Hebrǔ 5:8 - Kawyaw RC

⁸ Ye̤shǔ htû Cǒmara aphû̌khû tapwa̤ pwǎ̤tadě bǎ a khòbǎ ta̤jîta̤jû akhanu, a phî̌nṳ tṳtṳpe ta̤gana̤de yo̤ dě Cǒmara ǒ.

Kawyaw New Testament

⁸ Yeshǔ htû Cǒmara aphû̌khû tôpwa̤ bǎbǎkǎlè bǎ a khòbǎ ta̤jî̌ta̤jû̌ akhanu, a phî̌nṳ̌ tutṳ̌pe ta̤ganǎ̤de ayô̤̌ dǒ Cǒmara a ô̌.

Hebrǔ 5:8 Iomraidhean Croise

Matěo 3:15

Ye̤shǔ hî̌shǔ nû̌û, “Khònò̤ dě tûrû̌ plo bǎ mò̌ he, ma̤tè̤hî̌dě pa tobǎ ma̤lǒbe lǒ̤꤮ bò Cǒmara a ta̤sò̌yṳ noma̤ panu toǒ,” A hî̌ dě Jowǎ̤ni̤ sò̌phlǒǒ ta plo bǎ nû̌û.

Jowǎ̤ni̤ 10:18

He dè noma̤si kò ta hena̤ tò̤ hî̌nu, kò ma̤sijò he dǐpwǎ̤꤮ tò̤. He ǐlò̤kè he sò̌phlǒ htǒonumî̌, kò no he dǐpwǎ̤꤮ tò̤, he sò̌phlǒ ta he sò̌phlǒ ǐlò̤ tû̌ pwǎ. He ǒ ta he ta̤po̤ta̤phǎ dě he sò̌yṳ ǐlò̤kè hesò̌ mî̌ a nî̤nî̤, he sò̌yṳ phî̌wǒge yǎ mî̌ a nî̤nî̤ pwǎ. Hepha mǎhènṳ heyo̤ ta he bǎma̤ htǒo,” a hî̌ bǎ asî hǐnu.

Jowǎ̤ni̤ 15:10

Sî dè gana̤de jûle̤phî̌yo̤ he ta̤mǎlò̤ htǒotoǒ hî̌numî̌ sî ǒměǒgle he ta̤mo̤ǐ akû hǒ. Sî dè ma̤ htǒo hî̌numî̌ a sǒsǒta he gana̤de hepha ayo̤ dě he ǒměǒgle a ta̤mo̤ǐkû htǒonu hǒ.

Jowǎ̤ni̤ 4:34

Ye̤shǔ hî̌ asî, “He ma̤to pwa̤htě a nohè he htǒotapwa̤ a ta̤sò̌yṳ dě he ma̤htokè ta̤ma̤ htě a ǐ he htǒonumî̌ heshǎǎ hǒ.

Jowǎ̤ni̤ 6:38

Ma̤tè̤hî̌dě he ǒdě mǒkhû̌ hèlò̤ dě jǔ he hèma̤ tû̌ he sò̌phlǒ hǐnu mè̤tò̤. He hèma̤ pwǎ pwǐ pwa̤htě a nohè he htǒotapwa̤ a ta̤sò̌yṳnu pwǎ.

Phǐlǐpǐ 2:8

Dě a hè dǔlṳ ana̤ pwǐ kòyòhǎkhû̌phû̌nu, htodě, a bè̌phǔlò̤ ana̤ dě kòla̤. A gana̤de Cǒmara ayo̤, a sikè dě a bè̌ ta̤ dǐcǎ꤮ tò̤. To̤htû̌ a tobǎ si nò̌dòhtǔlo̤nu a jûle̤phî̌yo̤ pwǎ.

Hebrǔ 1:2

Pwǎ̤ta mṳni̤gutṳ̌lò̤ htǒotoǒnu, a hî̌bǎlò̤ tṳtṳ pa ta a phû̌makhû hǒ. Cǒmara nobǒlò̤ tṳtṳ aphû̌khû ta hǎkhû̌ mǒkhû̌ ta ta̤lǒ̤꤮ bò. Dě gutṳ̌lò̤ pěnu, ta̤htǒotoǒ lǒ̤꤮ bò ma̤pûhǐ a htûbò nû̌ûta pěnu dě Cǒmara wû̌lǎ yǎ hǒ.

Hebrǔ 1:5

Lî̤cahtǐkû khwè̌nǎ ta Cǒmara hî̌ aphû̌khû pwǐhè̌o, “Na mî̌ hephû̌khû, khò̌ti̤ni̤, he htû napha hǒ,” a hî̌ hǐnu. Pwǎ̤tadě Cǒmara hî̌nǒ mǒkhû̌tanaphû̌ hǐnu dǐpwǎ̤꤮ tò̤. Lî̤cahtǐ khwè̌nǎpe ahǔwa̤ to̤to̤ dě a hî̌, “He htû apha pě, dě a htû hephû̌ pě,” ta̤hî̌bǎ hè̌onu a hî̌nǒ mǒkhû̌tanaphû̌ dǐpwǎ̤ tò̤tò̤.

Hebrǔ 1:8

Pwǎ̤ta, bǎ a hî̌lè̌ aphû̌khû awi̤akè̌ akhanu, “Kǒ꤮ Cǒmara, nashinaganu, a ǒyî̤tû̌ tûjûpwa̤ talakhǎ pě꤮. Na pǒǐtû̌ na kòyò toǒ ta ta̤cǒta̤tè̤ pě꤮.

Hebrǔ 3:6

Pwǎ̤tadě, Khrî̌stu htǒonumî̌ alò̤ta Mǒ̤jè htě a htû pwa̤ma̤ta̤ dě Cǒmara ahǐkûnu tapwa̤ mè̤tò̤. A mî̌ Cǒmara aphû̌khû tapwa̤. A mî̌ acǒatè̤ ta ata̤ma̤ dě a kè̌ǐkhwè̌ǐ apha Cǒmara ahǐphû̌phòphû̌ toǒ. Pa dè gû khukhuhaha hèsělě Khrî̌stu to̤htû̌ agutṳ htohǒtò̤ ta̤ htě Cǒmara glè ǐ pa htǒonu, pa dè kè̌shuǐ hèsělě to̤htû̌ agutṳ hî̌mò̌nu, pa mî̌ Cǒmara ahǐphû̌phòphû̌ hǒ.