Hebrǔ 6:8 - Kawyaw RC

⁸ Pwǎ̤tadě hǎkhû̌htǒo a dè nodǒhtò̌ pwǎ ta̤shî̌shǒmṳ ta jojijopò̤mṳ toǒpwǎ hî̌numî̌, abwǐ ǒ dǐcǎ꤮ tò̤. Yî̤hǒtò̤nu Cǒmara cèrò asî dě a shû̌gèkè asî ta mî̌ pě.

Kawyaw New Testament

⁸ Bǎbǎkǎlè hǎkhû̌nu a kè̌ no dô̌htò̌ pwǎ ta̤shî̌shô̌mṳ̌ kû̌ jôjǔjôpò̤mṳ̌ tokhlǒpwǎ numî̌, abwǐsîrî ô̌ tôcǒ꤮ tô̤̌. Yî̤khôtô̤̌nu Cǒmara gǔ cî̌htò̌ asî dě a gǔ shû̌ǔkè asî kû̌ mî̌ pě.

Hebrǔ 6:8 Iomraidhean Croise

Mǒhtûlû̌hǎhtûsa 4:11

Hǐnuakhû̌akhî, ma̤pûhǐ hǎkhû̌ cî̌o napṳ asǐ htě na ma̤sisǐlò̤ nû̌û htǒo sǎhtò̌phohtò̌ bǎpe pû ta naya tò̤nu, he ǐshokè na hǒ.

Mǒhtûlû̌hǎhtûsa 5:29

Dě a kaǎ nû̌ûmi̤ ta Nǒa dě a hî̌ nû̌û amûasǎ ta, “Hǎkhû̌ htě Cǒmara tûjûpwa̤ ǐshokè ahtǒo, pa bǎ ǎwè̤ lòdǒlòde, bǎ wè̤jîwè̤jû mè̤mè̤̌ dě phû̌makhû htǒo tapwa̤ ma̤mo̤ma̤phi gesǒ pasò̌phlǒ pě,” a hî̌ hǐnu.

Htû̌sò̌htò̌ 107:34

Kòyò htě aǒ bǎnu toǒ ma̤ ta̤phû̌mò̤shî̌hto akhû̌akhî, a nohtûhtò̌kèbò hǎplǒhǎyî̌khû̌ htǒonu ta hǎkhû̌cakwǎ.

Matěo 25:41

“Htodě a glè hî̌lè̌ kòyò ǒ dě acǔcocî̌ toǒ, ‘Hǎhtò̌cû̌ tephekè ta he, sî mî̌ kòyò htě a nî̤bǎ ta̤ǐsho toǒ, cû̌nṳkû̌ lǒkho kò ma̤wǒnǎ bǎ khînǎmo̤pha hǐkǒdû̌nu tado ta a khînǎkhînonu toǒ aya dě asî glè cû̌ǒ bǎ mî̌ htě a pi̤pè̤ dǐkhò̌꤮ tò̤nu taphǎ akûnu.

Matěo 3:10

Kû ǒ dě sǒkhòshî̌ tabǎ dě kò gûga sǒmṳ toǒ pě, dě kò cǒtṳto̤ akhò̌wi̤ pě. Sǒmṳ tṳmṳmṳ htě asǎapho wîǎ tò̤nu, kò gûgakè yǎpě dě kò wînṳkè yǎ dě mî̌kla pě.

Matěo 7:19

Sǒmṳ lǒ̤꤮ bò htě asǎhtò̌ awǒtò̤ toǒnu, kò pe̤tṳkè yǎ pě dě kò bǎ wînṳkèbò nû̌û mî̌kla pě.

Mǎ̤riko 11:14

Ye̤shǔ hî̌ dǐshimṳnu tṳmṳ, “Tapwǎ̤꤮ bǎ ǎnṳpe pûma̤ nasǎ ma̤ nî̌꤮,” a hî̌ hǐnu akhophijaû̌ toǒ gana̤de lǒkho.

Mǎ̤riko 11:21

Dě Petru gènè̤htò̌nṳsǒ Ye̤shǔ ǐshokè sǒmṳ htǒonu dě a hî̌ nû̌û, “Sara꤮ kè̌mò̌ děnu lè, dǐshimṳ htě na ǐshokè nû̌û tosǒnu a khwesikè hǒ.”

Jowǎ̤ni̤ 15:6

Kòyò tapwa̤pwa̤ a ǒměǒgle kû̌ta he tacǎnǔpa tò̤nu, alò̤ta sǒphò htě kò wîhǎhtò̌kè yǎ dě akhlo, ta a nokhwekè pwǎ toǒnu. Sǒphò hǐnu toǒnu, kò htǔplǒ yǎ dě kò wînṳkè nû̌û mî̌kla dě kò shû̌gèkè pwǎ yǎ.

Hebrǔ 10:27

A ǒkè pwǎpǒ̤ tacǎpa dě pa glè ǒpo̤pwǎ Cǒmara a ta̤cèrò ta mî̌gè plo̤dû̌ dě a gèsikèbò kòyò htě a sò̌khě Cǒmara htǒotoǒnu pě.

Hebrǔ 12:17

Pwǐ sî sî̌yahtotû̌nu hǒ, nǒkò dě bǎ a sò̌yṳ hè phî̌dǒ ta̤howi̤ dě apha ǒ akhanu, apha ǐpe nû̌û tò̤. A kè̌lǎ ta̤howi̤ ta ami̤sǎshi pwǎ̤tadě, a shaǎhto phû̌wè̤pwa̤ a û̌cata̤ya htǒo akhû̌akhî, a htû̌lè̌ tèplè̌khǒjòpe tò̤.

Ta̤dǔlè̌nǎ 20:15

Kòyò tapwa̤pwa̤nu kò dè kè̌shǐ kò khwè̌nǎ ami̤ dě lî̤htûpwa̤ htǒotabǎ akû tò̤ hî̌nu, kò bǎ wîlòte̤kè a dě mî̌ htǒotoǒ akla.