Hebrǔ 4:9 - Kawyaw RC

⁹ Hǐnudě, alò̤ta Cǒmara ma̤hto ata̤ma̤ ni̤susǒ dě a ǒkǔ mṳni̤ susǒti̤ni̤nu ti̤ni̤nu hǒ, Cǒmara akòyò toǒ genṳǒkǔ kû̌ta Cǒmara pě.

Kawyaw New Testament

⁹ Pô̤̌nudě, asô̌sô̌kû̌ Cǒmara ma̤hto ata̤ma̤ ni̤susô̌ dě a ô̌kǔ dǒ lṳmṳ̌ni̤ susô̌tôni̤ nutôni̤ nuhǒ, Cǒmara a kòyò tokhlǒ genṳ̌ ô̌kǔ kû̌ Cǒmara pě.

Hebrǔ 4:9 Iomraidhean Croise

Htû̌sò̌htò̌ 47:9

Khlilèphû̌ ahǐkǒlǒkòdû̌ toǒ hè ǒhtuǒplǒ htukû̌bò ta Abraham acǒmara akòyò. Hǎkhû̌běkhû̌ ahǐkǒlǒkòdû̌ toǒnu, aǒpwǎ dě Cǒmaradû̌ ata̤pǒ ala̤. Cǒmara mî̌ kò bè̌htò̌yî̤khlo nû̌û.

Matěo 1:21

A phû̌makhû pě dě na bǎ kaǎ ami̤ ta Ye̤shǔ nî̌꤮, ma̤tè̤hî̌dě a ma̤lû̌htò̌ge akòyò toǒ dě a ta̤sǔta̤plě akû pě.”

Tǐtǔ 2:14

Ma̤pûhǐ a ma̤lû̌htò̌ge pa dě ta̤phû̌mò̤shî̌hto lǒ̤꤮ bò toǒ akû, htohǒtò̤ ma̤pûhǐ a ma̤mṳ̂plîge pa dě pa glè htûhtò̌ akòyò, htohǒtò̤ pa sò̌phlǒsho ma̤ta̤ awǒ toǒ ayanu, a khòsi asò̌ ta paya hǒ.

Hebrǔ 11:25

Mǒ̤jè bè̌lò̤ asò̌phlǒ, wǐ꤮ ta a glè lṳ̂ ta̤mo̤ teděsǎphû̌ htě a ǐ htûhtò̌ ta̤sǔ htǒonu, a glè khòkû̌dǒ ta̤jîta̤jû ta Cǒmara akòyò toǒnumî̌, a mo̤khlope a sò̌yṳ hǐnu.

Hebrǔ 3:11

Hǐnudě he sò̌phlǒdû̌ asî dě he hî̌lò̤kè asî ta̤hî̌bǎ tûmû, ‘Shiga htě he olò̤ ta he glè ǐ yǎta asî la̤ǒkǔ htǒotò̤glònu, asî nṳbǎpe tò̤ hǒ,’ he ǐsholò̤kè asî hǐnu.”

Hebrǔ 4:1

Cǒmara olò̤ sadape pa tǒ̤lò̤khònò̤ ta pa nṳjò dě la̤ǒkǔ agûla̤ htǒonu pě. Ma̤pûhǐ sî pṳ̂̌꤮ tapwa̤ nṳjò dě la̤ǒkǔ ta Cǒmara olò̤ htǒo ayanu, pa bǎsè̌rè̌ǐ pana̤.

Hebrǔ 4:10

Ma̤tè̤hî̌dě, pwǐ Cǒmara ǒkǔ dě ata̤ma̤ akûnu, kòyò htě a nṳjò dě la̤ǒkǔ ta Cǒmara olò̤ htǒotoǒnu, a ǒkǔ lǒkho ata̤ma̤ pě.

Hebrǔ 4:3

Pò̤̌ta pa yṳǎ htǒotoǒnu, la̤ǒkǔ htě Cǒmara olò̤ htǒonu pa nṳbò̌ hǒ. Kòyò htě a yṳǎ kû̌kò Cǒmara tò̤ htǒotoǒ ayanu, Cǒmara hî̌ asî, “He sò̌phlǒdû̌ asî dě he hî̌lò̤ phlǔkè asî, ‘Shiga htě he glè ǐ yǎta asî la̤ǒkǔ htǒotò̤glònu, asî nṳbǎpe tò̤ hǒ,’” a hî̌ hǐnu. Pwǎ̤ta la̤ǒkǔ htě Cǒmara olò̤ ta a ǐ kò pě htǒonu, a ma̤htope dě a bǒlò̤ hǎkhû̌ akhanu pe.

Hebrǔ 4:8

Jò̌shua sûnṳ kò dě Khana̤gakû htǒonu, a dè mè̤mè̤̌ ga htě Cǒmara olò̤kè la̤ǒkǔ agûla̤ htǒo taga hî̌mò̌nu, Cǒmara hî̌khǒpe mṳni̤ ahǔwa̤ ti̤ni̤ dǐkhò̌꤮ tò̤.

Petru awǐlǒ tabǎ 2:10

Taplǎkhanu, sî mî̌ Cǒmara akòyò mè̤tò̤ pwǎ̤tadě khònò̤htǒo sî htû Cǒmara akòyò hǒ. Taplǎkhanu, sî sî̌ya Cǒmara a ta̤sò̌yṳgwèbǎǐ tò̤ pwǎ̤ta khònò̤htǒo sî nî̤bǎ a ta̤sò̌yṳgwèbǎǐ hǒ.

Ta̤dǔlè̌nǎ 14:13

Htodě he gana̤de ta̤po̤htò̌ mǒkhû̌ dě a hî̌, “Khwè̌mǎkè htǒonu, tèhtò̌ khònò̤tǒ̤hènu, kòyò htě a si dě Cǒmara a ta̤phî̌ta̤ma̤ akû toǒnu, a glè nî̤bǎ ta̤howi̤.” Běcǎ sǎcahtǐ hî̌, “A mè̤mè̤̌. Ma̤tè̤hî̌dě asî glè ǒkǔkè lǒkho dě a ta̤phî̌ta̤ma̤ toǒ akû ta a ta̤jîta̤jû toǒ akû hǒ. Htohǒtò̤ asî ta̤phî̌ta̤ma̤ htě abwǐasîrî ǒ toǒnu, a gûkû̌ asîkò pě.”

Ta̤dǔlè̌nǎ 21:4

Cǒmara htǔsûkèbò asî ami̤sǎshi pě. Ta̤si ǒpe tò̤. Ta̤sǎpla̤ bǎbǎ, ta̤hǎta̤wo bǎbǎ, shayî̌bò̌plě bǎbǎ a ǒpe tò̤. Ta̤ htě a htûhtò̌bǎ hǎkhû̌ ali̤ htǒotebě toǒnu, a ǒpe tò̤ hǒ.”