Hebrǔ 7:10 - Kawyaw RC

¹⁰ Ma̤tè̤hî̌dě, bǎ Abraham kè̌shǐshǔ ta Malakhǐsèdè̌ akhanu, Lě̤wǐ htǒotapwa̤nu, a ǒlò̤ hǒtò̤. A ǒpepwǎ aphiphu Abraham ana̤klû phěyî̌ akû pwǎ.

Kawyaw New Testament

¹⁰ Ma̤titèhî̌dě, bǎ PhaAbraha kè̌shǐshěshu kû̌ Malakhǐsedè̌ akhanu, KhûLe̤wǐ nutôpwa̤ nî̌ a ô̌phijǎlò̤ khôtô̤̌. A ô̌pepwǎ dǒ aphiphu Abraha anǎ̤glǒ phěyî̌ akû pwǎ.

Hebrǔ 7:10 Iomraidhean Croise

Mǒhtûlû̌hǎhtûsa 35:11

Cǒmaradû̌ hî̌po̤ nû̌û, “He mî̌ Cǒmara htě apo̤aphǎ tapwa̤, phû̌ǒwo̤li̤ǒphǎ lǒkho dě ǒwo̤ǒhtò̌ lǒkho nî̌. He nohtûhtò̌ nakhlinalè toǒ ta khlilèdû̌ tacǎ ta khlilè gû̌꤮ cǎ akhlilè toǒ pě. Dě nakhlinalè akla toǒnu, a htûhtò̌ nṳtû̌ Khwǐcophǎ toǒ pě.

Mǒhtûlû̌hǎhtûsa 46:26

Yǎ̤kò aphû̌ali̤ htě a gûcû̌kû̌ ta a dě Egyptganu toǒ mî̌ lǒ̤꤮ bò aǒ ashisusǒ ta apwa̤susǒ dě kò dǒpa Yǎ̤kò adè̌ sîtoǒ tò̤.

Hebrǔ 5:6

Cǒmara hî̌po̤ ahǔwa̤ tûmû, “Na htû pwa̤lṳhtò̌ta̤ tûjûpwa̤ htě alò̤ta pwa̤lṳhtò̌ta̤ Malakhǐsèdè̌ dě nukha tapwa̤,” a hî̌po̤ nû̌û hǐnu.

Hebrǔ 7:11

Bǎ Cǒmara ǐ Yṳ̌daphû̌ toǒ ta̤sû̌ta̤tòwò akhanu, a bè̌htò̌ pwa̤lṳhtò̌ta̤phû̌ htě akhlialè hǎte̤ ta Lě̤wǐphû̌nu toǒ a ǒ. Asî bǎ lṳhtò̌ǐ bǎ kò pwǐ ta̤sû̌ta̤tòwò toǒ ǒnu. Lě̤wǐphû̌ pwa̤lṳhtò̌ta̤phû̌ htǒotoǒ ma̤ ata̤ma̤ htǒotoǒ pwǎ̤tadě ma̤pûhǐ kò htûhtò̌ kòcǒkòtè̤ ayanu, asî ma̤jòtò̤. Hǐnudě Cǒmara bǎ nohèkhǒ tèplè̌tû̌ pwa̤lṳhtò̌ta̤ ahǔwa̤ tapwa̤. Pwa̤lṳhtò̌ta̤ htǒotapwa̤nu akhlialè hǎte̤ ta Lě̤wǐphû̌ dě akhlialè hǎte̤ tṳtṳ ta Aro a ǒ htǒonu mè̤tò̤. Pwa̤lṳhtò̌ta̤ htǒotapwa̤nu, alò̤ta Malakhǐsèdè̌nu hǒ.

Hebrǔ 7:5

Khònò̤dě ta̤sû̌ta̤tòwò hî̌ Lě̤wǐ akhlialè htě a htû pwa̤lṳhtò̌ta̤ htǒotoǒ ta, asî glè kwi pû̌shǐtûpû̌ dě apṳwè̤ Israelphû̌nu toǒ a ǒ. Israelphû̌ htǒotoǒ numî̌, Abraham akhlialè hǎte̤gilò̤ tṳtṳ pwǎ̤tadě Lě̤wǐ akhlialè htǒotoǒ bǎ kwipwǎ asî.

Hebrǔ 7:9

Htohǒtò̤ pa hî̌bǎ ta, Lě̤wǐ akhlialè htě a kwi pû̌shǐtûpû̌ htǒotoǒnu a ǐ nû̌ûta Abraham dě Abraham ǐ tṳtṳ nû̌ûta Malakhǐsèdè̌ hǒ.