Hebrǔ 6:4 - Kawyaw RC

⁴ Kòyò htě a wîkè ata̤yṳ toǒnu, asî shò̌lò̤gejòpe asò̌ dǐkhò̌꤮ tò̤. Dě nukha, asî sî̌yahto Cǒmara a ta̤te̤ta̤mǎ toǒ hǒ. Asî kè̌shǐ sî̌yahèbǎhto Cǒmara asû dě a nî̤bǎplǒkû̌hto Běcǎ sǎcahtǐ ta kòyò ahǔwa̤ hǒ.

Kawyaw New Testament

⁴ Kòyò dǒ a wîkè ata̤yṳ̌ tokhlǒnu asî yò̤lǎ̤plǎdî̌ gejòpe asǎphlǒ tôkhò̌꤮ tô̤̌. Dǒ awǐkha, asî sî̌ganǎ̤ hto Cǒmara a ta̤tě̤ta̤mè̤̌ tokhlǒ hǒ. Asî kè̌shǐ sî̌yahèbǎ hto Cǒmara asû dě a nǐ̤bǎdû̌ hto Yôla Plò̌shǐ Běcǎ kû̌ kòyò dǒ ashǔshawa̤ tokhlǒ hǒ.

Hebrǔ 6:4 Iomraidhean Croise

Matěo 12:45

Dě a hǎhtò̌cû̌ kaǎnṳpo̤ akho htě a jîkhlo ta anu susǒtado dě asî geginṳ ǒ lǒkho bǎnu. Dě kòyònu tapwa̤ jîkhlo ta a gûla̤li̤nu pě.”

Matěo 5:13

Sî toǒ mî̌ asǒsǒta hǎkhû̌ Îsǎnu. Pwǎ̤ta Îsǎ dè shuhape tò̤ hî̌nu kò cû̌ma̤ shuha gejòpe yǎ hî̌tè? Kò noǎjòpe yǎ tò̤. Kò glè wîkè yǎ klè̌dakû dě kò yî̤pwî̌ cû̌kèbò pwǎ yǎ.

Jowǎ̤ni̤ 15:6

Kòyò tapwa̤pwa̤ a ǒměǒgle kû̌ta he tacǎnǔpa tò̤nu, alò̤ta sǒphò htě kò wîhǎhtò̌kè yǎ dě akhlo, ta a nokhwekè pwǎ toǒnu. Sǒphò hǐnu toǒnu, kò htǔplǒ yǎ dě kò wînṳkè nû̌û mî̌kla dě kò shû̌gèkè pwǎ yǎ.

Jowǎ̤ni̤ 3:27

Dě Jowǎ̤ni̤ hî̌shǔ nû̌û, “Ûpè bǎbǎ Cǒmara dè ǐlò̤ nû̌û tò̤nu, a nî̤bǎjò ta̤ dǐcǎ꤮ tò̤.

Jowǎ̤ni̤ 4:10

Ye̤shǔ hî̌shǔ yǎ, “Na dè sî̌ya ta Cǒmara a ta̤ǐko sû htodě pwa̤ htě a kwio nashi htǒotapwa̤ mî̌ ûpènu na dè sî̌yapo̤ hî̌mî̌, na kwio he shi pě dě he ǐo na shi htě a ǐ kò ta̤htûpwa̤ htǒonu pě.”

Jowǎ̤ni̤ 6:32

Běcǎ Ye̤shǔ hî̌shǔ asî, “He hî̌ mè̤mè̤̌ sî, shǎǎ ǒdě mǒkhû̌ hèlò̤ numî̌, Mǒ̤jè ǐǎ asî mè̤tò̤. Hepha ǐǎ pwǎ asî. Khònò̤dě a ǐǎ mè̤mè̤̌ sî shǎǎ htě a ǒ dě mǒkhû̌ hèlò̤ htǒonu hǒ.

