Hebrǔ 5:7 - Kawyaw RC

⁷ Ye̤shǔ ǒhtûpwa̤ hǎkhû̌bǎo akhanu, a kwisaba lǒ̤sû̌lǒ̤sò̌htò̌ Cǒmara htě a ma̤lû̌htò̌jò nû̌û ta ta̤sihtǒo tapwa̤, dě a yi̤kǒhtò̌ mi̤sǎshi lò̤. A shò̌lò̤ asò̌phlǒ dě a sò̌phlǒsho gana̤de Cǒmara yo̤ akhû̌akhî, Cǒmara gana̤de nû̌û ta̤kwisaba.

Kawyaw New Testament

⁷ Bǎ Yeshǔ ô̌htûpwa̤ bǎ hǎkhû̌ akhanu, a kwicaba lǒ̤sû̌lǒ̤sò̌ htò̌ Cǒmara dǒ a ma̤hǎplǎjò lû̌û dǒ ta̤sinu tôpwa̤, dě a yî̤̌kǒhtò̌ mǐ̤sǎshilò̤ kè. A shò̌lò̤ asǎphlǒ dě a sǎphlǒshû̌ ganǎ̤de Cǒmara ayô̤̌ akhû̌akhî, Cǒmara ganǎ̤de a ta̤kwicaba.

Hebrǔ 5:7 Iomraidhean Croise

Htû̌sò̌htò̌ 22:24

A sò̌khě kè̌tûlû̌kè pwa̤bǎpò̤bǎsha ata̤shuphǔshèwè tò̤. A kè̌khǒkè̌wa̤kè asî tò̤tò̤. Bǎ asî kwihtò̌ nû̌û ta̤ma̤jè akhanu, a gana̤de dě a hî̌shǔ asî.

Htû̌sò̌htò̌ 69:1

Kǒ Cǒmaradû̌, ma̤lû̌htò̌ge mò̌ he. Shidû̌ htò̌to̤kè hegobo.

Htû̌sò̌htò̌ 88:1

Kǒ Cǒmara tûjûpwa̤, Cǒmara htě pwa̤ma̤lû̌htò̌ge he. He hè dě nalo̤mo̤ dě he kwisabahtò̌ na lṳmṳkhǐkhǐ lṳmṳshasha.

Matěo 27:46

Te̤we̤lṳ̂bò bǎ lṳmṳgwilò̤ suna̤rî akhanu, Ye̤shǔ jipwi̤ yi̤kǒhtò̌, “Elǐ, Elǐ, Lamǎ sabakǎ tanǐ,” Amûasǎ mî̌ “He Cǒmara, He Cǒmara, na wîkè he ma̤tè?”

Matěo 27:50

Bǎ Běcǎ yi̤kǒhtò̌shû̌ htopo̤sǒ taplǎnu asǎlò̤te̤kè.

Mǎ̤riko 15:34

Bǎ lṳmṳgwilò̤ suna̤rî behǒ akhanu, Ye̤shǔ jipwi̤ yi̤kǒhtò̌, “Elǐ, Elǐ, Lamǎ Sabakǎ tanǐ,,” amûasǎ mî̌ “He Cǒmara, he Cǒmara, na wîkè he ma̤tè?”

Mǎ̤riko 15:37

Dě Ye̤shǔ kaǎguhtò̌shû̌ htodě asǎlò̤te̤kè.

Lǔka 23:46

Ye̤shǔ jipwi̤ yi̤kǒhtò̌shû̌ dě a hî̌, “Kǒ꤮ pha, he ǐlò̤kè he ta̤htûpwa̤ dě na cǔdekû hǒ,” a hî̌ hǐnu htodě asǎlò̤te̤kè.

Jowǎ̤ni̤ 1:14

Kòyò htě kò kaǎ yǎta ta̤le̤ta̤yo̤ htǒotapwa̤nu, a hèhtû pwǐ kòyòhǎkhû̌phû̌nu dě a hè ǒhtûpwa̤ pakla. Pa kè̌shǐ a ta̤sîrîdû̌sîrîhtû. Cǒmara aphû̌khû ǒtû̌pwǎ tapwǎ̤pa akhû̌akhî, a nî̤bǎbò ta̤sîrîdû̌sîrîhtû htǒo dě aphaǒ. A mî̌ kòyò htě a lǒbe ta ta̤bwǐta̤sîrî ta ta̤te̤ta̤mǎ tapwa̤.

