Hebrǔ 5:12 - Kawyaw RC

¹² Khònò̤dě sî to htûkû̌ lǒkho sara toǒhǒ. Pwǎ̤ta sî cû̌ lo̤bǎpe tû̌ lǒkho pwǎ kò bǎ sû̌ǐ gesǒ sî ta Cǒmara ale̤ayo̤ akòshî̌ pwǎlè. Sî to ǎkû̌ kò shǎǎshò̌ pwǎ̤tadě sî cû̌ ope tû̌pwǎ lǒkho nṳ̂shi.

Kawyaw New Testament

¹² Khònò̤̌dě sî tô htû lô̌khô sara tokhlǒhǒ. Bǎbǎkǎlè sî cû̌ lǎ̤lṳ̂pe lô̌khô pwǎ kòyò bǎ sû̌ǐ getîkhî sî kû̌ Cǒmara alě̤ayô̤̌ dǒ akòshî̌ pwǎ. Sî tô ǎ kû̌ kòyò shǎǎpwǐ̤ hǒ bǎbǎkǎlè sî cû̌ ôpe pwǎ lô̌khô nṳ̌shi pwǎ.

Hebrǔ 5:12 Iomraidhean Croise

Htû̌sò̌htò̌ 34:11

Hè lǒkho mò̌ hephû̌mǔphû̌khû sî꤮ gana̤de lǒkho heyo̤. To ǐsha bè̌dubè̌na̤ Cǒmara tûjûpwa̤ hî̌tènu, he sû̌ǐtòwòǐ bǎ sî.

Matěo 17:17

Běcǎ Ye̤shǔ hî̌ asî, “Kòyò shodota̤yṳ sî꤮, ta kòyò cû̌sǔklè̌ sî꤮, he bǎ ǒyî̤kû̌pe ta sî pwî̌tè? He tobǎ khòsò̌do ǒyî̤kû̌pe sî pwî̌tè?” A hî̌hto hǐnudě a hî̌lè̌ kòmakhûnu tapwa̤, “Kaǎhè naphû̌khû bǎo.”

Mǎ̤riko 9:19

Dě Běcǎ Ye̤shǔ hî̌ asî, “Kòyò shodota̤yṳ sî꤮, mî̌ he bǎ ǒyî̤kû̌pe ta sî pwî̌tè pě? He tobǎ khòsò̌do ǒyî̤kû̌pe sî pwî̌tè? Kaǎhè yǎ dě he ǒ bǎo.”

Pwa̤nophû̌ 7:38

Mǒ̤jè mî̌ kòyò tapwa̤ htě a ǒplǒ wo̤wǒ̤kû̌bò ta paphipaphu dě lo̤měshǒklanu tapwa̤. A ǒkû̌dǒ ta pa mo̤phaphiphu dě꤮ wǐnu toǒ ta mǒkhû̌tanaphû̌ htě a hî̌bǎ nû̌û dě Sǐnǎkholokhû̌nu tapwa̤. Htodě a mî̌ kòyò tapwa̤ htě a nî̤bǎ Cǒmara ale̤ayo̤ dě a htûpwa̤ htǒotoǒ, dě a glè ǐlò̤ tṳtṳ bǎ pa htǒotoǒnu hǒ.

Rṳ̂̌me̤ 3:2

Htû Yṳ̌daphû̌ tapwa̤ numî̌ abwǐsîrî ǒplṳ̂ mè̤mè̤̌. Ta̤htě abwǐasîrî ǒkhlo tacǎ numî̌ mî̌pwǎ Cǒmara yṳǎ pa Yṳ̌daphû̌ toǒ akhû̌akhî, a pwe̤ǐlṳ bǎ pa ta̤hî̌bǎ htě a sò̌yṳ pwe̤ǐ bǎ kònu toǒ hǒ.

Kôritu awǐlǒ tôbǎ 14:19

Pwǎ̤ta pwa̤yṳǎta̤ aprṳ̂aho akûnu, he hî̌bǎ ta yo̤khěkhǒ htǒotoǒ tò̤. Ma̤tè̤hî̌dě, wǐ꤮ ta he hî̌bǎ kò ta yo̤khěkhǒ htǒo amû tòsò̌nu, tò̤nò̌ he sû̌ǐ pwǎ kò ta yo̤ htě kò sî̌yajò htǒo yè̤̌mû pwǎnu awǒkhlope heya.

Kôritu awǐlǒ tôbǎ 14:20

He sû̌kho sî, gènè̤ lǒkho pûma̤ pwǐ phijaû̌phû̌ toǒ gènè̤nu ma̤. Pò̤̌ta abǎkhwè̌ ta ta̤phû̌mò̤shî̌hto tukǔnu, htûhtò̌ sǒsǒkû̌ta phijaû̌ ǒsa dě asî̌ya kû̌kò ta̤phû̌mò̤shî̌hto tò̤nu toǒ nî̌. Pwǎ̤tadě ta̤ htě he khwè̌ bǎ sî htǒotoǒnu, gènè̤ lǒkho pwǐ kòyòdû̌pwa̤ tapwa̤ a ta̤gènè̤nu.

Galatǐ 4:3

Pa htǒotoǒ numî̌ asǒsǒta hǐnuhǒ. Bǎ Khrî̌stu hè hǒtò̤ akhanu, pa htû hǎkhû̌ a ta̤mǎlò̤ ta a la̤bò̌la̤klo toǒ ajû.

