Hebrǔ 6:9 - Kawyaw RC

⁹ Pwǎ̤tadě khobǒsû̌ sî꤮, pa hî̌ pwǐhè̌o pwǎ̤tadě pa yṳǎpwǎ sî. Pa yṳǎ mè̤mè̤̌ ta sî ma̤pwǎ ta̤wǒ toǒ pě. Ta̤wǒ htǒotoǒnu, a hè dě sî nî̤bǎ ta̤ma̤lû̌htò̌ge htǒonu a ǒ pwǎ.

Kawyaw New Testament

⁹ Bǎbǎkǎlè khôbǒsû̌ sî, pa hî̌cǒ pô̤̌o bǎbǎkǎlè pa yṳ̌ǎnṳ̌ sî pwǎ. Pa yṳ̌ǎnṳ̌ mè̤̌mî̌ca kû̌ sî gǔ ma̤ pwǎ ta̤wô̌ tokhlǒ pě. Ta̤wô̌ tokhlǒnu, a hè dǒ sî nǐ̤bǎ ta̤ma̤hǎplǎge a ô̌ pwǎ.

Hebrǔ 6:9 Iomraidhean Croise

Mǎ̤riko 16:16

Kòyò htě a yṳǎ ta̤sò̌le̤sò̌lò̤ awi̤akè̌ htǒo dě a ploge ana̤ ta shi tapwa̤pwa̤nu a glè nî̤bǎ ta̤ma̤lû̌htò̌ge pě. Pwǎ̤ta kòyò htě a yṳǎ tò̤ toǒnu a khòbǎ ta̤cèrò pě.

Pwa̤nophû̌ 11:18

Bǎ asî gana̤de ta̤wi̤ta̤kè̌ htǒo akhanu, asî pi̤jishǐcǒpe Petru tò̤. Dě a htû̌sò̌ǐ lǒkho Cǒmara, “A dè mè̤mè̤̌ hǐnuhî̌dě Cǒmara ǐpa̤dǒ Yṳ̌daphû̌ mè̤tò̤ toǒ ta̤ashuakhwèwǒ dě a glè yò̤lò̤ge lǒkho asò̌ ta a glè nî̤bǎ lǒkho ta̤htûpwa̤ hǒ.”

Pwa̤nophû̌ 20:21

Yṳ̌daphû̌ toǒ bǎbǎ, Yṳ̌daphû̌ mè̤tò̤ toǒ bǎbǎ, he hî̌lò̤shû̌ mè̤mè̤̌ asî ginǐ̤prṳ̂bò, yò̤lò̤ge lǒkho sî sò̌phlǒ dě yṳǎna̤ǎ lǒkho Běcǎ Ye̤shǔ, he hî̌ bǎ asî hǐnu.

Kôritu awǐlǒ tôbǎ 10:14

He khobǒsû̌bǒmo̤ sî, saba lǒkho pûma̤ pwa̤yo̤ dî̌kî̌꤮ ma̤ nî̌꤮.

Kôritu ginǐ̤bǎ tôbǎ 12:19

Pa lǒ̤꤮ bò khwè̌bǎ sî htǒotoǒ numî̌, sî gènè̤ lǒkho ta pa hî̌bǎ ma̤kwaǐbò pana̤ hǐnu kǎlè. Hǐnu mè̤tò̤, pa hî̌bǎpwǎ pwǐ Khrî̌stu nohî̌bǎ panu pwǎ numî̌ Cǒmara kè̌shǐ sî̌yatû̌ hǒ. Khobǒsû̌ sî꤮, bò꤮ pa ma̤ta̤ htǒotoǒ numî̌ pa ma̤ htě a glè htûbwǐhtûsîrî ta sîya pwǎ.

Kôritu ginǐ̤bǎ tôbǎ 7:1

Sû̌kho toǒ꤮, Cǒmara olò̤bò toǒ numî̌ payabò hǒ. Hǐnudě, pa cû̌tephekè ta pana̤saklû a ta̤sò̌yṳ phû̌mò̤shî̌hto toǒ ta pa sò̌phlǒ a ta̤gènè̤ phû̌mò̤shî̌hto htǒonu toǒ hò̌꤮. Pa ǐsha bè̌dubè̌na̤ Cǒmara htǒo akhû̌akhî, pa htûhtò̌ ta kòyò htě a cahtǐ toǒ hò̌꤮.

Kôritu ginǐ̤bǎ tôbǎ 7:10

Ma̤tè̤, ta̤sǎpla̤sǎyṳ htě Cǒmara ǐhtûhtò̌ htǒonumî̌, a nohtû̌lè̌ tèplè̌kè pa sò̌phlǒ ta pa nî̤bǎ ta̤ma̤lû̌htò̌ge aya pwǎ akhû̌akhî, pa lo̤bǎ gènè̤gugè nǒ ta̤sǎpla̤sǎyṳ htě Cǒmara ǐhtûhtò̌ htǒotoǒ tò̤. Pwǎ̤ta kòyòhǎkhû̌phû̌ ala̤klo sǎpla̤sǎyṳ toǒnu, a bè̌ǒhtò̌ pwǎ ta̤si pwǎ.

Galatǐ 5:6

Ma̤tè̤hî̌dě bǎ sî htûhtò̌ kû̌ta Ye̤shǔkhrî̌stu tacǎnǔ꤮ pa akhanu, ta̤dǔtṳphě bǎbǎ, ta̤dǔtṳphě tò̤ bǎbǎ, a htûbwǐhtûsîrî dǐcǎ꤮ tò̤. Ta̤ htě a htûbwǐhtûsîrî khlokò numî̌, ta̤yṳta̤nǎ htě a dǔlṳ ta̤mo̤ǐ Cǒmara ta kòhǔwa̤ htǒonu pwǎ.

