Hebrǔ 5:13 - Kawyaw RC

¹³ Kòyò tapwa̤pwa̤ dě a ope tû̌pwǎ nṳ̂shi numî̌ a lò̤pwǎta phijaû̌ htě a onû̌penu pwǎ. Ta̤cǒta̤tè̤ awi̤akè̌nu, a sî̌yaplṳ̂kû̌ kò hǒtò̤.

Kawyaw New Testament

¹³ Kòyò tôpwa̤pwa̤ dǒ a ôpepwǎ nṳ̌shi numî̌ a sô̌sô̌pwǎ kû̌ phijǎ dǒ a ûnû̌pe nupwǎ. Ta̤cǒta̤tè̤ awe̤akènu, a sî̌ganǎ̤ dû̌wî̤ kû̌ kòyò tô̤̌.

Hebrǔ 5:13 Iomraidhean Croise

Htû̌sò̌htò̌ 119:123

He ǒpo̤kè̌shuǐ mè̤mè̤̌ nata̤ma̤lû̌htò̌ge, nata̤olò̤ cǒtè̤nu dě a gaya̤bò hegobo.

Matěo 11:25

Bǎnuakha Běcǎ Ye̤shǔ hî̌ Cǒmara, “Kǒ꤮ mǒkhû̌ Běcǎ, hǎkhû̌ Běcǎ, hepha Cǒmara꤮, he hî̌bwǐhî̌sîrî na, ta̤htě na bè̌hǔ bǎ pwa̤sî̌pwa̤jòphû̌ toǒ ta pwa̤kè̌lǎsî̌ya ta̤sî̌jòphû̌ toǒnu, na dǔlṳhtò̌ bǎ yǎta kòyò htě a gènè̤pî̌tî̌ ana̤ lò̤ta phijaû̌phû̌nu toǒǒ akhû̌akhî, he hî̌bwǐhî̌sîrîhtò̌ na.

Mǎ̤riko 10:15

He hî̌ mè̤mè̤̌ sî, sî dè nopǒǐ sîna̤ ta Cǒmara pwǐ phijaû̌phû̌ toǒ nopǒǐ ana̤nu tò̤ hî̌nu, sî nṳjò dě Cǒmara shila̤gakû dǐkhò̌꤮ tò̤.”

Rṳ̂̌me̤ 2:20

Na gènè̤ nana̤ ta na yṳ̂bò̌ bǎ kòyò ǒò̌phuhtò htǒotoǒ aklè̌ dě na sû̌ǐtòwòǐjò bǎ kòyò htě alò̤ta phijaû̌ dě a onû̌penu toǒ, ma̤tè̤hî̌dě ta̤sû̌ta̤tòwò yṳ̂klè̌nè̌klòbò bǎ sî ta sî glè sî̌ya Cǒmara awi̤akè̌ ta ta̤te̤ta̤mǎ toǒ hǒ.

Kôritu awǐlǒ tôbǎ 13:11

Bǎ he phijaû̌pe akhanu, he ta̤hî̌bǎ bǎbǎ, he ǐlò̤ he sò̌phlǒsǔshi toǒnu bǎbǎ, he ta̤gènè̤ toǒnu bǎbǎ, asǒsǒta phijaû̌ tapwa̤nu pwǎ. Pò̤̌ta bǎ he dû̌pwa̤ hè akhanu, he wîkèbò phijaû̌ ala̤klo toǒ.

Kôritu awǐlǒ tôbǎ 14:20

He sû̌kho sî, gènè̤ lǒkho pûma̤ pwǐ phijaû̌phû̌ toǒ gènè̤nu ma̤. Pò̤̌ta abǎkhwè̌ ta ta̤phû̌mò̤shî̌hto tukǔnu, htûhtò̌ sǒsǒkû̌ta phijaû̌ ǒsa dě asî̌ya kû̌kò ta̤phû̌mò̤shî̌hto tò̤nu toǒ nî̌. Pwǎ̤tadě ta̤ htě he khwè̌ bǎ sî htǒotoǒnu, gènè̤ lǒkho pwǐ kòyòdû̌pwa̤ tapwa̤ a ta̤gènè̤nu.

