Hebrǔ 4:3 - Kawyaw RC

³ Pò̤̌ta pa yṳǎ htǒotoǒnu, la̤ǒkǔ htě Cǒmara olò̤ htǒonu pa nṳbò̌ hǒ. Kòyò htě a yṳǎ kû̌kò Cǒmara tò̤ htǒotoǒ ayanu, Cǒmara hî̌ asî, “He sò̌phlǒdû̌ asî dě he hî̌lò̤ phlǔkè asî, ‘Shiga htě he glè ǐ yǎta asî la̤ǒkǔ htǒotò̤glònu, asî nṳbǎpe tò̤ hǒ,’” a hî̌ hǐnu. Pwǎ̤ta la̤ǒkǔ htě Cǒmara olò̤ ta a ǐ kò pě htǒonu, a ma̤htope dě a bǒlò̤ hǎkhû̌ akhanu pe.

Kawyaw New Testament

³ Bǎbǎkǎlè pa dǒ a yṳ̌ǎ tokhlǒnu, lǎ̤ô̌kǔ dǒ Cǒmara olò̤nu pa nṳ̌bò̌ hǒ. Kòyò dǒ a yṳ̌ǎ kû̌ kòyò Cǒmara tô̤̌ tokhlǒ ayanu, Cǒmara hî̌ asî kû̌, “He sǎphlǒdû̌ asî dě he hî̌lò̤ phlǔkè asî kû̌, ‘shigǎ dǒ he gǔ ǐ asî lǎ̤ô̌kǔ aya tôgǎnu, asî nṳ̌bǎ petô̤̌ hǒ,’” a hî̌ pô̤̌nu. Bǎbǎkǎlè lǎ̤ô̌kǔ dǒ Cǒmara olò̤ kû̌ a gǔ ǐ kòyò pěnu, a ma̤htopě dě a bô̌lò̤ hǎkhû̌ akha nupe hǒ.

Hebrǔ 4:3 Iomraidhean Croise

Mǒhtûlû̌hǎhtûsa 1:31

Dě Cǒmaradû̌ kè̌shǐbò a ma̤ ta̤ htǒotoǒnu a wǒ mè̤mè̤̌ akhû̌akhî, a sò̌phlǒmo̤ mè̤mè̤̌. Lṳmṳkhǐ htodě lṳmṳlîbû hè, dě a behtò̌ ti̤ni̤, hǐnu ti̤ni̤ mî̌ ani̤ susǒ.

Htû̌sò̌htò̌ 95:11

“Ma̤hǐnudě he sò̌phlǒdû̌ asî dě he hî̌lò̤kè asî yo̤ tûmû ta, ‘Shiga htě he olò̤ ta he glè ǐ yǎta asî la̤ǒkǔ teděsǎ htǒotò̤glònu, asî nṳbǎpe tò̤ hǒ.’”

Matěo 13:35

Ma̤hǐnudě htǒomî̌ a hèto pwǐ Cǒmara pwe̤ǐnǎ pwa̤po̤ dě a hî̌, “He hî̌bǎ kò ta yo̤sǎkhěkhǒ toǒ pě, he pwe̤ǐlṳ bǎ asî ta ta̤htě kò bè̌hǔ yǎ dě mǒhtûlû̌hǎhtûsanu toǒ pě.”

Matěo 25:34

“Bǎnuakha pěnu, Khwǐ htǒotapwa̤ hî̌ kòyò htě acǔdemû htǒotoǒ pě ta, ‘Hèmò̌ lǒkho, sî mî̌ kòyò htě a nî̤bǎ hepha a ta̤howi̤ toǒ, hènṳ phî̌wǒ lǒkho mǒkhû̌ shila̤gakû dě a mî̌ na û̌cata̤bî̌ htě kò ma̤wǒnǎ bǎ sî dě mǒhtûlû̌hǎhtûsape akhahtǒonu.

Ěphěsu 1:4

Ma̤tè̤hî̌dě, Cǒmara a lo̤mo̤ pěnu, ma̤pûhǐ pa cahtǐ dě kò ǐjòpe pû pa ta̤sǔ dǐcǎ꤮ tò̤nu, a wû̌lǎ pa dě Khrî̌stu akû, bǎ a bǒlò̤ hǎkhû̌ hǒtò̤ akhape.

Hebrǔ 3:11

Hǐnudě he sò̌phlǒdû̌ asî dě he hî̌lò̤kè asî ta̤hî̌bǎ tûmû, ‘Shiga htě he olò̤ ta he glè ǐ yǎta asî la̤ǒkǔ htǒotò̤glònu, asî nṳbǎpe tò̤ hǒ,’ he ǐsholò̤kè asî hǐnu.”

Hebrǔ 3:14

Ma̤tè̤hî̌dě, pa ta̤yṳǎ Cǒmara dě khû̌lû̌khanu, pa dè pṳ̂měǐwǒ yǎ to̤htû̌ agutṳ hî̌mò̌nu, pa htû pwa̤ma̤htuta̤ ta Khrî̌stu hǒ.

Hebrǔ 9:26

Khrî̌stu dè lo̤bǎ sala̤la̤ hǐnu hî̌mò̌nu, a tobǎ khòsi sala̤la̤dǒ asò̌ dě hǎkhû̌ htûhtò̌ akhape kò̌. A lo̤bǎ khòsi hǐnutò̤. Khònò̤htǒo bǎ hǎkhû̌ glè phǔ gutṳ akhanu, a hè khòsipwǎ taplǎpa dě a htophlǔ hǒ. Dě a lṳhtò̌ǐ ana̤klû ta ana̤htǒo akhû̌akhî, a phî̌cû̌ tephekè kòyòhǎkhû̌phû̌ toǒ ata̤sǔ toǒ hǒ.

Petru awǐlǒ tabǎ 1:20

Bǎ Cǒmara bǒlò̤ hǎkhû̌ hǒtò̤ akhanu, a wû̌lǎnǎhto Khrî̌stu htǒohǒ. Pwǎ̤ta mṳni̤mṳsa gutṳ̌lò̤ mî̌ khònò̤kha htǒotoǒnu, Cǒmara dǔlṳ bǎ sî ta Khrî̌stu hǒ.