Jowǎ̤ni̤ 11:35

Dě Ye̤shǔ hǎ.

Jowǎ̤ni̤ 11:42

He sî̌ya ta na gana̤de he ta̤kwisaba pṳ̂̌꤮ plǎ. Pwǎ̤ta he kè̌ ta a glè htûbwǐhtûsîrî bǎ kòyò htě a ihtǒ bǎo toǒ aya, dě ma̤pûhǐ asî yṳǎ ta na nohè he ayanudě, he hî̌ pwǎhè̌o.”

Jowǎ̤ni̤ 17:1

Běcǎ Ye̤shǔ hî̌hto htǒo dě a ò̌tò̤mò̤htò̌ mǒkhû̌ a kwisaba dě a kwi htǒo, “Kǒ pha, akhîakha hèto̤hǒ. Ma̤pûhǐ he dǔlṳhtò̌ na sîrîdû̌sîrîhtûnu, dǔlṳhtò̌ mò̌ na phû̌khû asîrîdû̌sîrîhtû htǒo.

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Galatǐ 4:4

Pwǎ̤ta bǎ khîkhato khîkhabǎ hèto̤hǒ akhanu, Cǒmara nohèlò̤ aphû̌khû dě a hè ǒlò̤ kû̌ta mamǔ tapwa̤ a ǒ, dě a hè ǒlò̤ Yṳ̌da a ta̤sû̌ta̤tòwò ala̤.

Tîmôte awǐlǒ tôbǎ 3:16

Pa ta̤subusaba adû̌ayǒhtǒo adû̌ pwî̌꤮ tènu kò htè̌shǔjò yǎ dǐpwǎ̤꤮ tò̤. Khrî̌stu ǒlṳhtò̌ pwǐ kòyòhǎkhû̌phû̌ tapwa̤, dě Běcǎ sǎcahtǐ khòlṳ ana̤ ta Khrî̌stu htǒonu a ma̤to Cǒmara asò̌phlǒ, dě mǒkhû̌ tanaphû̌ toǒ kè̌shǐbǎ yǎ. Htodě awi̤akè̌ htǒonu, kò dǒhtû̌ǐ yǎ dě khlilèhǔwa̤phû̌ toǒ aklahǒ. Kòyò ǒ hǎkhû̌bǎo toǒǒnu a yṳǎna̤ǎkû̌ nû̌û hǒ. Cǒmara johtò̌ yǎ dě mǒkhû̌ ta̤sîrîdû̌sîrîhtû akûhǒ.

Hebrǔ 10:10

Ye̤shǔkhrî̌stu ma̤ pwǐ Cǒmara a ta̤sò̌yṳ ǒnu, htohǒtò̤ a lṳhtò̌ ana̤klû taplǎpa dě a htophlǔ hǒ akhû̌akhî, a ma̤ cahtǐ pa hǒ.

Hebrǔ 10:5

Hǐnu akhû̌akhî, bǎ Khrî̌stu hèlò̤ hǎkhû̌bǎo akhanu, a hî̌ Cǒmara, “Kò lṳhtò̌ǐ bǎ na ta̤phû̌ta̤li̤ sîtoǒ ta ta̤lṳta̤tò̌ sî toǒnu, na sò̌yṳ tò̤. Pwǎ̤tadě na ma̤wǒnǎ he na̤klû htě he glè bǎ lṳhtò̌ yǎ ayahǒ.

Hebrǔ 11:7

Nǒa ata̤yṳ akhû̌akhî, Cǒmara ǐsè̌rè̌nǎ nû̌û ta̤htě a kè̌shǐ sî̌ya hǒtò̤ dě a glè htûhtò̌ htû̌꤮ anǒkòpěnu toǒ. A bè̌dubè̌na̤ Cǒmara, a gana̤de nû̌ûyo̤ dě a ma̤htò̌ sǒkhlidû̌ htě a glè ma̤lû̌htò̌ge nû̌ûta a hǐphû̌phòphû̌ aya tabǎ. Nǒa ta̤yṳ akhû̌akhî, a dǔlṳ ta Cǒmara cèrò kòyòhǎkhû̌phû̌ toǒ pě. Ata̤yṳ khû̌khî, Cǒmara bè̌ yǎ pwǐ kòcǒkòtè̤ tapwa̤ hǒ.

