Hebrǔ 5:5 - Kawyaw RC

⁵ Hǐnuhǒ, ma̤pûhǐ Khrî̌stu htû pwa̤lṳhtò̌ hǐkǒdû̌gutṳ̌ htǒonu, a bè̌htò̌ tû̌ ana̤ mè̤tò̤, a bè̌ sîrîdû̌sîrîhtû tû̌ ana̤ mè̤tò̤, Cǒmara bè̌htò̌pwǎ nû̌û. Dě Cǒmara hî̌ yǎ, “Na mî̌ hephû̌khû, khò̌ti̤ni̤, he htû napha hǒ,” a hî̌ nû̌û hǐnu.

Kawyaw New Testament

⁵ Pô̤̌nudě, pô̤̌khô Khrǐ gǔ htû pwa̤shû̌gǎ ikǒdû̌lǒnu, a bè̌htò̌ tûû̌ anǎ̤ mè̤̌tô̤̌, a ma̤bwǐdû̌sîrîhtû tûû̌ anǎ̤ mè̤̌tô̤̌, Cǒmara bè̌htò̌ yǎ pwǎ. Dě Cǒmara hî̌ lû̌û kû̌, “Na mî̌ hephû̌pwa̤khû, khò̌tôni̤ dě, he htû napha hǒ,” a hî̌ lû̌û pô̤̌nu.

Hebrǔ 5:5 Iomraidhean Croise

Htû̌sò̌htò̌ 2:7

Khwǐ htě Cǒmara tûjûpwa̤ wû̌lǎ nû̌ûnu ta̤pwa̤ hî̌, “He dǒhtû̌ǐ ta̤ htě Cǒmara tûjûpwa̤ hî̌lò̤lṳ he htǒo pě. “A hî̌ he ta, ‘Na mî̌ hephû̌khû. Khò̌ti̤ni̤, he htû napha hǒ.

Jowǎ̤ni̤ 3:16

“Cǒmara mo̤ǐ lǒ̤꤮ bò kòyòhǎkhû̌phû̌. Kòyò lǒ̤꤮ bò htě a yṳǎ aphû̌khû toǒnu, ma̤pûhǐ a nî̤bǎ yolahtûpwa̤ tûjûpwa̤ dě a to̤ pûma̤ ta ta̤pî̌ta̤lṳ̂ tò̤nu, a ǐlò̤kè aphû̌khû htǒo tapwa̤nu ta kòyòhǎkhû̌phû̌ toǒ aya.

Jowǎ̤ni̤ 7:18

Kòyò htě a hî̌bǎ tû̌ta a ta̤sîrîshû̌sho tapwa̤pwa̤nu, a sò̌yṳ nohtû̌sò̌ǐ pwǎ kò ta ana̤. Pwǎ̤tadě kòyò htě a sò̌yṳ nohtû̌sò̌ǐ kò ta pwa̤htě a nohè nû̌û htǒotapwa̤pwa̤nu, a hî̌bǎcǒtè̤ pwǎ, a lòhǎlòho kò tò̤.

Jowǎ̤ni̤ 8:54

Dě Běcǎ Ye̤shǔ hî̌geshǔ asî, “He dè htû̌sò̌ǐ tû̌ hena̤ dèhî̌dě he ta̤htû̌sò̌ǐ htǒonu, la̤yṳ nǎla̤ǐ nǒ dǐ꤮ cǎ tò̤. Hepha htě sî hî̌ yǎta sî Cǒmara htǒotapwa̤nu, a mî̌ pwa̤htě abè̌sîrîdû̌sîrîhtû he hǒ.

Pwa̤nophû̌ 13:33

Dě khònò̤htǒo, Cǒmara ma̤htûpwa̤gesǒ Ye̤shǔ ta ta̤si akhû̌akhî, a ma̤lǒhtò̌behtò̌ bǎ aphû̌ali̤ hǎte̤gilò̤ tṳtṳ ta pa htǒotoǒ hǒ. Pwǐ kò khwè̌nǎ dě ta̤htû̌sò̌ǐalî̤ amadû̌ ginǐ̤to̤ to̤to̤ akûnu a hî̌, ‘Na mî̌ hephû̌khû, khò̌ti̤ni̤, he htû napha hǒ.’

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Hebrǔ 1:1

Cǒmara hî̌bǎlò̤ sala̤ paphipaphu děwǐkha toǒ ta klè̌ pṳ̂̌bo. Dě a nohî̌bǎ tṳtṳ nû̌ûta pwa̤po̤ toǒ.

Hebrǔ 1:5

Lî̤cahtǐkû khwè̌nǎ ta Cǒmara hî̌ aphû̌khû pwǐhè̌o, “Na mî̌ hephû̌khû, khò̌ti̤ni̤, he htû napha hǒ,” a hî̌ hǐnu. Pwǎ̤tadě Cǒmara hî̌nǒ mǒkhû̌tanaphû̌ hǐnu dǐpwǎ̤꤮ tò̤. Lî̤cahtǐ khwè̌nǎpe ahǔwa̤ to̤to̤ dě a hî̌, “He htû apha pě, dě a htû hephû̌ pě,” ta̤hî̌bǎ hè̌onu a hî̌nǒ mǒkhû̌tanaphû̌ dǐpwǎ̤ tò̤tò̤.

Hebrǔ 2:17

Hǐnu akhû̌akhî, ma̤pûhǐ Běcǎ Ye̤shǔ htûtû̌ pwa̤ htě a ma̤ Cǒmara a ta̤phî̌ta̤ma̤ pwǐ pwa̤tòlûhtò̌ hǐkǒdû̌gutṳ̌ htě acǒatè̤ ta ayo̤ dě a gwèbǎǐjò kò tapwa̤, htohǒtò̤ ma̤pûhǐ a khòsibǎ ta kòyò toǒ a ta̤ma̤sǔ bòlû̌kè ayanu, a hèlò̤ phî̌ kòyòhǎkhû̌phû̌ ala̤klo sǒsǒta apṳawè̤ htǒonu toǒ hǒ.

Hebrǔ 3:1

Hǐnu akhû̌akhî, pṳwè̤ Khrî̌stuphû̌ htě Cǒmara kaǎ sî htǒotoǒ gènè̤kè̌ lǒkhomò̌ Ye̤shǔ htě Cǒmara nohè htû yǎta pwa̤dǒhtû̌ǐ Cǒmara ale̤ayo̤ ta pwa̤tòlûhtò̌ hǐkǒdû̌gutṳ̌ htǒotapwa̤nu.

Hebrǔ 5:10

Dě Cǒmara bè̌htò̌ nû̌û ta pwa̤lṳhtò̌ta̤ hǐkǒdû̌gutṳ̌ htě alò̤ta pwa̤lṳhtò̌ta̤ Malakhǐsèdè̌ ma̤ta̤ dě nukha tapwa̤nu hǒ.