Phǐlǐpǐ 3:1

He pṳwè̤ sî, gutṳ̌lò̤nu, he sò̌yṳ hî̌ sî, sî htûhtò̌ kû̌ta Běcǎ Khrî̌stu tacǎnǔ꤮ pa htǒonu, sò̌le̤sò̌lò̤ lǒkhopû nî̌꤮. He khwè̌cû̌ bǎ gesǒ sî lî̤ htě asǒsǒta awǐkha toǒnu pwǎ pwǎ̤ta a dǐdònǒ he dǐcǎ꤮ tò̤. He khwè̌ htǒotoǒ numî̌ ma̤pûhǐ a ma̤kwaǐ bǎ sîyapwǎ.

Kòlòtè̌ 3:16

No ǒměǒgle lǒbe Khrî̌stu ale̤ayo̤ dě sî sò̌phlǒkû nî̌꤮. Sî sû̌ǐtòwòǐ kè̌khînû̌û tapwa̤ ta tapwa̤, dě sî ǐsè̌rè̌ kè̌khînû̌û tapwa̤ ta tapwa̤ pwî̌ ta̤sî̌jò ǒ ta sînu nî̌꤮. Sò̌po̤htû̌sò̌ǐ lǒkho Cǒmara ta sî ta̤hî̌bwǐhî̌sîrî nû̌û dě sî sò̌phlǒkû nî̌꤮. Sò̌po̤htû̌sò̌ǐ lǒkho Cǒmara ta alî̤sò̌po̤nu toǒ lǒ̤꤮ bò nî̌꤮.

Hebrǔ 10:32

Gènè̤htò̌ to̤bǎ gesǒ lǒkho děwǐkha bǎ sî nî̤bǎhtosa mǒ̤pepwǎ Cǒmara ata̤lî akhanu, sî kè̌shǐbǎplṳ̂ ta̤jîta̤jû pwǎ̤tadě sî sò̌phlǒhtûbò̌ lǒkho pwǎ.

Hebrǔ 5:11

Lo̤bǎ hî̌po̤ sî ta ta̤wi̤ta̤kè̌ htǒonu aǒplṳ̂ pe. Sî sî̌yaphlo pò̤ya̤tû̌ sîya akhû̌akhî, he dǒhtû̌ǐphlo bǎ sî dě apò̤.

Hebrǔ 5:13

Kòyò tapwa̤pwa̤ dě a ope tû̌pwǎ nṳ̂shi numî̌ a lò̤pwǎta phijaû̌ htě a onû̌penu pwǎ. Ta̤cǒta̤tè̤ awi̤akè̌nu, a sî̌yaplṳ̂kû̌ kò hǒtò̤.

Hebrǔ 6:1

Hǐnudě pa bè̌ǒkèbò pa ta̤sû̌ǐtòwòǐ bǎ kò Khrî̌stu awi̤akè̌ a kòshî̌kòtṳnu toǒ dě pa cû̌ hè kû̌po̤ kò alo̤mo̤ dě sû̌ǐsî̌ya kû̌po̤ kò ta kòyò dû̌pwa̤aya a ta̤sû̌ǐ htǒotoǒ hò̌꤮. Kò sû̌ǐhèhè sû̌ǐgege bǎ pa ta ta̤sû̌ǐtòwòǐ a kòshî̌kòtṳ dě a hî̌, sî bǎ wîkè ta̤ma̤ htě abwǐ ǒtò̤nu toǒ, dě sî bǎ yṳǎ Cǒmara, ta̤sû̌ǐ pwǐhè̌o toǒnu, pa glè sî̌ya hèyî̤pesǒ alo̤mo̤ tò̤, pa cû̌ hè kû̌po̤ kò dě alo̤mo̤ hò̌꤮.

Petru awǐlǒ tabǎ 2:2

Sî sî̌yabǎhto Cǒmara abwǐasîrî hǒ. Hǐnudě htûhtò̌ sǒsǒkû̌ lǒkho pwǐ phijaû̌phû̌ ǒsa dě a hǒwi̤sò̌o mè̤mè̤̌ nṳ̂shi sû̌sò̌ tokhonu toǒ nî̌꤮. Dě sî hǒwi̤sò̌o nṳ̂shi acè̌ hǐnu akhû̌akhî, sî dû̌pwa̤sî̌yahtò̌ to̤htû̌ ta̤ma̤lû̌htò̌ge lǒhtò̌behtò̌nu pě.

Petru awǐlǒ tabǎ 4:11

Ûpèpè̌꤮ bǎbǎ, a dè dǒhtû̌ǐ bǎ kò hî̌nu, a bǎ dǒhtû̌ǐ bǎ kò pwǐ Cǒmara hî̌bǎ kò dě a nodǒhtû̌ǐ tṳtṳ nû̌ûta nanu. Dě ûpèpè̌꤮ bǎbǎ a dè ma̤jûphû̌ ta̤ma̤ hî̌nu, a tobǎ ma̤ nû̌ûta khû̌ǎ htě Cǒmara ǐlò̤ nû̌ûnu toǒ. Dè ma̤hǐnu hî̌dě, Ye̤shǔkhrî̌stu akhû̌akhî, kò htû̌sò̌ǐ Cǒmara ta ta̤ lǒ̤꤮ bò htě sî ma̤ htǒotoǒ akhû̌akhî pě. Cǒmara nî̤bǎtû̌ta ta̤sîrîdû̌sîrîhtû ta ta̤po̤ta̤phǎ tûjûpwa̤ talakhǎ nî̌꤮. Amè̤.