Hebrǔ 4:15 - Kawyaw RC

¹⁵ Pa pwa̤tòlûhtò̌ hǐkǒdû̌gutṳ̌ htǒotapwa̤nu, a sî̌ya pa ta̤khû̌ǎyû̌lò̤ toǒ dě a gwèbǎǐ pa. Ma̤tè̤hî̌dě a kè̌shǐ shěto̤bǎ ta ta̤lǒǎplò̤ǎ pṳ̂̌꤮ tacǎ pwǐ pa kè̌shǐ shěto̤bǎ htǒonu pwǎ̤tadě a ma̤sǔ ta̤ tò̤.

Kawyaw New Testament

¹⁵ Pa pwa̤shû̌gǎ ikǒdû̌lǒ nutôpwa̤ nî̌ a sî̌ganǎ̤ pa ta̤khû̌shiǎjǎ tokhlǒ dě a sǎyṳgwèbǎǐ pa. Ma̤titèhî̌dě a kè̌shǐ tṳ̌bǎ kû̌ ta̤tili̤tôlô̌ pṳ̂̌tocǒ pô̤̌ pa kè̌shǐ tṳ̌bǎnu bǎbǎkǎlè a ma̤sǔkû̌ ta̤ tô̤̌.

Hebrǔ 4:15 Iomraidhean Croise

Matěo 12:20

Kòyò htě a khû̌ǎyû̌lò̤ sǒsǒta gopo̤mṳ cokǒ tapwa̤nu, a pe̤tṳkè nû̌û tò̤. Kòyò htě a ta̤yṳpî̌tî̌ lò̤ta mî̌ko htě a glè pi̤ tapwa̤nu a hǔpi̤ nû̌ûta tò̤. A glè ma̤wǒ sělě dě a gwèbǎǐ sělěpo̤ ta̤ to̤htû̌ a ǐhtûhtò̌ ta̤cǒta̤tè̤ ma̤pè̤kè ta̤phû̌mò̤ htǒonu pě.

Matěo 4:1

Ma̤pûhǐ khînǎmo̤pha hǐkǒdû̌ htû̌sǒbǎ phû̌mò̤ Ye̤shǔ dě Běcǎ sǎcahtǐ sûcû̌ nû̌û dě lo̤měshǒkla.

Lǔka 22:28

Bǎ he khòbǎ ta̤pò̤ta̤sha akhanu, sî ǒkû̌ ta he pṳ̂̌꤮ taplǎ hǒ.

Lǔka 4:2

Khînǎmo̤pha hǐkǒdû̌ hè htû̌sǒbǎ nû̌û ani̤li̤shi asali̤shi. Dě ani̤li̤shi asali̤shi akûnu a ǎshǎ dǐcǎ꤮ tò̤ akhû̌akhî, ani̤li̤shi htodě asǎǎsò̌o hè.

Jowǎ̤ni̤ 8:46

He ma̤ta̤ numî̌ a sǔpwǎ a hî̌ dě a nè̌bò̌ numî̌ dě sîklanu a ǒtapwa̤pwa̤ ya? He dè hî̌bǎta̤ htě atoamè̤ toǒpwǎ dèhî̌dě mî̌ma̤tè̤dě sî yṳǎ he tò̤.

Rṳ̂̌me̤ 8:3

Dě mî̌titè akhû̌akhî hî̌dě, ma̤pûhǐ pa bǎ ǒkǔkè ta pa ma̤ ta̤sǔ htǒo ayanu, pa gana̤de gûma̤kû̌ ta̤sû̌ta̤tòwò htǒo akò dě, a ta̤shû̌ta̤sho htě a glè ma̤jè bǎ panu a ǒtò̤, ma̤tè̤hî̌dě akhû̌aǎ htě a glè ma̤pè̤kè phěyî̌ a ta̤sò̌yṳ htǒonu a ǒtò̤. Hǐnudě Cǒmara ma̤ ta ana̤, a nohèlò̤ a phû̌makhû dě a hèlò̤ sûlûana̤ pwǐ hǎkhû̌phû̌ sǒsǒta pa dě a ma̤ ta̤sǔ htǒotoǒ. Pwǎ̤tadě ta̤sǔ ala̤klo ma̤sapṳnṳ htǒo pǒǐjò nû̌û tò̤. A hè khòbǎ pa ta̤sǔta̤plě, dě a ma̤pî̌kè ta̤sǔ a ta̤pǒǐ pa htǒotoǒ hǒ.