Hebrǔ 10:34

Sî gwèbǎǐ kòyò htě kò dǒlò̤te̤ yǎ apo̤kûnu toǒ. Kò pè̤ǎpè̤o pṳ̂sigwi cû̌kèbò sî ta̤kî̌ta̤kû̌ pwǎ̤tadě, sî bè̌ sò̌le̤ lǒkho pwǎ sî sò̌phlǒ, ma̤tè̤hî̌dě sî sî̌ya ta sî ta̤kî̌ta̤kû̌ htě awǒkhlo dě a měgle tûjûpwa̤ htǒonu a ǒplṳ̂pe mǒkhû̌ akhû̌akhî, sî sò̌le̤sò̌lò̤ lǒkho pwǎ,

Hebrǔ 10:39

Pa mî̌ kòyò htě a cû̌ tephekhǒkè toǒ, dě a cû̌to̤ dě ta̤pî̌ta̤lṳ̂ pěnu toǒ mè̤tò̤. Pa mî̌ kòyò htě a yṳǎ ta̤ toǒ dě a nî̤bǎ ta̤ma̤lû̌htò̌ge pě toǒ hǒ.

Hebrǔ 2:3

Hǐnudě, khònò̤htǒo pa dè bè̌dubè̌na̤ kû̌kò ta̤ma̤lû̌htò̌ge adû̌ayǒ htǒo tò̤ hî̌mò̌nu Cǒmara cèrò mè̤mè̤̌ pa pě. Cǒmara a ta̤ma̤lû̌htò̌ge aklè̌aklò htǒonu, Běcǎ sana̤ dǒhtû̌ǐlṳ wǐgutṳ̌ bǎ kò hǒ. Dě kòyò htě a gana̤de nû̌û hî̌htǒo toǒnu a pwe̤ǐlṳphlo tṳtṳ bǎ pa ta ta̤ma̤lû̌htò̌ge ta̤wi̤ta̤kè̌ htǒotoǒ numî̌ a mè̤mè̤̌ hǐnu.

Hebrǔ 5:9

Bǎ Khrî̌stu gana̤dehtobò Cǒmara ayo̤ pṳ̂̌꤮ tacǎ akhanu, a htûhtò̌ bǎ kòyò lǒ̤꤮ bò htě a gana̤de nû̌ûyo̤nu toǒ a ta̤ma̤lû̌htò̌ge tûjûpwa̤ a kòshî̌kòtṳ hǒ.

Hebrǔ 6:10

Cǒmara mî̌ a ma̤pwǎ ta̤cǒta̤tè̤. Ta̤ma̤wǒ htě sî ma̤hto toǒnu a shope̤ tò̤. Ta̤mo̤ǐ htě sî dǔlṳhto yǎya ta sî ma̤jè akòyò toǒ dě sî ma̤jè sělěpe asî htǒonu a shope̤pe tò̤.

Petru awǐlǒ tabǎ 2:11

He khobǒsû̌bǒmo̤ sî꤮, hǎkhû̌bǎonu sî mî̌ alò̤ta kòyò cû̌htû shihǔwa̤gakhlophû̌ shǐtè̤mè̤ toǒ pwǎ. He kwigwèbǎǐ sî ta sî glè cû̌tephekè lǒkho ta sî na̤klû a ta̤sò̌yṳ phû̌mò̤ htě ashěape̤ sala̤ sî sò̌phlǒ htǒonu toǒ nî̌꤮.

Petru ginǐ̤bǎ tabǎ 3:1

Khobǒsû̌bǒmo̤ sî꤮, he khwè̌cû̌po̤ bǎ sî lî̤ ginǐ̤bǎ tabǎ. Lî̤ ginǐ̤bǎbò htě he khwè̌cû̌ bǎ sî htǒonumî̌, ma̤pûhǐ sî gènè̤ mṳ̂plîkû̌ lǒkho kòyònu dě, he jipwi̤ htû̌wè̤ gènè̤htò̌ gesǒ sî ta ta̤ htě sî sû̌ǐhtonu toǒ pwǎ.

Yṳ̂ha awǐlǒ tôbǎ 2:7

He khobǒsû̌ sî꤮, ta̤mǎlò̤ htě he khwè̌ bǎ sî htǒonumî̌ asa mè̤tò̤, mî̌ ta̤mǎlò̤ ali̤ htě sî nî̤bǎhto dě sî htûsakhû̌lû̌ Khrî̌stuphû̌ akhapenu tûmû pwǎ. Ta̤mǎlò̤ ali̤ htǒotama numî̌ ta̤wi̤ta̤kè̌ htě sî gana̤de bǎhtonu toǒ hǒ.

Yṳ̌da 1:3

He khobǒsû̌bǒmo̤ sî꤮, ta̤ma̤lû̌htò̌ge htě pa lǒ̤꤮ bò nî̤bǎplǒ nû̌û htǒo awi̤akè̌nu, he sò̌yṳ khwè̌cû̌ bǎ mè̤mè̤̌ sî pwǎ̤tadě khònò̤htǒo he kè̌shǐ ta he bǎ khwè̌cû̌khǒ tèplè̌ bǎlè̌ sî ta ahǔwa̤ tacǎ. Dě he sò̌yṳ ǐkhû̌ǐǎ sî ta ta̤sò̌le̤sò̌lò̤ awi̤akè̌ dě taplǎpa Cǒmara ǐlò̤phlǔbò akòyò lǒ̤bò htě a yṳǎ htǒotoǒnu, sî shětònò shǔwǒ pû yǎ nî̌꤮.