Pwa̤nophû̌ 10:45

Cǒmara cû̌ ǐlò̤ to̤kû̌ Běcǎ sǎcahtǐ dě Yṳ̌daphû̌ mè̤tò̤ htǒotoǒ alo̤ akhû̌akhî, Yṳ̌daphû̌ htě a yṳǎna̤ǎ ta̤ htě a ǒ lǒkho dě Yǔpewî̤kû dě a hè plǒkû̌ta Petru htǒotoǒnu a sû̌pi̤sò̌pi̤ mè̤mè̤̌.

Pwa̤nophû̌ 11:17

Ma̤hǐnudě pa yṳǎ Běcǎ Ye̤shǔkhrî̌stu dě Cǒmara ǐ pa sû. Hǐnudě Yṳ̌daphû̌ mè̤tò̤ htě a yṳǎ sǒsǒkû̌ta pa htǒotoǒnu, Cǒmara dè ǐ sǒsǒ asî sû pwǐ a ǐhto panu dèhî̌dě he mî̌ kòyò tapwa̤ htě a ma̤dǐdò Cǒmara aklè̌aklò tapwa̤ ya,” Petru hî̌ asî hǐnu.

Pwa̤nophû̌ 15:8

Cǒmara mî̌ a kè̌shǐ sî̌yabò kò pṳ̂̌꤮ tapwa̤ asò̌phlǒ. Dě a ǐ Yṳ̌daphû̌ mè̤tò̤ toǒ Běcǎ sǎcahtǐ akhû̌akhî, a dǔlṳ ta a sò̌phlǒǒ asî pwǐ a ǐhto pa Běcǎ sǎcahtǐnu hǒ.

Pwa̤nophû̌ 8:20

Dě Petru hî̌shǔ nû̌û, “Cǒmara a ta̤ǐko sû htǒonu, pwî̤ yǎta wû mî̌ anî̤ pwǎ, na gènè̤ hǐnu akhû̌akhî, na ta nawû lòte̤plǒ tû̌ta nû̌û dě ngariǒkû nî̌꤮.

Rṳ̂̌me̤ 1:11

Ma̤tè̤hî̌dě ma̤pûhǐ he hè ǐdǒ bǎ sî Cǒmara a sǎcahtǐ asû htǒonudě, he sò̌yṳ hè ǒlè kû̌ sî. Cǒmara a sǎcahtǐ asû ǐshû̌ǐshohtò̌ tû̌pû sî sò̌phlǒ nî̌꤮.

Kôritu ginǐ̤bǎ tôbǎ 4:4

Khînǎmo̤pha hǐkǒdû̌ htě a pǒǐ hǎkhû̌ htǒotadonu, a ma̤khǐ ma̤te̤pe̤kè asî mi̤sǎ akhû̌akhî, asî kè̌shǐ kû̌kò ta̤sò̌le̤sò̌lò̤ awi̤akè̌ ta ata̤lî htǒonu tò̤. Ma̤pûhǐ kòyòhǎkhû̌phû̌ toǒ sî̌yaphlo pû Khrî̌stu a ta̤sò̌le̤sò̌lò̤ awi̤akè̌ htě a pwe̤ǐlṳ bǎ kò ta Khrî̌stu a ta̤sîrîdû̌sîrîhtû awi̤akè̌ htǒo tò̤nu, a ma̤te̤pe̤ ǒò̌kè asî hǐnu hǒ. Pwa̤ htě a dǔlṳ te̤mǎ pa ta Cǒmara mî̌ Khrî̌stu hǒ.

