Hebrǔ 6:5 - Kawyaw RC

⁵ Cǒmara ale̤ayo̤nu, awǒ mè̤mè̤̌ numî̌ asî sî̌yahèhto hǒ. Asî kè̌shǐhèbǎkû̌hto Cǒmara a ta̤po̤ta̤phǎ shû̌sho dě a ǒlṳhtò̌ bǎ kò htû̌꤮ anǒkòpě tuhtunu toǒ hǒ.

Kawyaw New Testament

⁵ Cǒmara alě̤ayô̤̌nu, awô̌ mî̌ca numî̌ asî sî̌ganǎ̤hè htohǒ. Asî kè̌shǐhèbǎ hto kû̌ Cǒmara a ta̤pô̤ta̤phǎ shû̌sho dǒ a gǔ ô̌lṳ̌htò̌ bǎ kòyò dǒ nô̌kòpě tôhtu nutokhlǒ hǒ.

Hebrǔ 6:5 Iomraidhean Croise

Htû̌sò̌htò̌ 34:8

Cǒmara tûjûpwa̤ wǒ pwî̌꤮ tènu kè̌lǎsî̌ya dě sî̌yaphlo lǒkho. Kòyò htě a ǒtûdû nǎla̤ǐ nû̌ûnu toǒ, nî̤bǎ ta̤howi̤.

Matěo 12:32

Kòyò tapwa̤pwa̤ dè hî̌sǔ kòyòphû̌khû mî̌ he htǒonu Cǒmara glè bòlû̌kèpwǎ nû̌ûta̤sǔ. Pò̤̌ta kòyò htě a hî̌sǔ Běcǎ sǎcahtǐnu, htǒotuhtu bǎbǎ, nǒkòpě tuhtu bǎbǎ, Cǒmara bòlû̌jòpe nû̌ûta̤sǔ tò̤.

Mǎ̤riko 6:20

Ma̤tè̤hî̌dě Khwǐherǒ htǒonu a kè̌dû̌ tû̌ Jowǎ̤ni̤, ma̤tè̤hî̌dě a sî̌ya ta a mî̌ kòyò htě acǒatè̤ acahtǐ tapwa̤ akhû̌akhî, a ma̤kwaǐ nû̌û. Bǎ Khwǐcophǎ gana̤de Jowǎ̤ni̤ hî̌bǎ akhanu, a bǎgubǎgè hǐnudě a sò̌yṳ gana̤de pwǎ nû̌û hî̌bǎ pwǎ.

Lǔka 8:13

Ta̤khli lò̤te̤ lo̤kla amûasǎ numî̌ mî̌pwǎ kòyò htě a gana̤de Cǒmara ale̤ayo̤ toǒ dě a sò̌le̤sò̌lò̤ phî̌shǔ lǒkho pwǎ̤ta asǒsǒta ta̤khli htě akhò̌wi̤ yṳ̂lò̤yo̤tò̤nu. Asî yṳǎ lǒkhopwǎ teděsǎ pa. Dě bǎ ta̤htû̌sǒbǎ aphû̌mò̤ hèbǎ asî akhanu, a ta̤yṳta̤nǎ hǎmǎkè pwǎ.

Ěphěsu 6:17

Sî̌ya te̤mǎ lǒkho ta̤ma̤lû̌htò̌ge awi̤akè̌ htě Cǒmara ma̤hto bǎ sî dě asǒsǒta sî glûhtò̌ khû̌glûte̤htò̌ dě a ma̤kwaǐ dǐdò bǎ sî htǒonu, htohǒtò̤ pṳ̂měǐ Běcǎ sǎcahtǐ adòdǔ htě a mî̌ Cǒmara ale̤ayo̤ htǒo nî̌꤮.

Hebrǔ 11:3

Ta̤yṳ akhû̌akhî, pa sî̌yapwǎ ta Cǒmara bǒlò̤ mǒla̤ aphwǐaphrû̌ ta ayo̤ pwǎ. Hǐnudě ta̤ htě pa kè̌shǐjò khònò̤kha htǒotoǒ numî̌ a ǒ bǎ ta̤htě pa kè̌shǐjòtò̤ toǒ a ǒ hè pwǎ.

Hebrǔ 2:5

Pa hî̌ bǎ sî ta hǎkhû̌sa ǒhtò̌ htû̌꤮ nǒkòpě awi̤akè̌htǒo numî̌, Cǒmara wû̌lǎdǒ mǒkhû̌tanaphû̌ toǒ dě a glèbǎ pǒǐ ta̤ayanu tò̤.

Hebrǔ 4:12

Cǒmara ale̤ayo̤nu, a htûpwa̤ dě a ma̤jò ta̤. A htòkhlope ta tǒ̤phû̌ htě a htò cî̌htè̌cî̌khobò tabǎ. A nṳ phò̌pa̤ to̤ dě yolahtûpwa̤ ta sò̌phlǒ la̤ǒplǒnû̌û agûla̤nu, htodě a nṳ phò̌pa̤ to̤dě awi̤ahtû̌ ta khwǐgîkû la̤ǒ gûla̤nu tò̤glò. A dǔlṳhtò̌ bǎ kòyò sò̌phlǒ a ta̤gènè̤ toǒ ta a ta̤sò̌yṳ awǒ ta a phû̌mò̤ toǒ.

Petru awǐlǒ tabǎ 1:25

Pwǎ̤ta Běcǎ ale̤ayo̤ htǒonu, a ǒměǒgle tûjûpwa̤ talakhǎ.” Ale̤ayo̤ htǒonumî̌ mî̌pwǎ ta̤sò̌le̤sò̌lò̤ awi̤akè̌ htě kò dǒhtû̌ǐ bǎ sî htǒonu hǒ.

Petru ginǐ̤bǎ tabǎ 2:20

Dě asî sî̌ya pa Běcǎ ta Ye̤shǔkhrî̌stu htě a ma̤lû̌htò̌ge pa htǒotapwa̤ akhû̌akhî, asî lû̌htò̌gekè ta hǎkhû̌ a ta̤phû̌mò̤shî̌hto htǒotoǒ hǒ. Pwǎ̤tadě khònò̤htǒo asî dè nṳma̤ shû̌shǎplǒgesǒ ta ta̤phû̌mò̤shî̌hto htǒotoǒ hî̌dě ta̤phû̌mò̤ htǒotoǒ htûkè nû̌ûběcǎ hǒ. Kòyò hǐnu toǒ a ta̤ǒhtûpwa̤ mî̌, a jîkhlope ta a gûla̤li̤nu.