Hebrǔ 7:11 - Kawyaw RC

¹¹ Bǎ Cǒmara ǐ Yṳ̌daphû̌ toǒ ta̤sû̌ta̤tòwò akhanu, a bè̌htò̌ pwa̤lṳhtò̌ta̤phû̌ htě akhlialè hǎte̤ ta Lě̤wǐphû̌nu toǒ a ǒ. Asî bǎ lṳhtò̌ǐ bǎ kò pwǐ ta̤sû̌ta̤tòwò toǒ ǒnu. Lě̤wǐphû̌ pwa̤lṳhtò̌ta̤phû̌ htǒotoǒ ma̤ ata̤ma̤ htǒotoǒ pwǎ̤tadě ma̤pûhǐ kò htûhtò̌ kòcǒkòtè̤ ayanu, asî ma̤jòtò̤. Hǐnudě Cǒmara bǎ nohèkhǒ tèplè̌tû̌ pwa̤lṳhtò̌ta̤ ahǔwa̤ tapwa̤. Pwa̤lṳhtò̌ta̤ htǒotapwa̤nu akhlialè hǎte̤ ta Lě̤wǐphû̌ dě akhlialè hǎte̤ tṳtṳ ta Aro a ǒ htǒonu mè̤tò̤. Pwa̤lṳhtò̌ta̤ htǒotapwa̤nu, alò̤ta Malakhǐsèdè̌nu hǒ.

Kawyaw New Testament

¹¹ Bǎ Cǒmara ǐ Yǔdaphû̌ tokhlǒ ta̤sû̌ta̤tòwò akhanu, a bè̌htò̌ pwa̤shû̌gǎta̤ dǒ akhlialè gelò̤ dǒ Le̤wǐphû̌ nutokhlǒ a ô̌. Asî bǎ lṳhtò̌ bǎ kòyò pô̤̌ ta̤sû̌ta̤tòwò tokhlǒ ô̌nu. Le̤wǐphû̌ pwa̤lṳta̤phû̌ tokhlǒ ma̤ ata̤ma̤ tokhlǒ bǎbǎkǎlè pô̤̌khô kòyò gǔ htûhtò̌ kòyòcǒkòyòtè̤ ayanu, asî ma̤jòtô̤̌. Pô̤̌nudě Cǒmara bǎ no hèkhò tèplè̌ pwa̤shû̌gǎ dǒ ashǔshawa̤ tôpwa̤. Pwa̤shû̌gǎ tôpwa̤nu akhlialè gelò̤ dǒ Le̤wǐphû̌ dǒ akhlialè gelò̤ tutṳ̌ dǒ PhaArû a ô̌nu mè̤̌tô̤̌. Pwa̤shû̌gǎ tôpwa̤nu, asô̌sô̌kû̌ Malakhǐsedè̌ nuhǒ.

Hebrǔ 7:11 Iomraidhean Croise

Galatǐ 2:21

He wîkè Cǒmara abwǐasîrî tò̤, ma̤tè̤hî̌dě kòyò tapwa̤pwa̤ dè htûhtò̌bò̌jò kòyòcǒkòyòtè̤ ta lṳ̂ma̤kû̌ ta̤sû̌ta̤tòwò akhû̌akhî pwǎ dèhî̌dě, Khrî̌stu khòsi asò̌ htǒonumî̌ a nòdû̌bò hǒ.”

Galatǐ 4:3

Pa htǒotoǒ numî̌ asǒsǒta hǐnuhǒ. Bǎ Khrî̌stu hè hǒtò̤ akhanu, pa htû hǎkhû̌ a ta̤mǎlò̤ ta a la̤bò̌la̤klo toǒ ajû.

Galatǐ 4:9

Pò̤̌ta khònò̤htǒo sî sî̌ya Cǒmara hǒ. He hî̌ mè̤mè̤̌ sî ta Cǒmara sî̌ya sî hǒ. Ma̤tè̤hî̌dě sî sò̌yṳ tikhlǐ gesǒ pa hǎkhû̌ a ta̤mǎlò̤ toǒ ta ala̤bò̌la̤klo toǒ htě a khû̌ǎyû̌lò̤ abwǐasîrî ǒtò̤ htǒotoǒ ala̤nu ma̤tè? Mî̌ sî sò̌yṳ htûhtò̌ gesǒ asî ajû ya?

