana̤nu mî̌ na ma̤ sǒsǒpwǎta asî ma̤ ta̤sǔ. Hǐnudě, na gènè̤ nana̤ ta na lû̌htò̌ ta Cǒmara a ta̤cèrò pě hǐnu ya?

Ěphěsu 1:3

Pa htû̌sò̌ǐ plǒnû̌û pa Běcǎ Ye̤shǔkhrî̌stu apha Cǒmara htǒotapwa̤ hò̌꤮. A ǐlò̤ pa ta̤howi̤ pṳ̂̌꤮ tacǎ htě a ǒ mǒkhû̌ hèhtǒo, dě a ma̤jè pa sû̌sò̌ tokho ata̤lo̤bǎnu toǒ pě. Bǎ pa htǒotoǒ ta Khrî̌stu htûhtò̌ nû̌û tacǎ꤮ pa akhanu, a ǐlò̤bò panu toǒ hǒ.

Phǐlǐpǐ 3:8

Tǒ̤nuhtohǒtò̤, khònò̤htǒo sǔ he sî̌yahè he Běcǎ Ye̤shǔkhrî̌stu htǒonu a le̤dû̌pwî̤htûkhlope ta ta̤ lǒ̤꤮ bò akhû̌akhî, ta̤ lǒ̤꤮ bò htǒotoǒnu, he bè̌kè yǎ pwǐ ta̤ǒlû̌ǒkhlo toǒnu pwǎ. Khrî̌stu aya akhû̌akhî, he wîkèbò pṳ̂̌꤮ tacǎ hǒ. Ma̤pûhǐ he nî̤bǎ Khrî̌stu dě he htûhtò̌ pû ta Khrî̌stu tacǎnǔ꤮ pa ayanu, ta̤ lǒ̤꤮ bò htǒotoǒnu, he gènè̤kè yǎ pwǐ ta̤wè̤ta̤sǒ toǒnu pwǎ.

Hebrǔ 7:13

Běcǎ Ye̤shǔkhrî̌stu htě pa hî̌ yǎ awi̤akè̌ htǒotapwa̤ numî̌, a hènṳkè pwa̤lṳhtò̌ta̤ dě awǐkhanu toǒ agûla̤ hǒ. A mî̌ Lě̤wǐ akhlialè mè̤tò̤. Akhlialè hǎte̤ khǒtû̌ ahǔwa̤ tṳmṳ htě kò kaǎ yǎta Yṳ̌da akhlialè pwǐ pwa̤lṳhtò̌ta̤phû̌ tapwa̤ ma̤ta̤ dě ta̤lṳhtò̌wa̤ akòshî̌nu, akhlialè htǒonu, a ma̤nǒ kû̌kò pwa̤lṳhtò̌ ta̤ma̤ dǐpwǎ̤꤮ tò̤.

Hebrǔ 7:15

Bǎ pwa̤lṳhtò̌ ahǔwa̤ tapwa̤ htě alò̤ta Malakhǐsèdè̌ dě nukha tapwa̤ hèto̤ akhanu, kò sî̌yaphlo hèto̤khlo ta̤ htě pa hî̌ htǒonu toǒ hǒ.

Ta̤dǔlè̌nǎ 22:16

“He mî̌ Ye̤shǔ. Ma̤pûhǐ he pwe̤ǐlṳbǎ pwa̤yṳǎta̤ aprṳ̂aho toǒ ta ta̤wi̤ta̤kè̌ htǒotoǒ ayanu, he sûlò̤ bǎ sî he tanaphû̌ hǒ. He pṳwè̤ khlilè mî̌ mî̌pwǎ Dǎ̤wi̤ akhlialè gilò̤nu tṳmṳtacǎ hǒ. He mî̌ shǎto̤wo̤ htě a lîrakhashû̌ nutama hǒ.”

Ta̤dǔlè̌nǎ 5:5

Htǒotaplǎdě bǎ mo̤pwa̤ toǒ akla tapwa̤nu, a hî̌ he, “Hǎ pûma̤, Yṳ̌da khlilèphû̌ sî̌ò̌ htǒotado, Dǎ̤wi̤ akhlilè gilò̤ tṳtṳ htǒotapwa̤nu, a nî̤bǎ ta̤ma̤pè̤ hǒ, dě a glè kèè̌kè ta̤ma̤dòǐ susǒtukǔ htǒo dě a bòmo bǎ pa lî̤tûlû htǒonumî̌ anî̤ hǒ.”