Kôritu awǐlǒ tôbǎ 3:1

Pṳwè̤ sî꤮, he ǒkû̌dǒ ta sî dě awǐkha numî̌, he sû̌ǐ sî pwǐ he sû̌ǐ bǎ kòyò htě a jûle̤phî̌yo̤ gana̤de Běcǎ sǎcahtǐ ayo̤ toǒ numî̌ anî̤ hǒtò̤. He bǎ sû̌ǐ sî pwǐ kòyòhǎkhû̌phû̌ htě a lṳ̂ma̤kû̌ pepwǎ a ta̤sò̌yṳ toǒnu toǒ pwǎ. Ma̤tè̤hî̌dě sî ta̤yṳǎ Khrî̌stunu ashû̌asho hǒtò̤ akhû̌akhî, sî sǒsǒpepwǎ ta phijaû̌ htě a onû̌penu toǒ pwǎ.

Kôritu ginǐ̤bǎ tôbǎ 3:9

Ta̤wṳ̂dò ali̤ htě a phî̌hè pwǎ ta̤si htǒonu, a ǒmò̌ ta sîrîshû̌sho dèhî̌dě, ta̤wṳ̂dò asa htě a ma̤cǒma̤tè̤ pa dě Cǒmara alo̤mo̤ htǒonu, a sîrîshû̌sho dû̌khlo ta hǐnu hǒ.

Ěphěsu 4:14

Hǐnudě pa mî̌ asǒsǒta phijaû̌phû̌ htě a onû̌penu toǒ mè̤petò̤ hǒ. Kòyòkě htě a sû̌ǐlòhǎlòho ta̤ toǒnu, a lǒǎplò̤ǎjòpe pa tò̤, dě pa yṳǎsǔjò kû̌pe asî ata̤sû̌ǐtòwòǐ tò̤ hǒ. Pa sǒsǒpe ta sǒkhli htě gili̤sǎ pla̤ gleglòshû̌ yǎ tabǎnu mè̤petò̤ hǒ.

Tîmôte ginǐ̤bǎ tôbǎ 3:16

Lî̤cahtǐ lǒ̤꤮ bò numî̌ Cǒmara ǐ pa, dě a ǒ ta abwǐasîrî dě a sû̌ǐ ta̤te̤ta̤mǎ toǒ, a sû̌ǐtòwòǐ wǒgesǒ ta̤yṳǎsǔ toǒ, a ma̤wǒ tobǎ gesǒ ta̤ma̤ htě asǔ toǒ, ta ta̤sû̌ǐ htě a sû kòyò ta ta̤ǒhtûpwa̤ acǒatè̤ toǒ aya hǒ,

Petru awǐlǒ tabǎ 2:2

Sî sî̌yabǎhto Cǒmara abwǐasîrî hǒ. Hǐnudě htûhtò̌ sǒsǒkû̌ lǒkho pwǐ phijaû̌phû̌ ǒsa dě a hǒwi̤sò̌o mè̤mè̤̌ nṳ̂shi sû̌sò̌ tokhonu toǒ nî̌꤮. Dě sî hǒwi̤sò̌o nṳ̂shi acè̌ hǐnu akhû̌akhî, sî dû̌pwa̤sî̌yahtò̌ to̤htû̌ ta̤ma̤lû̌htò̌ge lǒhtò̌behtò̌nu pě.

Yṳ̂ha ginǐ̤bǎ tôbǎ 1:11

Ma̤tè̤hî̌dě kòyò tapwa̤pwa̤ dě a kaǎshǔ nû̌ûnu, a htûhtò̌ pwa̤ma̤ plǒta̤ ta a dě ma̤ ta̤phû̌mò̤shî̌hto akû hǒ.