Hebrǔ 5:10

Dě Cǒmara bè̌htò̌ nû̌û ta pwa̤lṳhtò̌ta̤ hǐkǒdû̌gutṳ̌ htě alò̤ta pwa̤lṳhtò̌ta̤ Malakhǐsèdè̌ ma̤ta̤ dě nukha tapwa̤nu hǒ.

Hebrǔ 5:6

Cǒmara hî̌po̤ ahǔwa̤ tûmû, “Na htû pwa̤lṳhtò̌ta̤ tûjûpwa̤ htě alò̤ta pwa̤lṳhtò̌ta̤ Malakhǐsèdè̌ dě nukha tapwa̤,” a hî̌po̤ nû̌û hǐnu.

Hebrǔ 6:20

Ye̤shǔ cû̌nṳwǐ bǎ pagûla̤ dě alo̤mo̤ hǒ. A htû bǎ pa pwa̤lṳhtò̌ta̤ hǐkǒdû̌gutṳ̌ htě a ǒ khòyî̤ tûjûpwa̤ htǒonuhǒ. A htǒonu alò̤ta pwa̤lṳhtò̌ta̤ Malakhǐsèdè̌ dě nukha tapwa̤ hǒ.

Hebrǔ 7:10

Ma̤tè̤hî̌dě, bǎ Abraham kè̌shǐshǔ ta Malakhǐsèdè̌ akhanu, Lě̤wǐ htǒotapwa̤nu, a ǒlò̤ hǒtò̤. A ǒpepwǎ aphiphu Abraham ana̤klû phěyî̌ akû pwǎ.

Hebrǔ 7:12

Ma̤tè̤hî̌dě bǎ kò htû̌lè̌tèplè̌ pwa̤lṳhtò̌ akhlialè akhanu, kò bǎ htû̌lè̌tèplè̌dǒ ta̤sû̌ta̤tòwò toǒ.

Hebrǔ 7:13

Běcǎ Ye̤shǔkhrî̌stu htě pa hî̌ yǎ awi̤akè̌ htǒotapwa̤ numî̌, a hènṳkè pwa̤lṳhtò̌ta̤ dě awǐkhanu toǒ agûla̤ hǒ. A mî̌ Lě̤wǐ akhlialè mè̤tò̤. Akhlialè hǎte̤ khǒtû̌ ahǔwa̤ tṳmṳ htě kò kaǎ yǎta Yṳ̌da akhlialè pwǐ pwa̤lṳhtò̌ta̤phû̌ tapwa̤ ma̤ta̤ dě ta̤lṳhtò̌wa̤ akòshî̌nu, akhlialè htǒonu, a ma̤nǒ kû̌kò pwa̤lṳhtò̌ ta̤ma̤ dǐpwǎ̤꤮ tò̤.

Hebrǔ 7:15

Bǎ pwa̤lṳhtò̌ ahǔwa̤ tapwa̤ htě alò̤ta Malakhǐsèdè̌ dě nukha tapwa̤ hèto̤ akhanu, kò sî̌yaphlo hèto̤khlo ta̤ htě pa hî̌ htǒonu toǒ hǒ.

Hebrǔ 7:21

Pò̤̌ta, Cǒmara hî̌ Ye̤shǔ, “Běcǎ bèlò̤hto ayo̤ dě a hî̌kî̌yape tò̤, dě a hî̌, ‘Na htû pwa̤lṳhtò̌ta̤phû̌ tûjûpwa̤ pě,’” Bǎ Ye̤shǔ htò̌htû pwa̤lṳhtò̌ta̤ akha, Cǒmara hî̌ nû̌û hǐnu.

Hebrǔ 8:7

Ta̤wṳ̂dò wǐnu tûmûnu, a dè lǒbe hî̌dě pa lo̤bǎpe ta̤wṳ̂dò anǒ htǒotûmû glè hènṳ bû̌tèplè̌pe nû̌û gûla̤tò̤ hǒ.

Hebrǔ 9:6

Bǎ kò tîwî̌tòwò bè̌ te̤bǎte̤tohtobò ta̤htǒotoǒ agûla̤ ta agûla̤ akhanu, pṳ̂̌ti̤ni̤꤮ pwa̤lṳhtò̌ta̤ toǒ nṳ hǐphû̌dû̌ cahtǐkû awǐgutṳ̌ to̤to̤ dě a nṳma̤ lǒkho a ta̤phî̌ta̤ma̤.