Hebrǔ 6:6 - Kawyaw RC

⁶ Asî dè kè̌shǐhèbǎhto ta̤htǒotoǒ dě a dè htû̌tiwǐ cû̌khǒkè ta Cǒmara hî̌nu, a shò̌lò̤sû̌shò̌lò̤sò̌ gejòpe asò̌ dǐkhò̌꤮ tò̤. Htǒonumî̌ asǒsǒta asî htǎwa̤sigesǒ Cǒmara aphû̌khû nò̌dòhtǔlo̤ dě a ma̤ sòwò̤kè Běcǎ Ye̤shǔ kòyò tṳ̂prṳ̂taphǎ alo̤mo̤ hǒ.

Kawyaw New Testament

⁶ Asî kè̌ kè̌shǐhè bǎhto ta̤nutokhlǒ dě a kè̌ htû̌ti̤wǐ̤ cû̌khô̌kè kû̌ Cǒmara hî̌nu, a yò̤lǎ̤plǎdî̌ gesô̌jòpe asǎphlǒ tôkhò̌꤮ tô̤̌. Hǒnumî̌ a sô̌sô̌ kû̌ asî ma̤sihtò̌ sô̌ Cǒmara aphû̌khû dǒ nò̌dò̌htǔlô̤ dě a ma̤ sòwò̤̌kè Běcǎ Yeshǔ dǒ kòyò tôprṳ̂tôphǎ alô̤mô̤̌ hǒ.

Hebrǔ 6:6 Iomraidhean Croise

Htû̌sò̌htò̌ 51:10

Kǒ Cǒmaradû̌, bǒlò̤ bǎ he sò̌phlǒmṳ̂plî dě hekû. Shû̌nṳ tèplè̌sasǒ bǎ he sò̌phlǒ ta aměagle.

Matěo 19:26

Běcǎ Ye̤shǔ kè̌wa̤ totǐ asî dě a hî̌ asî, “Kòyòhǎkhû̌phû̌ ma̤lû̌htò̌gejò ana̤tò̤ pwǎ̤ta Cǒmara ma̤jòta̤ pṳ̂̌꤮ tacǎ.”

Lǔka 11:48

Hǐnudě sî dǔlṳ lîtîklî̌ sîna̤ ta sî sò̌phlǒ tǒhtu dǒnû̌û, sî sò̌phlǒ sǒsǒta sîphisîphu dě꤮ wǐnu toǒ ma̤ta̤sǔnu toǒ hǒ. Ma̤tèhî̌nu sîphisîphu toǒ dě a ma̤si pwa̤po̤nu toǒ, sî dě sî bǒ bǎ pwa̤po̤nu toǒ alṳkû a ma̤hǐnu.

Tîmôte ginǐ̤bǎ tôbǎ 2:25

Bǎ a sû̌ǐwǒ gesǒ kòyò htě a htè̌shǔ nû̌û toǒ akhanu, a to hî̌bǎ sò̌dohobî̌ kò. Kǎlè̌ mî̌, Cǒmara ǐ asî ashuakhwèwǒ ta a bǎ yò̤lò̤gesǒ asò̌ pě dě a sî̌yahtò̌ge ta̤te̤ta̤mǎ pě kǎlè.

Hebrǔ 10:26

Pa nî̤bǎhto ta̤te̤ta̤mǎ a ta̤sî̌khû̌sî̌ya dě pa dè ma̤ takǎ sělěpe ta̤sǔ hî̌mò̌nu ta̤lṳta̤tò̌ htě a glè bòlû̌kè pa ta̤sǔ ayanu a ǒpe tò̤.

Hebrǔ 10:29

Hǐnudě sî gènè̤kè̌mò̌ kòyò htě a hî̌ tukutakǎ Cǒmara aphû̌khû htǒotoǒ, dě a wîkè nû̌û toǒnu, Cǒmara cèròjîkhlo asî pě. Htodě Khrî̌stu khòsi asò̌ dě a ǐhtûhtò̌ Cǒmara a ta̤wṳ̂dò asa htǒonuhǒ dě Khrî̌stu shǔbòkè pa ta asǐ hǒ. Hǐnudě kòyò htě a bè̌ le̤dû̌pwî̤htû Khrî̌stu asǐ tò̤ toǒnu, Cǒmara cèròjîkhlo asî pě. Htohǒtò̤ kòyò htǒotoǒnu a hî̌ phû̌mò̤shî̌hto Běcǎ sǎcahtǐ htě a ǐ asî ta̤bwǐta̤sîrî htǒotapwa̤ akhû̌akhî, Cǒmara cèròjîkhlo asî ta kòyò htě a ma̤sǔ Mǒ̤jè a ta̤sû̌ta̤tòwònu toǒ pě.

Hebrǔ 12:2

Alò̤ta kòyò khlè̌ toǒ kè̌hètotǐ pwǎpǒ̤ ta̤ma̤pè̤ bò̌htò̌htǔ htǒonuhǒ, hǐnudě pa kè̌hètotǐ tû̌pwǎ Ye̤shǔ hò̌. Ma̤tè̤hî̌dě a mî̌ pa ta̤yṳta̤nǎ a kòshî̌kòtṳ tapwa̤. Htohǒtò̤, a mî̌ pwa̤ htě a ma̤lǒma̤be bǎ pa ta̤yṳta̤nǎ tapwa̤. A khòsihtopěmî̌, a sî̌yanǎhto ta a nî̤bǎ ta̤sò̌le̤ pě akhû̌akhî, a tobǎ khòsi nò̌dòhtǔlo̤ pwǎ̤tadě a sòwò̤ dǐcǎ꤮ tò̤. Khònò̤dě a hǎnòò̌ Cǒmara a la̤hǎnòò̌ htò̌yî̤ bǎ cǔdemûnu tokho hǒ.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 6:4

Kòyò htě a wîkè ata̤yṳ toǒnu, asî shò̌lò̤gejòpe asò̌ dǐkhò̌꤮ tò̤. Dě nukha, asî sî̌yahto Cǒmara a ta̤te̤ta̤mǎ toǒ hǒ. Asî kè̌shǐ sî̌yahèbǎhto Cǒmara asû dě a nî̤bǎplǒkû̌hto Běcǎ sǎcahtǐ ta kòyò ahǔwa̤ hǒ.

Petru ginǐ̤bǎ tabǎ 2:21

Dě asî yanu, a dè sî̌yanǒ ta̤cǒta̤tè̤ aklè̌ dǐkhò̌꤮ tò̤ hî̌numî̌, awǒkhlope ta a sî̌yahtodě a cû̌ wîkèsǒ ta̤mǎlò̤ cahtǐ htě kò ǐlò̤hto asî htǒonu toǒ.

Yṳ̂ha awǐlǒ tôbǎ 5:16

Kòyò tapwa̤pwa̤ dè kè̌shǐ apṳwè̤ Khrî̌stuphû̌ tapwa̤pwa̤ ma̤ta̤sǔ dě a glè ǐ htûhtò̌ nû̌û ta̤si mè̤tò̤ hî̌nu, a kwita̤ Cǒmara a ǒ dě Cǒmara ǐ kòyò htě a ma̤ta̤sǔ htǒonu tapwa̤ ta̤htûpwa̤ pě. Pwǎ̤ta ta̤sǔ htě a glè ǐ htûhtò̌ nû̌û ta ta̤si hî̌numî̌, he sò̌yṳ hî̌ sî ta ta̤sǔ hǐnu toǒnu sî to kwisabahtò̌ bǎ aya dě Cǒmara a ǒ tò̤.