Kôritu ginǐ̤bǎ tôbǎ 4:6

Bǎ Cǒmara bǒlò̤ ta̤lǒ̤꤮ bò akhanu, a hî̌ ta, “Ta̤khǐ sǒsǔ tephe cû̌kè dě ta̤lî ǒlṳhtò̌ tû̌ nî̌꤮,” a hî̌ hǐnu. Cǒmara ma̤hto bǎ pa hǐnu hǒ. Bǎ pa sî̌ya Khrî̌stu hǒtò̤ akhanu, pa sò̌phlǒ htǒo a khǐte̤pe̤ pwǎ, pwǎ̤tadě Cǒmara ma̤lîkè bǎ pa sò̌phlǒ hǒ. Ma̤pûhǐ pa sî̌yaphlowǒ Cǒmara a ta̤sîrîdû̌sîrîhtû htě a dǔlṳhtò̌ tṳtṳ ta Khrî̌stu htǒotoǒnu, a mî̌ pwa̤ htě a ǐshělîhtò̌ bǎ pa sò̌phlǒ a ta̤gènè̤ toǒ tapwa̤ hǒ.

Galatǐ 3:2

Hî̌ bǎkè̌ he tǒ̤ htǒotacǎcǎ꤮ nupwǎ. Dě sî gûma̤kû̌ ta̤sû̌ta̤tòwò akhû̌akhî, sî nî̤bǎ Běcǎ sǎcahtǐ ya? Dèmè̤tò̤mî̌ sî gana̤de ta̤sò̌le̤sò̌lò̤ awi̤akè̌ dě sî yṳǎna̤ǎ akhû̌akhî, sî nî̤bǎ Běcǎ sǎcahtǐ hǐnu ya?

Galatǐ 3:5

Hǐnudě sî gûma̤kû̌ ta̤sû̌ta̤tòwò akhû̌akhî, Cǒmara ǐ sî Běcǎ sǎcahtǐ htě a ma̤ ta̤cǒklî̌kî̌ya dě sîkla hǐnu ya? Hǐnu mè̤tò̤. Sî gana̤de ta̤sò̌le̤sò̌lò̤ awi̤akè̌ dě sî yṳǎ akhû̌akhî, a ǐpwǎ sî. Sî lṳ̂ma̤kû̌ ta̤sû̌ta̤tòwò htǒo akhû̌akhînu mè̤tò̤.

Ěphěsu 1:18

Ma̤pûhǐ sî sî̌yaphlowǒ kû̌kò ta̤ma̤ cǒklî̌kî̌ya htě a olò̤hto bǎ akòyò dě a kaǎ nû̌ûnu toǒ ayanu, he kwisaba ta a glè ǐsî̌yaphlo bǎ sînu. Cǒmara ǐ akòyò htǒotoǒ û̌cata̤bî̌ htě ale̤dû̌pwî̤htû, awî̤awǒ toǒ mî̌ kwè̌꤮ titèhî̌nu, he sò̌yṳ nosî̌ya te̤mǎdǒ sî.

Ěphěsu 2:8

Ma̤tè̤hî̌dě, sî yṳǎ mè̤mè̤̌ Khrî̌stu ta Cǒmara abwǐdû̌sîrîhtû dě sîkhû̌htǒo akhû̌akhî, a ma̤lû̌htò̌ge sî hǒ. Sî sana̤ htǒkhû̌htǒǎ akhû̌akhî, sî nî̤bǎ ta̤lû̌htò̌ge mè̤tò̤. Htǒomî̌ Cǒmara ǐlò̤kopwǎ sî pwǎ.

Ěphěsu 3:7

Cǒmara abwǐasîrî a ta̤ǐko htǒo ta a ta̤po̤ta̤phǎ akhû̌akhî, a ǐlò̤ he ta̤ma̤htǒo dě he glè bǎ dǒhtû̌ǐ kò ta ta̤sò̌le̤sò̌lò̤ awi̤akè̌ htǒonu.

Ěphěsu 4:7

Pwǎ̤ta Khrî̌stu ǐlò̤khǒ pa ta̤jòta̤lîmò tapwa̤ ta tapwa̤ dě pa ma̤khǒma̤yòyǎ a ta̤phî̌ta̤ma̤ toǒ. Khrî̌stu mèpa̤ bǎ pa ta̤jòta̤lîmò htǒonu, a sò̌le̤ǐ nû̌û tò̤.