Hebrǔ 12:28

Hǐnudě, pa hî̌bwǐhî̌sîrî plǒnû̌û Cǒmara hò̌, ma̤tè̤hî̌dě pa nî̤bǎ shiga htě a guyṳjòtò̤ htǒotaga. Pa sabahtò̌ Cǒmara ta ta̤saba htě ato nû̌ûsò̌phlǒ ta ta̤ǐsha bè̌dû̌bè̌htû nû̌û akû htǒonu hò̌.

Hebrǔ 13:20

Ma̤pûhǐ sî ma̤toma̤bǎ ta̤pè̤ta̤dû a Cǒmara htǒotapwa̤ asò̌phlǒnu dě, ta̤wǒ lǒ̤꤮ bò htě sî lo̤bǎ toǒnu, a ǐ bòmṳ̂sîglî tû̌ta sî nî̌꤮. Ye̤shǔkhrî̌stu akhû̌akhî, Cǒmara ma̤ta̤ dě pakû pwǐ a to tû̌ta asò̌phlǒnu toǒ nî̌꤮. Cǒmara ma̤htûpwa̤gehto pa Běcǎ Ye̤shǔ ta ta̤si hǒ. Dě Běcǎ Ye̤shǔ khòsi asò̌ dě asǐ bǎ mèlò̤ akhû̌akhî, a ma̤měma̤glekèhto Cǒmara a ta̤wṳ̂dò asa htě a ǒ tûjûpwa̤ htǒonutûmû hǒ. Dě a ma̤ hǐnu akhû̌akhî, Ye̤shǔ htû pa pwa̤gèǐsophû̌ htě adû̌khlokò tapwa̤ hǒ. Pa mî̌ asophû̌ toǒ hǒ. Kò ma̤sîrîdû̌sîrîhtû tû̌ta Ye̤shǔkhrî̌stu tûjûpwa̤ talakhǎ nî̌꤮.

Hebrǔ 2:14

Phû̌mǔphû̌khû a kaǎ nû̌û htǒotoǒnu, a ǒ ta ana̤klû sǐshi dě a sijò akhû̌akhî, Běcǎ Ye̤shǔ hèlò̤ phî̌nṳkû̌ kòyòhǎkhû̌phû̌ ana̤klû htě a sǒsǒkû̌ta asînu. A htûhtò̌ sǒsǒta kòyòhǎkhû̌phû̌ akhû̌akhî, a sijò. Ma̤pûhǐ Ye̤shǔ ma̤pî̌kè khînǎmo̤pha hǐkǒdû̌ htě kò kaǎ yǎta Sehto htě a ǒ ta a ta̤po̤ta̤phǎshû̌sho dě a pǒǐ ta̤si htǒotado ayanu, a khòsikè asò̌.

Yṳ̂ha awǐlǒ tôbǎ 4:3

Pwǎ̤ta, kòyò htě a hî̌ ta Ye̤shǔ numî̌ a hèlò̤ pwǐ kòyòhǎkhû̌phû̌ tapwa̤ mè̤tò̤ toǒnu, a nî̤bǎ sò̌phlǒ htě a ǒ dě Cǒmara a ǒ hè htǒonu mè̤tò̤. Sò̌phlǒ hǐnu mî̌ a ǒ dě pwa̤sò̌khě Khrî̌stunu tapwa̤ a ǒ hè pwǎ. Sî gana̤dehto ta a hè pě, dě khònò̤htǒo a hè ǒhtò̌ dě hǎkhû̌bǎonu hǒ.

Yṳ̂ha ginǐ̤bǎ tôbǎ 1:7

Pwa̤lǒǎplò̤ǎ kò ǒlṳhtò̌plṳ̂ dě hǎkhû̌bǎo hǒ. Ye̤shǔkhrî̌stu hèlò̤ dě hǎkhû̌bǎo, a hè ta kòyòhǎkhû̌phû̌ a sǐshiphěyî̌nu, asînu toǒ mî̌ a olò̤ kû̌kò tò̤. Kòyò htě a olò̤ kû̌kò hǐnu tò̤ tapwa̤pwa̤ hî̌numî̌ mî̌pwǎ kòyò lǒǎplò̤ǎ kò hǒ, dě a mî̌ kòyò htě a sò̌khě Khrî̌stunu tapwa̤ hǒ.