Kôritu ginǐ̤bǎ tôbǎ 5:21

Khrî̌stunu ata̤sǔ ǒ dǐcǎ꤮ tò̤. Pwǎ̤tadě, ma̤pûhǐ a plělîkè bǎ pa ta̤sǔ ami̤shû̌ toǒ ayanu, Cǒmara nokhòsi nû̌û ta pa ta̤sǔ aya. Khrî̌stu ma̤ bǎ pa hǐnu akhû̌akhî, pa htûhtò̌ ta Khrî̌stu tacǎnǔ꤮ pa dě, Cǒmara bè̌cǒbè̌tè̤ pa dě alo̤mo̤ pě.

Hebrǔ 4:14

Hǐnudě, pa pṳ̂měpṳ̂glewǒ pa ta̤yṳta̤nǎ htě pa olò̤hto htǒonu hò̌꤮, ma̤tè̤hî̌dě, pa ǒ ǐ ta pa pwa̤tòlûhtò̌ hǐkǒdû̌gutṳ̌ htǒotapwa̤, dě a cû̌nṳ bǎ paya dě mǒkhû̌ hǒ. A mî̌ Cǒmara a phû̌makhû Ye̤shǔ htǒonuhǒ.

Hebrǔ 5:2

Asî htûpwǎ kòyòhǎkhû̌phû̌ akhû̌akhî, a ma̤sǔma̤plě lǒkho pwǎ. Hǐnudě kòyò htě a sî̌ya te̤mǎ kû̌kò ta̤te̤ta̤mǎ tò̤ dě a ma̤sǔma̤plě ta̤ toǒ ayanu, asî gènè̤ gwèbǎǐjò kû̌kò tò̤.

Hebrǔ 7:26

Hǐnudě, Ye̤shǔ mî̌ pwa̤lṳhtò̌ta̤ hǐkǒdû̌gutṳ̌ tapwa̤ htě a ma̤lǒbebò bǎ pa ta̤lo̤bǎ toǒ. A mî̌ acahtǐ, ata̤sǔ ǒtò̤, asò̌phlǒ mṳ̂plî. Cǒmara bè̌ǒkhǒtephe nû̌ûta ta̤ma̤sǔphû̌ toǒ, dě a ǐǒ nû̌û gûla̤ htò̌yî̤gutṳ̌ tò̤glò hǒ.

Hebrǔ 9:28

Hǐnuakho ma̤pûhǐ Khrî̌stu phî̌cû̌ tephebòkè kòyò saprṳ̂ ata̤sǔ toǒnu dě a khòsipwǎ taplǎ pa. A hè gesǒ pě pwǎ̤tadě a hè phî̌cû̌ tephekè bǎ pa ta̤sǔ pěnu mè̤tò̤. A hè ma̤lû̌htò̌ge kòyò htě a ǒpo̤kè̌shuǐ nû̌ûnu toǒ pě.

Petru awǐlǒ tabǎ 2:22

“A ma̤ ta̤sǔ dǐcǎ꤮ tò̤. Kò gana̤debǎ ta a hî̌bǎ lòho dǐpwǎ̤꤮ tò̤.”

Yṳ̂ha awǐlǒ tôbǎ 3:5

Pwǎ̤ta ma̤pûhǐ Khrî̌stu phî̌cû̌kè pa ta̤sǔta̤plě toǒ ayanu, a hèlò̤hto dě hǎkhû̌bǎo numî̌ sî sî̌yahto tû̌ hǒ. Htohǒtò̤ sî sî̌ya ta Ye̤shǔkhrî̌stu htǒonumî̌ a ta̤sǔta̤plě ǒkû̌kò dǐcǎ tò̤.