Tîmôte awǐlǒ tôbǎ 4:14

Kè̌bò̌khû̌kè pûma̤ Běcǎ sǎcahtǐ asû htě Cǒmara ǐhto nanu ma̤ nî̌꤮. Bǎ pwa̤yṳǎta̤ aprṳ̂aho wè̤khǔwè̤pwa̤ htě a htû hǐkǒdû̌ toǒ bè̌htò̌ acǔde dě nalo̤ akha, na nî̤bǎ tṳtṳ sû htǒonu dě kòyò hî̌po̤phǎnǎ nawi̤nakè̌nu toǒ a ǒ hǒ.

Tîmôte ginǐ̤bǎ tôbǎ 2:25

Bǎ a sû̌ǐwǒ gesǒ kòyò htě a htè̌shǔ nû̌û toǒ akhanu, a to hî̌bǎ sò̌dohobî̌ kò. Kǎlè̌ mî̌, Cǒmara ǐ asî ashuakhwèwǒ ta a bǎ yò̤lò̤gesǒ asò̌ pě dě a sî̌yahtò̌ge ta̤te̤ta̤mǎ pě kǎlè.

Tîmôte ginǐ̤bǎ tôbǎ 4:14

Pwa̤de tîlî Alexandernu tapwa̤ mî̌, a ma̤ phû̌mò̤shî̌hto mè̤mè̤̌ he. A ma̤htobò he toǒnu Běcǎ cèrò lè̌tû̌ nû̌û hǐnu pě.

Hebrǔ 10:32

Gènè̤htò̌ to̤bǎ gesǒ lǒkho děwǐkha bǎ sî nî̤bǎhtosa mǒ̤pepwǎ Cǒmara ata̤lî akhanu, sî kè̌shǐbǎplṳ̂ ta̤jîta̤jû pwǎ̤tadě sî sò̌phlǒhtûbò̌ lǒkho pwǎ.

Hebrǔ 2:4

Cǒmara pwe̤ǐlṳphlopo̤ bǎ kò ta ta̤ma̤lû̌htò̌ge ta̤wi̤ta̤kè̌ htǒonumî̌ ato mè̤mè̤̌. Dě ta̤dǔlṳ ta̤ma̤dòǐ cǒklî̌, ata̤ma̤ cǒklî̌kî̌ya toǒ ta ata̤ma̤ sû̌pi̤sò̌pi̤ cǒklî̌ toǒ akhû̌akhî, a dǔlṳphlo bǎ kò ta ta̤ma̤lû̌htò̌ge ta̤wi̤ta̤kè̌ htǒonumî̌ a tohǒ. Htohǒtò̤, jǔ꤮ tû̌ ato Cǒmara asò̌phlǒ dě a ǐlò̤ko bǎ kò ta̤sî̌ta̤jò sû toǒ. Dě a ǐlò̤ tṳtṳ nû̌ûta Běcǎ sǎcahtǐ. Běcǎ sǎcahtǐ sûhtǒo toǒ akhû̌akhî, Cǒmara dǔlṳphlo bǎkò ta ta̤wi̤ta̤kè̌ htǒonumî̌ a tohǒ.

Yṳ̂ha awǐlǒ tôbǎ 5:16

Kòyò tapwa̤pwa̤ dè kè̌shǐ apṳwè̤ Khrî̌stuphû̌ tapwa̤pwa̤ ma̤ta̤sǔ dě a glè ǐ htûhtò̌ nû̌û ta̤si mè̤tò̤ hî̌nu, a kwita̤ Cǒmara a ǒ dě Cǒmara ǐ kòyò htě a ma̤ta̤sǔ htǒonu tapwa̤ ta̤htûpwa̤ pě. Pwǎ̤ta ta̤sǔ htě a glè ǐ htûhtò̌ nû̌û ta ta̤si hî̌numî̌, he sò̌yṳ hî̌ sî ta ta̤sǔ hǐnu toǒnu sî to kwisabahtò̌ bǎ aya dě Cǒmara a ǒ tò̤.